Baby Bag

დამხმარე სახელმძღვანელო ბუნებისმეტყველების პედაგოგებისათვის

დამხმარე სახელმძღვანელო ბუნებისმეტყველების პედაგოგებისათვის
შეფასებისა და გამოცდების ეროვნულ ცენტრში ბიოლოგიის საგნობრივი ჯგუფის წარმომადგენლების აივენგო შათირიშვილისა და ნანა დვალიშვილის წიგნის „ცოცხალი ბუნება“ პრეზენტაცია გაიმართა. წიგნი განკუთვნილია I-VI კლასების ბუნებისმეტყველების პედაგოგებისათვის, როგორც დამხმარე სახელმძღვანელო.

სახელმძღვანელოში განხილულია მასწავლებლის პროფესიული სტანდარტით გათვალისწინებული თემები, რომლებიც დაეხმარება პედაგოგებს, როგორც გაკვეთილების დაგეგმვა-წარმართვაში, ისე საგნობრივი და პროფესიული უნარების კომპეტენციის დადასტურებისათვის მზადებაში.


სახელმძღვანელო უსასყიდლოდ დარიგდება საქართველოს ზოგადსაგანმანათლებლო დაწესებულებებში.

შეიძლება დაინტერესდეთ

აბიტურიენტთა პირველადი შედეგები გეოგრაფიაში, სამოქალაქო განათლებასა და ზოგად უნარებში

აბიტურიენტთა პირველადი შედეგები გეოგრაფიაში, სამოქალაქო განათლებასა და ზოგად უნარებში

გრძელდება აბიტურიენტთა ნაშრომებისა და მათი ქულების გამოქვეყნების პროცესი. დღეს შეფასებისა და გამოცდების ეროვნული ცენტრი გთავაზობთ პირველად შედეგებს გეოგრაფიაში, სამოქალაქო განათლებასა და ზოგად უნარებში.

საკუთარი შედეგის გასაგებად აბიტურიენტი უნდა შევიდეს ვებგვერდზე online.naec.ge, შესაბამის ველში კი მიუთითოს პირადი ნომერი და ხუთნიშნა კოდი.
პირად გვერდზე გამოსაცდელს ექნება საკუთარი ნაშრომის ასლისა და კონკრეტულ საგანში მიღებული პირველადი, „ნედლი“ ქულის ნახვის შესაძლებლობა. ერთიანი ეროვნული გამოცდების საბოლოო შედეგები გამოქვეყნდება საპრეტენზიო განაცხადების განხილვის შემდეგ.
აბიტურიენტებმა უნდა გაითვალისწინონ, რომ იმ საგანში, რომელშიც ერთზე მეტი ვარიანტი იყო, მინიმალური კომპეტენციის ზღვრის გადალახვის საკითხის გარკვევა ხდება სხვადასხვა ვარიანტში მიღებული ქულების გათანაბრების შემდეგ (იხ. ინფორმაცია გათანაბრების შესახებ).
შედეგების გაგებას აბიტურიენტები მოკლე ტექსტური შეტყობინებითაც შეძლებენ. ამისათვის აპლიკანტმა მობილური ტელეფონიდან (მაგთი, ჯეოსელი) საკუთარი საგამოცდო საიდენტიფიკაციო ნომერი უნდა გააგზავნოს ნომერზე 93333 (მომსახურების საფასური 0.50 ლარი ჩამოიჭრება ანგარიშიდან იმდენჯერ, რამდენჯერაც აბონენტი გააგზავნის შეტყობინებას).
გეოგრაფიისა და სამოქალაქო განათლების ტესტის მაქსიმალური ქულაა 60. აბიტურიენტს საგამოცდო საგანი ჩაბარებულად ჩაეთვლება, თუ დააგროვა ამ საგნისათვის განსაზღვრული მაქსიმალური ქულის 25%-ზე (15.00 ქულაზე) მეტი.

ზოგადი უნარების ტესტის მაქსიმალური ქულაა 80. აბიტურიენტს საგამოცდო საგანი ჩაბარებულად ჩაეთვლება, თუ დააგროვა ამ საგნისათვის განსაზღვული მაქსიმალური ქულის 30%-ზე (24.00 ქულაზე) მეტი.
სააპელაციო განაცხადების მიღება დაიწყება ყველა გამოცდის შედეგის გამოქვეყნების შემდეგ. განაცხადები მიიღება ელექტრონულად ვებგვერდზე: www.naec.ge.
წაიკითხეთ სრულად