Baby Bag

„მასწავლებლობის მაძიებლებს უფლება აქვთ, თავიანთი ვალდებულებები მომდევნო სასწავლო წლის პირველ სემესტრში შეასრულონ“ - მინისტრის ბრძანება

„მასწავლებლობის მაძიებლებს უფლება აქვთ, თავიანთი ვალდებულებები მომდევნო სასწავლო წლის პირველ სემესტრში შეასრულონ“ - მინისტრის ბრძანება

„მასწავლებლობის მაძიებელთა რეგისტრაციის და მასწავლებლობის მაძიებლობის პერიოდის გავლის წესისა და მასწავლებლობის მაძიებლობის პერიოდის გავლის დამადასტურებელი დოკუმენტის ნიმუშისა და გაცემის წესის დამტკიცების შესახებ“ ბრძანებაში ცვლილება შევიდა. შესაბამისი დოკუმენტი, რომელსაც განათლების, მეცნიერების, კულტურისა და სპორტის მინისტრი მიხეილ ჩხენკელი აწერს ხელს, დღეს, 21 მაისს გამოქვეყნდა.

ბრძანების თანახმად, ​იმ მასწავლებლობის მაძიებლებს, რომლებმაც 2020 წლის 2 მარტიდან ზოგადსაგანმანათლებლო დაწესებულებებში სასწავლო პროცესის შეჩერების გამო ვერ შეძლეს მასწავლებლობის მაძიებლობის ინტენსიური მოკლევადიანი პროგრამით გათვალისწინებული ვალდებულებების შესრულება, უფლება აქვთ აღნიშნული ვალდებულებები შეასრულონ მომდევნო სასწავლო წლის პირველ სემესტრში.

როგორც ბრძანებაშია აღნიშნული, მასწავლებლობის მაძიებლობის პროგრამა – „მასწავლებელთა პროფესიული განვითარების ეროვნული ცენტრის (შემდგომში – ცენტრი) მიერ შემუშავებული და დამტკიცებული პროგრამა, რომელიც ზოგადსაგანმანათლებლო დაწესებულებაში მასწავლებლის სტატუსით დასაქმებულმა პირმა უნდა გაიაროს მუშაობის დაწყებიდან ორი წლის განმავლობაში, მასწავლებლის განათლებისთვის დადგენილი შესაბამისი მოთხოვნების უზრუნველყოფის მიზნით.

 მასწავლებლობის მაძიებლობის პროგრამა მოიცავს:

ა) აკადემიურ კურსს;

ბ) პედაგოგიური პრაქტიკის კურსს;

გ) საგნის გამოცდის წარმატებით ჩაბარების ვალდებულებას კანონმდებლობით დადგენილი წესით.

ბრძანების თანახმად, მასწავლებლობის მაძიებლის მიერ მასწავლებლობის მაძიებლობის პროგრამა ითვლება წარმატებულად გავლილად, თუ მასწავლებლობის მაძიებელი აკადემიურ და პედაგოგიური პრაქტიკის კურსში შეფასდება დადებითად და თუ წარმატებით ჩაბარებული აქვს ან წარმატებით ჩააბარებს საგნის გამოცდას.

იხილეთ ​ბრძანება

შეიძლება დაინტერესდეთ

„პედაგოგებს, ვინც ვერ/არ დარეგისტრირდა მასწავლებელთა გამოცდებზე, მიეცეთ საშუალება, დარეგისტრირდნენ საშემოდგომო გამოცდებზე“ - საქართველოს სკოლის ლიდერთა ასოციაცია

„პედაგოგებს, ვინც ვერ/არ დარეგისტრირდა მასწავლებელთა გამოცდებზე, მიეცეთ საშუალება, დარეგისტრირდნენ საშემოდგომო გამოცდებზე“ - საქართველოს სკოლის ლიდერთა ასოციაცია

საქართველოს სკოლის ლიდერთა ასოციაცია განათლების, მეცნიერების, კულტურისა და სპორტის სამინისტროს პრაქტიკოსი მასწავლებლების სახელით თხოვნით მიმართავს. გთავაზობთ სოციალურ ქსელში მათ მიერ გამოქვეყნებულ წერილს:

„პრაქტიკოსი მასწავლებლების სახელით მოგმართავთ თხოვნით, პედაგოგებს, ვინც ვერ/არ დარეგისტრირდა მასწავლებელთა გამოცდებზე ა.წლის 30 აპრილის ჩათვლით (ეს პერიოდი მოგეხსენებათ, როგორი სტრესული იყო ქვეყნისთვის), მიეცეთ საშუალება, დამატებით დარეგისტრირდნენ საშემოდგომო გამოცდებზე. ვინაიდან დამატებითი რეგისტრაციის გამოცხადება სამინისტროს დისკრეციული უფლებაა, გთხოვთ, გამოიჩინოთ კეთილი ნება და გამოაცხადოთ დამატებითი რეგისტრაციის ვადები,“ - აღნიშნულია საქართველოს სკოლის ლიდერთა ასოციაციის მიერ გავრცელებულ მიმართვაში.

წაიკითხეთ სრულად