Baby Bag

მასწავლებლის სახლი პედაგოგებს ონლაინტრენინგს სთავაზობს

მასწავლებლის სახლი პედაგოგებს ონლაინტრენინგს სთავაზობს

მასწავლებლის სახლი პედაგოგებს eTwinning-ის ფარგლებში ონლაინ ტრენინგს სთავაზობს. 

,,დღევანდელი რეალობა მასწავლებელს, როგორც ციფრულ მოქალაქეს, ახალი გამოწვევებისა და შესაძლებლობების წინაშე აყენებს, გამომდინარე იქიდან, რომ ევროპის მასშტაბით სასწავლო დაწესებულებები დახურულია, მნიშვნელოვანია, რომ მასწავლებლებმა შეინარჩუნონ ერთმანეთთან კავშირი ონლაინ და შეცვალონ მათი სასწავლო სივრცე. ამ მხრივ, eTwinning-ს შეუძლია მნიშვნელოვანი როლი ითამაშოს. აღნიშნული ქსელი ხელს უწყობს ვირტუალური საზოგადოების შექმნას, სადაც პირისპირ შეხვედრა აუცილებლობას არ წარმოადგენს," - აღნიშნულია მასწავლებლის სახლის მიერ გავრცელებულ ინფორმაციაში.


Momsedu.ge-მ თქვენთვის, მასწავლებლებისთვის შექმნა ახალი ჯგუფი - „მასწავლებლების სანდო წყარო“, სადაც ყოველდღიურად ქვეყნდება საგანმანათლებლო სფეროს სიახლეები. გადმოდით ბმულზე და შემოგვიერთდით - „მასწა​ვლებლე​ბის სანდო წყარო“.


მათივე ცნობით, პროგრამის პლათფორმა იძლევა შესაძლებლობებს ღია ონლაინ კურსებში მონაწილეობისა და ასევე, დაგეგმვა/განხორციელების, რაც ერთ-ერთი გზაა მასწავლებელთა დასაკავშირებლად. 

„eTwinning-ი პასუხობს დღევანდელ გამოწვევას და მასწავლებლებს სთავაზობს ონლაინ ტრენინგს, რაც მათ დაეხმარებათ ციფრულ სამყაროში სრულუფლებიან წევრებად იგრძნონ თავი, გააფართოვონ თავიანთი მეთოდოლოგიური ინსტრუმენტების პანელი და შესთავაზონ მოსწავლეებს სწავლების ახალი მასობრივი საშუალებები.

ტრენინგ მოდული: „eTwinning-ის პროექტების დაგეგმვა ვებ 2.0 ინსტრუმენტებით.“

პედაგოგები, რომლებიც ჩართულნი არიან ითვინინგის პროექტებში იყენებენ უამრავ სოციალური ქსელის იარაღებს, რომლებსაც დღესდღეობით ინტერნეტი გვთავაზობს. ამ თვალსაზრისით საქმიანობას, რომელსაც ეს პედაგოგები ახორციელებენ, აქვთ პოტენციალი, რომ მნიშვნელოვანი გავლენა მოახდინონ ონლაინ სწავლებისა და სწავლის პრაქტიკაზე.

ონლაინ ტრენინგში მონაწილეობის მსურველებმა, შეგიძლიათ, გაიაროთ რეგისტრაცია. დარეგისტრირებულ პედაგოგს დაგიკავშირდებიან თქვენს მიერ მითითებულ ელექტრონულ ფოსტაზე და გეცნობებათ დეტალები ონლაინ ტრენინგში მონაწილეობის შესახებ,“ - აღნიშნულია მასწავლებლის სახლის მიერ გავრცელებულ ინფორმაციაში.

რეგისტრაცია

შეიძლება დაინტერესდეთ

ინფექციონისტი მაია ბუწაშვილი არასაჭირო ჰოსპიტალიზაციის შესახებ

ინფექციონისტი მაია ბუწაშვილი არასაჭირო ჰოსპიტალიზაციის შესახებ
ინფექციონისტი მაია ბუწაშვილი სოციალურ ქსელში არასაჭირო ჰოსპიტალიზაციის შესახებ წერს. გთავაზობთ მის ნათქვამს სიტყვა-სიტყვით:

„​აქტიური შემთხვევების 1/3 კვლავ ჰოსპიტალიზებულია (2700-მდე ჰოსპიტალიზებული 8990 აქტიურ შემთხვევაზე). არავითარი განმარტება არ ისმის შემდეგ საკითხებზე: რატომ არის ასეთი მაღალი ჰოსპიტალიზაციის მაჩვენებელი? რატომ სჭირდება ამდენ ადამიანს სტაციონარი? რატომ იხარჯება ამდენი რესურსი? (თითოეული საწოლ-დღე საკმაოდ დიდ თანხებთან არის დაკავშირებული).
რა უკეთდება სტაციონარში მყოფ პაციენტებს? თუ კოვიდინფიცირებულების 1/3-ს მედიკამენტური მკურნალობა უტარდება, ეს, ცხადია, არასწორია, რადგან მედიკამენტური ჩარევა ფაქტობრივად მხოლოდ ჟანგბადდამოკიდებულ პაციენტებს სჭირდებათ, ხოლო 1/3 ვერაფრით ვერ იქნება ჟანგბადდამოკიდებული. თუ არაფერი უტარდებათ, მაშინ რატომ არიან სტაციონარში?
თუმცა სტაციონარში მყოფ ან გამოწერილ უამრავ პაციენტთან მაქვს კონტაქტი და ფაქტობრივად ყველას აქვს რაღაც დანიშნულება. სტანდარტულად, დანიშნული აქვთ ანტიბიოტიკი, ანტიკოაგულანტი და ჰორმონი (აღარაფერს ვამბობ სხვა, რაღაც „დამატებით“ წამლებზე). ასევე რაღაც გაუგებარი „გადასხმები“, რომელთა მიზანი საერთოდ გაურკვეველია ხოლმე. ბევრ მათგანს ამ მედიკამენტების არავითარი საჭიროება არ აღენიშნება. ბევრს გამოწერის შემდეგაც უგრძელდება თერაპია, განსაკუთრებუთ ხშირია ანტიკოაგულანტების ბინაზე მიღება.

ეს ქმნის ილუზიას, რომ კოვიდინფიცირებულ პაციენტს აუცილებლად რაღაც წამალი სჭირდება და ბინაზე დარჩენილებიც ხშირად სრულიად არასაჭირო მკურნალობას იღებენ, რადგან გაგონილი აქვთ, რომ ვიღაცას ეს წამლები ჰქონდა დანიშნული, თუმცა მასაც მსუბუქად მიმდინარე დაავადება ჰქონდა.
ოდესმე თუ ვნახავთ დეტალურ ანალიზს ჰოსპიტალიზებულ პაციენტებზე, მათ შორის მკურნალობის მეთოდების პროცენტულ გადანაწილებას, ამ მკურნალობის შედეგს/გამოსავალს, დარწმუნებული ვარ, რომ ზემოაღნიშნულის სისწორეში დავრწმუნდებით.
ასევე ძალიან საინტერესოა მართვით სუნთქვაზე გადაყვანის და ამ პაციენტების გამოსავლის სტატისტიკა.
ადრეც, როცა ამ თემაზე ყურადღებას ვამახვილებდი, მთავარი საპირისპირო არგუმენტი იყო ის, რომ ზედმეტი ჰოსპიტალიზაციით არაფერი დაშავდება და ამით მეტ ადამიანს გადავარჩენთ. რა თქმა უნდა, ასე არ არის. ჰოსპიტალში ყოფნა, კიდევ ერთხელ ვიმეორებ, საერთოდ არ არის უკეთესი გამოსავლის გარანტია და ეს სიკვდილობის მაჩვენებელსაც ეტყობა, ისევ განუხრელად იზრდება."
ასევე არ უნდა დაგვავიწყდეს საავადმყოფოსშიდა, ე.წ. „ჰოსპიტალური ინფექციების“ რისკი და ასევე უამრავი, არამიზნობრივი ფინანსური ხარჯი, რომელიც სხვა, უფრო მნიშვნელოვანი მიზნით შეიძლება გამოვიყენოთ,“ - წერს ინფექციონისტი მაია ბუწაშვილი.


წაიკითხეთ სრულად