Baby Bag

​მასწავლებლის სახლი პედაგოგთა საყურადღებოდ ინფორმაციას ავრცელებს

​მასწავლებლის სახლი პედაგოგთა საყურადღებოდ ინფორმაციას ავრცელებს

მასწავლებლის სახლი პედაგოგთა საყურადღებოდ ინფორმაციას ავრცელებს. გთავაზობთ მათ განცხადებას უცვლელად:

„სხვადასხვა ორგანიზაცია ავრცელებს განცხადებას ტრენინგ-მოდულებზე რეგისტრაციის შესახებ, სადაც მთავარ პარტნიორად „მასწავლებელთა პროფესიული განვითარების ეროვნული ცენტრი“ არის მითითებული, ხოლო ტრენინგის მონაწილეებს კურსის დასრულების შემდეგ კრედიტქულის მიღებას ჰპირდება.

აღნიშნული ინფორმაცია არ შეესაბამება სიმართლეს. ნებისმიერი ტრენინგი, რომელსაც ორგანიზებას ან პარტნიორობას „მასწავლებელთა პროფესიული განვითარების ეროვნული ცენტრი“ უწევს, ქვეყნდება ოფიციალურ ვებ-გვერდსა და facebook-სოციალურ ქსელში.

ინფორმაციის გადამოწმება კონკრეტული ტრენინგის შესახებ შეგიძლიათ ცენტრის ცხელ ხაზზეც: 2 200 220 ( 4708)“, - აღნიშნულია მასწავლებლის სახლის მიერ გავცრელებულ განცხადებაში.

აქტივობები, რომლებსაც მასწავლებლი სახლი ამ კვირაში განახორციელებს - ანონსი
მასწავლებელთა პროფესიული განვითარების ეროვნული ცენტრი ამ კვირაში დაგეგმილი აქტივობების ანონსს აქვეყნებს.ანონსი ყოველკვირეულად განახლდება.

შეიძლება დაინტერესდეთ

„​საქართველოს ერთადერთი წარმატება განათლებაშია“ - მამუკა ბახტაძე მასწავლებელთა ხელფასებზე საუბრობს

„​საქართველოს ერთადერთი წარმატება განათლებაშია“ - მამუკა ბახტაძე მასწავლებელთა ხელფასებზე საუბრობს

„​სადაც პედაგოგისა და მასწავლებლის როლი შესაბამისად დაფასებული არ არის, ასეთ სახელმწიფოს არათუ მომავალი არ ექნება, არამედ, შეიძლება, თავისი წარსულიც დაკარგოს“, - ამის შესახებ საქართველოს პრემიერ-მინისტრმა, მამუკა ბახტაძემ სემინარის „მასწავლებელი - მეგზური ევროპისკენ“ გახსნაზე სიტყვით გამოსვლისას განაცხადა.

„პედაგოგების ხელფასი საქართველოში საშუალო ხელფასზე მცირეა და ეს ძალიან მძიმე მოცემულობაა. მოგეხსენებათ, ამ დღეებში საქართველოს პარლამენტში განიხილება ჩემი ინიციატივა ეროვნული იდეის, განათლების რეფორმის შესახებ, რომლის თანახმადაც ჩვენ, ჩვენი მთიანი შიდა პროდუქტის 6%-ს, ანუ ბიუჯეტის მეოთხედს ყოველთვის მივმართავთ განათლებისკენ. ეს შემდეგი ათწლეულების განმავლობაში ნებისმიერი მთავრობისთვის ვალდებულება იქნება. ერთ-ერთი მიზანი, ბუნებრივია, ის არის, რომ პედაგოგი, როგორც პროფესია, საქართველოში დაფასებული და პრესტიჟული იყოს. ღრმად მწამს, რომ ნებისმიერ საზოგადოებაში, სადაც პედაგოგისა და მასწავლებლის როლი არ არის შესაბამისად დაფასებული, ასეთ სახელმწიფოს 21-ე საუკუნეში არათუ მომავალი არ ექნება, არამედ, მან შეიძლება, თავისი წარსული და ფასეულობებიც დაკარგოს. შესაბამისად, მინდა, თითოეულ თქვენგანს მივმართო და ვთხოვო, რომ ეს არის ეროვნული იდეა, რომლის გარშემოც საქართველოს თითოეული მოქალაქე უნდა გავერთიანდეთ. მაქვს იმის პატივი, რომ დღეს მივმართო საზოგადოებას, რომელსაც ყველაზე კარგად ესმის განათლების ფასი და ის, რომ სწორედ განათლებაშია საქართველოს ერთადერთი წარმატება“, - განაცხადა მთავრობის მეთაურმა.

წაიკითხეთ სრულად