Baby Bag

,,როდესაც სკოლაში არსებობს მაღალკვალიფიციური კადრი, რატომ უნდა ჰქონდეს ასეთ მასწავლებელს ნაკლები დატვირთვა და შესაბამისად, ნაკლები ხელფასი?!“

,,როდესაც სკოლაში არსებობს მაღალკვალიფიციური კადრი, რატომ უნდა ჰქონდეს ასეთ მასწავლებელს ნაკლები დატვირთვა და შესაბამისად, ნაკლები ხელფასი?!“

„ვინც სტატუსით მაღლა დგას, მას მეტი საათი უნდა ჰქონდეს. როდესაც სკოლაში არსებობს მაღალკვალიფიციური კადრი, რატომ უნდა ჰქონდეს ასეთ მასწავლებელს ნაკლები დატვირთვა და შესაბამისად, ნაკლები ხელფასი?!“ - ამის შესახებ მასწავლებელთა პროფესიული განვითარების ეროვნული ცენტრის ხელმძღვანელმა ბერიკა შუკაკიძემ Momsedu.ge-სთან ინტერვიუში განაცხადა.

მისივე თქმით, მსგავს თემებზე დირექტორმა და მასწავლებელმა ერთად უნდა მოილაპარაკონ:

„ჩვენ ბავშვის საუკეთესო ინტერესი უნდა დავიცვათ. ერთ რამეზე უნდა შევთანხმდეთ, მასწავლებლის სახლი ვერ გადაუწყვეტს ამა თუ იმ სკოლას საშინაო საკითხს. ჩვენ სკოლებს უნდა დავეხმაროთ მეთოდოლოგიურად, დანარჩენი თვითონ უნდა ისწავლონ. დირექტორმა და მასწავლებელმა ერთად უნდა მოილაპარაკონ მსგავს თემებზე. ნუ ველოდებით, რომ სახელმწიფო გადაგვიწყვეტს, რომელიმე კონკრეტულ სკოლაში დირექტორს, მასწავლებლებს, მოსწავლეებსა და მშობლებს შორის ურთიერთობას. ამას განათლების სამინისტრო ვერ მოაგვარებს. მშობელმა უნდა მოსთხოვოს მასწავლებელს, დაუსვას მას კითხვა - რატომ სჭირდება მის შვილს დამატებით მომზადება. საზოგადოებამ უნდა ისწავლოს ერთმანეთთან თანაცხოვრება. სახელმწიფო უზრუნველყოფს მაღალ ანაზღაურებს, მშობლებმა კი უნდა მოსთხოვონ მასწავლებლებს, თავიანთ შვილებს შესაბამისი განათლება მისცენ. ეს გამოცდაც და კატეგორიებიც ხომ იმის დადასტურებაა, რომ მასწავლებელი უფრო მეტად ზრუნავს მოსწავლებზე, უფრო მეტი გამოცდილება და კომპეტენცია აქვს. ჩვენ მოსწავლეთა თანაბარი ჩართულობა და ინტერესები უნდა დავიცვათ. შეიძლება მენტორზე უკეთესს გაკვეთილს პრაქტიკოსი ატარებდეს, მაგრამ ეს არის გამონაკლისები,“ - განაცხადა მასწავლებელთა პროფესიული განვითარების ეროვნული ცენტრის ხელმძღვანელმა ბერიკა შუკაკიძემ.

თუ გინდათ, რომ განათლების სფეროში მიმდინარე სიახლეების შესახებ ინფორმირებულები იყოთ, მოიწონეთ გვერდი „მასწავლ​ებლების სანდო წყარო“

,,უფროსები გახადეთ 1 კრედიტით და თანაც საათებიც მიართვით ,,დამსახურებულად" ზოგიერთებს...ამ...
მასწავლებლის სახლის დირექტორის, ბერიკა შუკაკიძის განცხადებას - ვინც სტატუსით მაღლა დგას, მას მეტი საათი უნდა ჰქონდეს, მასწავლებელთა მხრიდან დიდი გამოხმაურება მოჰყვა. მათი ნაწილი ეთანხმე...

შეიძლება დაინტერესდეთ

მასწავლებლის სახლი ონლაინ ტრენინგების, ვიდეოგაკვეთილებისა და სხვა საინტერესო აქტივობების სერიას იწყებს

მასწავლებლის სახლი ონლაინ ტრენინგების, ვიდეოგაკვეთილებისა და სხვა საინტერესო აქტივობების სერიას იწყებს

შექმნილი მდგომარეობიდან გამომდინარე, მასწავლებელთა პროფესიული განვითარების ეროვნული ცენტრი იწყებს ონლაინ ლექციების, ვიდეო კონფერენციების, ელექტრონული რესურსების, ტრენინგებისა და ვიდეოგაკვეთილების სერიას, რომელიც ყოველდღიურად განთავსდება მათ გვერდზე.

„შემოთავაზებული რესურსები თანაბრად საინტერესო იქნება პედაგოგებისთვის, დირექტორებისთვისა და მშობლებისთვის.

ცენტრი ყოველდღიურად შემოგთავაზებთ საინტერესო აქტივობებს, რომლებიც სწავლა-სწავლების პროცესში დიდ დახმარებას გაგიწევთ.

გთხოვთ, კომენტარის ან შეტყობინების სახით მოგვწეროთ თქვენთვის საინტერესო თემა, აქტივობა ან სურვილი, რათა ჩვენმა გუნდმა შეძლოს უფრო ეფექტურად დაგეგმოს პროცესი და უკეთ გაიაზროს თქვენი საჭიროება.

ჩვენთვის თითოეული თქვენგანის აზრი და სურვილი მნიშვნელოვანია. გისურვებთ ჯანმრთელობას!“ - წერია მასწავლებლის სახლის მიერ გავრცელებულ ინფორმაციაში.

წაიკითხეთ სრულად