Baby Bag

პრაქტიკოსი მასწავლებლების გამოცდები შემოდგომაზე ჩატარდება, მაძიებელი მასწავლებლების და სისტემაში შესვლის მსურველების კი - ზაფხულში​

პრაქტიკოსი მასწავლებლების გამოცდები შემოდგომაზე ჩატარდება, მაძიებელი მასწავლებლების და სისტემაში შესვლის მსურველების კი - ზაფხულში​

განათლების სამინისტროს ინფორმაციით, იმ პრაქტიკოს მასწავლებლებს, რომლებიც 2020 წლის 30 აპრილის ჩათვლით დარეგისტრირდნენ მასწავლებლის გამოცდაზე, გამოცდა გადაუვადდათ და საშუალება მიეცათ 2020 წლის შემოდგომაზე ჩააბარონ შესაბამისი საგანი ან/და პროფესიული უნარები. 

რაც შეეხება მასწავლებლის სტატუსის მოპოვების მსურველებს, სამინისტრომ შესაძლებლობა მისცა 2020 წლის 30 აპრილის ჩათვლით დარეგისტრირებულ მაძიებელ მასწავლებლებსა და სისტემაში შემოსვლის მსურველებს ჩააბარონ გამოცდა 2020 წლის ზაფხულში, რომელიც 22 ივლისიდან - 30 ივლისის ჩათვლით ჩატარდება.

საგამოცდო ცენტრები შემდეგ ქალაქებში გაიხსნება: ბათუმი, ფოთი, ზუგდიდი, ოზურგეთი, ქუთაისი, ახალციხე, გორი, თბილისი, რუსთავი, თელავი. ყველა საგამოცდო ცენტრში იქნება გახსნილი სამედიცინო პუნქტი, რომელიც აღჭურვილია პირველადი დახმარებისათვის საჭირო მედიკამენტებით.  

განათლების სამინისტროს ინფორმაციით, 2020 წელს საგამოცდო პროცესში 12 000-მდე მასწავლებლობის მსურველი ჩაერთვება.

სქემაში შესულ სხვა ცვლილებებს გაეცანით ამ ბმულზე მასწავლებელ​თა პროფესიული განვითარებისა და კარიერული წინსვლის სქემაში ცვლილებები შევიდა

Momsedu.ge-მ თქვენთვის, მასწავლებლებისთვის შექმნა ახალი სივრცე - „მასწავლებლების სანდო წყარო“, სადაც ყოველდღიურად ქვეყნდება საგანმანათლებლო სფეროს სიახლეები. გადმოდით ბმულზე და მოიწონეთ - „მასწა​ვლებლების სანდო წყარო“.

შეიძლება დაინტერესდეთ

შანსი მასწავლებლებისთვის!!! - პედაგოგთა პროფესიული ზრდის ცენტრში ესეს წერის ონლაინ კურსზე რეგისტრაცია გახანგრძლივდა

შანსი მასწავლებლებისთვის!!! - პედაგოგთა პროფესიული ზრდის ცენტრში ესეს წერის ონლაინ კურსზე რეგისტრაცია გახანგრძლივდა
პედაგოგთა პროფესიული ზრდის ცენტრში ესეს წერის ონლაინ კურსზე რეგისტრაცია 15 მაისის ჩათვლით გახანგრძლივდა.

როგორც ცენტრში აცხადებენ, ტრენინგის გავლა შეუძლია ნებისმიერ მსურველს. ის მოიცავს ყველა საჭირო მასალას, რაც სრულფასოვანი ესეს დასაწერად არის საჭირო:

,,ტრენინგს ატარებენ მასწავლებლის სახლის გამოცდილი და მაღალკვალიფიციური ტრენერები. სრული კურსის ხანგრძლივობაა 9 საათი, კვირაში 3 დღე. თითო მეცადინეობა მიმდინარეობს 1 საათის განმავლობაში. სრული კურსის ღირებულებაა 60 ლარი. გავითვალისწინეთ მასწავლებელთა სურვილი და რეგისტრაციის ბოლო ვადა 15 მაისამდე გავახანგრძლივეთ,'' - აღნიშნავენ პედაგოგთა პროფესიული ზრდის ცენტრში. 

რეგისტრაციისათვის ეწვიეთ ბმულს - რეგისტრაცია

დამატებითი ინფორმაციისთვის ეწვიეთ პედაგოგთა პროფესიული ზრდის ცენტრის ფეისბუქ გვერდს ან დარეკეთ ნომერზე 592 477 277

R.
წაიკითხეთ სრულად