Baby Bag

Ms Teams-თან დაკავშირებული განახლებული კითხვა-პასუხი მასწავლებლებს გაეგზავნათ

Ms Teams-თან დაკავშირებული განახლებული კითხვა-პასუხი მასწავლებლებს გაეგზავნათ
მასწავლებლები
გთავაზობთ, Ms Teams-თან დაკავშირებულ განახლებულ კითხვებსა და პასუხებს, რომელიც მასწავლებლებს მეილზე მიუვიდათ. 

1. კითხვა: როგორ შევიდეთ Microsoft Teams-ში?

პასუხი: https://bit.ly/3diPLRx

2. კითხვა: ვმუშაობდი ჩემ მიერ შექმნილ კლასში და გამომიჩნდა ავტომატურად შექმნილი კლასები, როგორ მოვიქცე ასეთ შემთხვევაში?

პასუხი: https://bit.ly/2L1h6LY

3. კითხვა: როგორ ჩავატაროთ გაკვეთილი ისე რომ მოსწავლემ ვერ შეძლოს სხვა მონაწილისათვის ხმის გათიშვა ან გაკვეთილიდან გაგდება.

პასუხი: ყოველკვირეულად განმეორებადი გაკვეთილის დანიშნვა, მოსწავლეებისთვის შეზღუდული უფლებებით: https://bit.ly/3bfBvrr

ინსტრუქცია მათთვის ვინც მხოლოდ მობილურ ტელეფონს იყენებს: https://bit.ly/3ftBG5M

4. კითხვა: ეკრანის გაზიარების დროს არ ისმის კომპიუტერში ჩართული ვიდეოს/აუდიოს ხმა, ან ისმის დაბალ ხმაზე.

პასუხი: პირველ რიგში უნდა სარგებლობდეთ გადმოწერილი/დაინსტალირებული Microsoft Teams-ით. გადმოწერა >> https://bit.ly/3b5sKQB გადმოწერის და ინსტალაციის ვიდეო ინსტრუქცია:>> https://bit.ly/2yqorlE

ეკრანის გაზიარების დროს ხმის ჩართვის და ხმის აწევის ინსტრუქცია >> https://bit.ly/2yyJ3b9

5. კითხვა: ბრაუზერიდან შევდივარ Microsoft teams-ში მაგრამ დაინსტალირებული აპლიკაციიდან ვერ.

პასუხი: თუ დაინსტალირებული Microsoft Teams-დან ავტორიზაცია არ ხდება (მაგრამ ბრაუზერიდან შედიხართ) სავარაუდოდ კომპიუტერზე დრო და სარტყელი გაქვთ გასასწორებელი +4-ზე >> https://bit.ly/2L4JaxS

6. კითხვა: როგორ გავუგზავნოთ დავალება მოსწავლეს/ როგორ შეასრულოს დავალება მოსწავლემ.

პასუხი: https://bit.ly/3c7zAX6 ან https://bit.ly/3fvQ9y7 ვიდეო ინსტრუქცია: https://bit.ly/2YFkm7y

7. კითხვა: როგორ შევამოწმოთ კლასში მოსწავლეების დასწრება, აქტივობა/ჩართულობა.

პასუხი: https://bit.ly/3bLUSJz

8. კითხვა: როგორ დავასრულოთ გაკვეთილი ყველა მონაწილესათვის.

პასუხი: https://bit.ly/2SGhQuh

9. კითხვა: როგორ გავაკეთოთ გაკვეთილის ვიდეო ჩანაწერი.

პასუხი: https://bit.ly/2Wrk0ik

10. კითხვა: როგორ წავშალოთ ჩვენ მიერ გაკეთებული ვიდეო ჩანაწერი საჭიროების შემთხვევაში.

პასუხი: https://bit.ly/2xBnGpc

11. კითხვა: როგორ დავტოვოთ კლასი მისი წაშლის გარეშე? ან როგორ წავშალოთ შეცდომით დამატებული მოსწავლე ან კოლეგა კლასიდან, შევუცვალოთ სტატუსი Owner-იდან Member-ზე.


12. კითხვა: როგორ შევქმნათ გამორჩენილი კლასი მარტივად.

პასუხი: კლასის შექმნა შაბლონის მიხედვით: https://bit.ly/2L3Vz5f

13. კითხვა: როგორ შემოუერთდეს მოსწავლე დაწყებულ გაკვეთილს.

პასუხი: https://bit.ly/2YGQk3o

14. კითხვა: როგორ დავეხმაროთ მოსწავლეს დავიწყებული პაროლის ან ელფოსტის აღდგენაში?

პასუხი: მოსწავლის მშობელს შეუძლია შვილის პაროლის აღდგენა https://reset.emis.ge -ს საშუალებით, (როდესაც Eschool-ში მშობელის ტელეფონის ნომერი იქნება სწორად ჩაწერილი) ან ნებისმიერ მასწავლებელს მოსწავლისთვის პაროლის აღდგენა მოცემული ინსტრუქციით: https://bit.ly/2YzrNxg , მასწავლებელს კი საკუთარი პაროლის აღდგენა https://reset.emis.ge -ს საშუალებით.

15. კითხვა: როგორ გავიგოთ მოსწავლის/მასწავლებლის ელფოსტა, რომელიც კერძო სკოლიდან გადმოვიდა ჩვენ სკოლაში?

პასუხი: eSchool-ში, მოსწავლის კლასზე განაწილების შემდგომ, მოსწავლის ბარათში, 24 საათში ავტომატურად აისახება მოსწავლის ელ-ფოსტა, ხოლო, მასწავლებლის შემთხვევაში, ელ-ფოსტის ასახვა განხორციელდება პერსონალში დამატების შემდგომ. ამის შემდეგ როგორც მოსწავლეს, ასევე მასწავლებელს შეუძლია თავის ელფოსტის და დროებითი პაროლის მოთხოვნა https://reset.emis.ge -ს საშუალებით.

16. როგორ გავასწოროთ დავალება.

პასუხი: https://bit.ly/2SEIhQU

17. გაკვეთილის მიმდინარეობის დროს ვხედავ მხოლოდ 1 აქტიურ მოსწავლეს.

პასუხი: ისარგებლეთ გადმოწერილი/დაინსტალირებული Ms Teams-ით, ნაცვლად ბრაუზერისა. https://bit.ly/3b5sKQB გადმოწერის და ინსტალაციის ვიდეო ინსტრუქცია: https://bit.ly/2yqorlE

ბრაუზერიდან ტიმსის გამოყენების დროს, ვიდეო ზარის განხორციელებისას დაინახავთ მხოლოდ 1 აქტიურ მოსაუბრეს,, ასევე შესაძლოა გქონდეთ ვიდეო თვალთან და მიკროფონთან დაკავშირებული პრობლემები. დაინსტალირებული ვერსიიდან ამ ეტაპზე აქტიურ 4 მოსწავლეს,დაინახავთ (ვინც დაილაპარაკებს ანუ მათ) მაისის ბოლომდე 9 მონაწილეს.

18. როგორ გავაზიარო დაფა?

პასუხი: Whiteboard - https://bit.ly/2yxrKYa Invizion - https://bit.ly/2L8FuLq

19. როგორ შევადგინო Quiz?

Quiz-ის გასწორება/შეფასება 1) https://bit.ly/2yBjC95


20. როგორ გამოვიყენო One note, Class note სასწავლო პროცესში?

პასუხი: Onenote 1 https://bit.ly/3dxXyv1 , Onenote 2 https://bit.ly/2YQa7Ob , Classnote 1 https://bit.ly/2yxg5bN , Classnote 2 https://bit.ly/2xDr4zW

21. როგორ წავახალისოთ ბავშვი სამკერდე ნიშნით.

პასუხი: https://bit.ly/2L7jf8K

22. როგორ გავაკეთოთ დავალებაზე უკუკავშირი? როგორ ხედავს მოსწავლე უკუკავშირს.

პასუხი: მასწავლებლის მხარე: https://bit.ly/2xE00k4 , მოსწავლის მხარე: https://bit.ly/2L49kAK

23. შემთხვევით წავშალე კლასი (ან დამატებულმა სხვა მასწავლებელმა რომელიც იყო Teacher-ის სტატუსით და შესაბამისად ავტომატურად კლასის Owner, წაშალა კლასი) და როგორ აღვადგინო?

პასუხი: შესაძლოა მოცემული მეთოდით აღადგინოს იმ მასწავლებელმა ვინც წაშალა კლასი, წაშლიდან 30 დღის განმავლობაში, https://bit.ly/2L748fy თუ არ აღდგა, უნდა შექმნათ კლასი თავიდან.

24. კალენდარში ჩანიშნული გაკვეთილი მოსწავლესთან სხვა დროს ჩნდება.

პასუხი: შეამოწმეთ თქვენც და პრობლემურმა მოსწავლემაც რომ კომპიუტერში საათი იყოს გასწორებული და სარტყელი იყოს არჩეული +4. ასევე ელფოსტაზე პარამეტრებიდან უნდა იყოს არჩეული +4 თბილისი.

სხვა სავარაუდო კითხვებზე პასუხები, როგორც ვიდეო, ასევე PDF სახით შეგიძლიათ იხილოთ ინსტრუქციების საიტზე https://instructions.emis.ge
განათლება #მასწავლებელი #ონლაინსწავლება

შეიძლება დაინტერესდეთ

განათლება

​ეროვნულ სასწავლო გეგმაში ცვლილება შევიდა

​ეროვნულ სასწავლო გეგმაში ცვლილება შევიდა

​ეროვნულ სასწავლო გეგმაში ცვლილება შევიდა. შესაბამისი დოკუმენტი, რომელსაც განათლების, მეცნიერების, კულტურისა და სპორტის მინისტრი მიხეილ ჩხენკელი აწერს ხელს, საკანონმდებლო მაცნეში გამოქვეყნდა.

​ბრძანებაში აისახა გუშინ განათლების ანტიკრიზისულ გეგმაზე წარმოდგენილი მოსწავლის წლიური შეფასების განხორციელების წესი.

ბრძანების თანახმად:

1. მოსწავლის წლიური შეფასება შეიძლება იყოს: განმსაზღვრელი და განმავითარებელი (დაწყებით, საბაზო და საშუალო საფეხურებზე 31-ე მუხლით გათვალისწინებულის შესაბამისი).

2. განმავითარებელი შეფასებისას მასწავლებელი აღწერს თითოეული მოსწავლის სასწავლო წლის განმავლობაში განვლილ საგანმანათლებლო პროცესს. ახასიათებს მის სუსტ და ძლიერ მხარეებს, ასაბუთებს თუ რის გაგება, გააზრება გაუჭირდა მოსწავლეს და რატომ, წაახალისებს მოსწავლის ძლიერ მხარეებს და გაწერს რეკომენდაციებს, სასურველი შედეგის მისაღწევად. დასახავს მომდევნო სასწავლო წელს განსახორციელებელ ღონისძიებებს, აქტივობებს და სხვა. შემუშავებული განმავითარებელი შეფასება, მასწავლებელს მომდევნო სასწავლო წელს თითოეული მოსწავლისთვის ეფექტიანი საგაკვეთილო პროცესის დაგეგმვის და წარმართვის შესაძლებლობას მისცემს. შეფასების დოკუმენტი მასწავლებელმა მოსწავლის მშობელს/ კანონიერ წარმომადგენელს უნდა გააცნოს და საჭიროების შემთხვევაში მასთან/მათთან ინდივიდუალურად მოხდეს დოკუმენტის განხილვა.

​3. განმავითარებელი შეფასების პროცესში ფასდება მოსწავლის როგორც საკლასო ოთახში მიღებული გამოცდილება, ისე დისტანციური/ელექტრონული ფორმით ან კომუნიკაციის სხვა საშუალებებით მიღებული ცოდნა, მასალა, სასკოლო აქტივობები, განხორციელებული პროექტები და სხვა.

​4. განმსაზღვრელი შეფასების და წლიური ქულის გამოყვანის მიზნით მოსწავლის 2019-2020 სასწავლო წლის წლიურ ქულად განისაზღვროს:

​ა) მოსწავლის 2019-2020 სასწავლო წლის I სემესტრში მიღებული ქულა;

​ბ) მოსწავლის 2019-2020 სასწავლო წლის I სემესტრის ქულის და 2019-2020 სასწავლო წლის II სემესტრის პირველი ექვსი კვირის განმავლობაში გავლილი პროგრამის და დისტანციური/ელექტრონული ფორმით ან კომუნიკაციის სხვა საშუალებებით ცოდნის შეფასების (იმ შემთხვევაში თუ სკოლას აქვს დისტანციური გამოკითხვის შესაძლებლობა) საფუძველზე მიღებული შემაჯამებელი ქულის საშუალო არითმეტიკული (დამრგვალებული მთელის სიზუსტით);

​გ) V კლასის II სემესტრის შემთხვევაში - 2019-2020 სასწავლო წლის II სემესტრის 6 კვირის განმავლობაში გავლილი პროგრამის და დისტანციური/ელექტრონული ფორმით ან კომუნიკაციის სხვა საშუალებებით მიღებული ცოდნის შეფასების (იმ შემთხვევაში თუ სკოლას აქვს დისტანციური გამოკითხვის შესაძლებლობა) საფუძველზე მიღებული შემაჯამებელი ქულის საშუალო არითმეტიკული (დამრგვალებული მთელის სიზუსტით);

​დ) (იმ შემთხვევაში თუ მოსწავლეს 2019-2020 სასწავლო წლის I სემესტრის შეფასება არ აქვს) მოსწავლის 2019-2020 სასწავლო წლის II სემესტრის 6 კვირის განმავლობაში გავლილი პროგრამის და დისტანციური/ელექტრონული ფორმით ან კომუნიკაციის სხვა საშუალებებით მიღებული ცოდნის შეფასების (იმ შემთხვევაში თუ სკოლას აქვს დისტანციური გამოკითხვის შესაძლებლობა) საფუძველზე მიღებული შემაჯამებელი ქულის საშუალო არითმეტიკული, რომელიც დამრგვალდება მთელის სიზუსტით ან 2019-2020 სასწავლო წლის II სემესტრში დისტანციური სწავლების პროცესში მიღებული ცოდნის შეფასების (იმ შემთხვევაში თუ სკოლას აქვს დისტანციური გამოკითხვის შესაძლებლობა) საფუძველზე მიღებული შემაჯამებელი ქულის საშუალო არითმეტიკული (დამრგვალებული მთელის სიზუსტით);

​შენიშვნა: სკოლა თავად განსაზღვრავს მოსწავლის შეფასებისას სამინისტროს მიერ რეკომენდირებულ რომელ შესაძლებლობას გამოიყენებს. სამინისტრო და რესურსცენტრები მეთოდოლოგიურ მხარდაჭერას გაუწევენ სკოლებს.

​5. იმ შემთხვევაში, თუ მოსწავლისათვის (გარდა XII კლასის მოსწავლე) ამ მუხლის მე-4 პუნქტის შესაბამისად განსაზღვრული წლიური ქულა არ არის დამაკმაყოფილებელი და სურს საგნის წლიური ქულის ამაღლება:

​ა) მოსწავლე/მოსწავლის მშობელი/კანონიერი წარმომადგენელი 2020 წლის 16 ივნისიდან - 2020 წლის 30 ივნისის ჩათვლით მიმართავს სკოლის ადმინისტრაციას ნებისმიერი ფორმით (განცხადება, ელექტრონული ფოსტა, სატელეფონო შეტყობინება) და კონკრეტულ საგანში/საგნებში აფიქსირებენ ნიშნის/ნიშნების ამაღლების სურვილს.

​ბ) სკოლის ადმინისტრაცია 2020-2021 სასწავლო წლის დასაწყისში კონკრეტული საგნების მიხედვით განსაზღვრავს შემაჯამებელი კომპლექსური დავალების შესრულების და შეფასების ვადებს. თითოეული საგნის მასწავლებელი მოსწავლის/მოსწავლის მშობლის/კანონიერი წარმომადგენლის განცხადების საფუძველზე იწყებს მოსწავლისთვის შემაჯამებელი კომპლექსური დავალების მომზადებას. სკოლა ვალდებულია, მოსწავლეებს წინასწარ გააცნოს შემაჯამებელი კომპლექსური დავალება/დავალებები და კონსულტაცია გაუწიოს მიცემული დავალების მომზადების პროცესში.

​გ) მოსწავლის შემაჯამებელი კომპლექსური დავალების შეფასება მასწავლებელმა უნდა მოახდინოს 2020-2021 სასწავლო წლის I სემესტრის სემესტრული ქულის დაწერამდე.

​დ) მოსწავლის 2019-2020 სასწავლო წლის წლიურ ქულად განისაზღვრება შემაჯამებელ-კომპლექსურ დავალებაში მიღებული ქულისა და მოსწავლის ამ მუხლის მე-4 პუნქტის შესაბამისად განსაზღვრული წლიური ქულის საშუალო არითმეტიკული, რომელიც დამრგვალდება მთელის სიზუსტით.

​6. თუ IX კლასის იმ მოსწავლეს, რომელიც ასრულებეს სავალდებულო საბაზო საფეხურს და გადის ზოგადი განათლების სისტემიდან, ამ მუხლი მე-4 პუნქტის შესაბამისად განსაზღვრული წლიური ქულა არ აკმაყოფილებს და სურს საგნის წლიური ქულის ამაღლება:

​ა) 2020 წლის 16 ივნისიდან 2020 წლის 19 ივნისის ჩათვლით, მოსწავლე/მოსწავლის მშობელი/კანონიერი წარმომადგენელი მიმართავს სკოლის ადმინისტრაციას ნებისმიერი ფორმით (განცხადება, ელექტრონული ფოსტა, სატელეფონო შეტყობინება) და კონკრეტულ საგანში/საგნებში აფიქსირებენ ნიშნის ამაღლების სურვილს;

​ბ) სკოლის ადმინისტრაცია 2020 წლის 30 ივნისის ჩათვლით მოსწავლეს აძლევს შემაჯამებელ-კომპლექსურ დავალებას და შემაჯამებელი კომპლექსური დავალების საფუძველზე აფასებს მას. სკოლა ვალდებულია მოსწავლეებს წინასწარ გააცნოს (სიტუაციიდან გამომდინარე, მოსწავლესთან შეთანხმებული ფორმით) შემაჯამებელი კომპლექსური დავალება/დავალებები და ჩაუტაროს კონსულტაციები საჭიროებისამებრ.

​გ) მოსწავლის 2019-2020 სასწავლო წლის წლიურ ქულად განისაზღვრება შემაჯამებელ-კომპლექსურ დავალებაში მიღებული ქულისა და მოსწავლის ამ მუხლის მე-4 პუნქტის შესაბამისად განსაზღვრული წლიური ქულის საშუალო არითმეტიკული, რომელიც დამრგვალდება მთელის სიზუსტით.

​7. იმ შემთხვევაში, თუ XII კლასის მოსწავლისათვის, ამ წესის მე-4 პუნქტის შესაბამისად განსაზღვრული წლიური ქულა არ არის დამაკმაყოფილებელი და სურს საგნის წლიური ქულის ამაღლება:

​ა) 2020 წლის 21 მაისიდან 2020 წლის 29 მაისის ჩათვლით, მოსწავლე/მოსწავლის მშობელი/კანონიერი წარმომადგენელი მიმართავს სკოლის ადმინისტრაციას ნებისმიერი ფორმით (განცხადება, ელექტრონული ფოსტა, სატელეფონო შეტყობინება) და კონკრეტულ საგანში/საგნებში აფიქსირებენ ნიშნის ამაღლების სურვილს;

​ბ) სკოლის ადმინისტრაცია 2020 წლის 19 ივნისამდე მოსწავლეს აძლევს შემაჯამებელ-კომპლექსურ დავალებას და შემაჯამებელი კომპლექსური დავალების საფუძველზე აფასებს მას. სკოლა ვალდებულია მოსწავლეებს წინასწარ გააცნოს (სიტუაციიდან გამომდინარე, მოსწავლესთან შეთანხმებული ფორმით) შემაჯამებელი კომპლექსური დავალება/დავალებები და ჩაუტაროს კონსულტაციები საჭიროებისამებრ;

​გ) მოსწავლის 2019-2020 სასწავლო წლის წლიურ ქულად განისაზღვრება შემაჯამებელ-კომპლექსურ დავალებაში მიღებული ქულისა და მოსწავლის ამ წესის მე-4 პუნქტის შესაბამისად განსაზღვრული წლიური ქულის საშუალო არითმეტიკული (დამრგვალებული მთელის სიზუსტით).

​8. გამოცდები, რომლებიც განსაზღვრულია ეროვნული სასწავლო გეგმის 36-ე მუხლის მე-9 პუნქტით (გარდა ექსტერნატის გამოცდისა) და 38-ე მუხლის მე-3 პუნქტით, 2019-2020 სასწავლო წელს გაუქმდება; კერძო სკოლები და საგნის/საგნების გაძლიერებული სწავლების სტატუსის მქონე სკოლები თავად იღებენ გადაწყვეტილებას გამოცდების ჩატარებასთან დაკავშირებით და ირჩევენ გამოცდის ჩატარების ფორმას.

​9. საქართველოს განათლების, მეცნიერების, კულტურისა და სპორტის მინისტრის 2020 წლის 31 იანვრის N132 ბრძანების მე-2 პუნქტით განსაზღვრული XII კლასში შემავალი საგნის/საგნების ზოგადსაგანმანათლებლო სასწავლო პროგრამის/პროგრამების ექსტერნატის ფორმით დაძლევის გამოცდების ფორმატი და ექსტერნად რეგისტრაციის/გამოცდების ჩატარებისთვის დადგენილი ვადები დაზუსტდება ქვეყანაში არსებული მდგომარეობის შესაბამისად.

​10. მოსწავლეს, რომლმაც 2019-2020 სასწავლო წელს ექსტერნატის ფორმით დაძლიეს კლასი/კლასების გამოცდა/გამოცდები უნარჩუნდებათ მიღებული შეფასება.

​11. მოსწავლეს, რომელმაც უცხოეთში სწავლის პერიოდში მიიღო ზოგადი განათლება და ვერ ადასტურებს უცხოეთში სწავლის პერიოდში ზოგადი განათლების მიღების ფაქტს ან უცხოეთში სწავლის პერიოდში ნასწავლი საქართველოს ეროვნული სასწავლო გეგმით გათვალისწინებული სავალდებულო საგნების შესაბამისობა არ იქნა დადგენილი „საქართველოში გაცემული საგანმანათლებლო დოკუმენტების ნამდვილობის დადასტურებისა და უცხოეთში მიღებული განათლების აღიარების წესისა და საფასურის დამტკიცების შესახებ“ საქართველოს განათლებისა და მეცნიერების მინისტრის 2010 წლის 1 ოქტომბრის №98/ნ ბრძანების შესაბამისად, წლიური ქულის გამოყვანის მიზნით:

​ა) უნდა აღუდგეთ მოსწავლის სტატუსი;

​ბ) მიმდინარე სასწავლო წლის ბოლომდე, დისტანციური ფორმით, ინდივიდუალური სასწავლო გეგმით უნდა გაიაროს ეროვნული სასწავლო გეგმით განსაზღვრული შესაბამისი კლასის საგნები;

​გ) სკოლის ადმინისტრაცია 2020 წლის 19 ივნისამდე მოსწავლეს აძლევს ორ შემაჯამებელ-კომპლექსურ დავალებას და შემაჯამებელი კომპლექსური დავალებების საფუძველზე აფასებს მას. სკოლა ვალდებულია მოსწავლეებს წინასწარ გააცნოს (სიტუაციიდან გამომდინარე, მოსწავლესთან შეთანხმებული ფორმით) შემაჯამებელი კომპლექსური დავალება/დავალებები და ჩაუტაროს კონსულტაციები საჭიროებისამებრ;


​დ) მოსწავლის 2019-2020 სასწავლო წლის წლიურ ქულად განისაზღვრება შემაჯამებელ-კომპლექსურ დავალებებში მიღებული ქულის საშუალო არითმეტიკული, რომელიც დამრგვალდება მთელის სიზუსტით.“
წაიკითხეთ სრულად
გასათიშად დააჭირეთ ESC.