Baby Bag

ნაეკი მასწავლებელთა გამოცდებში მონაწილეთათვის ინფორმაციას ავრცელებს

ნაეკი მასწავლებელთა გამოცდებში მონაწილეთათვის ინფორმაციას ავრცელებს

შეფასებისა და გამოცდების ეროვნული ცენტრი მასწავლებელთა გამოცდებში მონაწილეთათვის ინფორმაციას ავრცელებს. 

ცენტრის ინფრომაციით, მონაწილე საგამოცდო ცენტრში უნდა გამოცხადდეს ბარათზე მითითებულ დროსა და ადგილას.

საგამოცდო ბარათი პირადობის დამადასტურებელ დოკუმენტთან ერთად იქნება ყველა აპლიკანტის საშვი მთელი საგამოცდო პროცესის განმავლობაში და მისი ამობეჭდვა შესაძლებელია ნებისმიერ დროს გამოცდების დასრულებამდე. 

მასწავლებელი ბარათის ამოსაბეჭდად უნდა ეწვიოს ვებგვერდს - online.naec.ge, გახსნას ფანჯარა „მასწავლებლის კომპეტენციის დადასტურება“, მიუთითოს რეგისტრაციის დროს გამოყენებული ელფოსტის მისამართი და 5 ნიშნა კოდი. ამის შემდეგ, დააჭიროს ღილაკს „დაბეჭდეთ თქვენი საგამოცდო ბარათი“.

მნიშვნელოვანია, რომ ბარათზე მითითებული ყველა ინფორმაცია დაიბეჭდოს მკაფიოდ, ხარვეზების (წყვეტის, ლაქებისა და ა. შ.) გარეშე. ბარათის ამობეჭდვა აპლიკანტებს შეუძლიათ შავ-თეთრად სტანდარტულ თაბახის ფურცელზე (A4).

აპლიკანტმა უნდა დაიმახსოვროს ბარათზე დატანილი ცხრანიშნა საიდენტიფიკაციო ნომერი. ამ ნომრის საშუალებით მასწავლებელი შეძლებს შედეგების გაგებას! ბარათის დაკარგვის შემთხვევაში უნდა შეხვიდეთ ვებგვერდზე online.naec.ge-ზე ელფოსტის მისამართითა და 5 ნიშნა კოდით და ხელახლა ამობეჭდოთ იგი.

შეიძლება დაინტერესდეთ

მასწავლებლის სახლი იწყებს ინფორმაციის მოწოდებას ადრეული ასაკისა და ადრეული განათლებისთვის მნიშვნელოვანი საკითხების შესახებ

მასწავლებლის სახლი იწყებს ინფორმაციის მოწოდებას ადრეული ასაკისა და ადრეული განათლებისთვის მნიშვნელოვანი საკითხების შესახებ

მასწავლებელთა პროფესიული განვითარების ეროვნული ცენტრის სკოლამდელი აღზრდისა და განათლების პროგრამა იწყებს სისტემატურად ინფორმაციის მოწოდებას ადრეული ასაკისა და ადრეული განათლებისთვის მნიშვნელოვანი საკითხების შესახებ, სადაც წარმოდგენილი იქნება კონკრეტული სტრატეგიები, რეკომენდაციები და თამაშები, რომლებიც დაეხმარება ადრეული და სკოლამდელი აღზრდისა და განათლების დაწესებულებების პრაქტიკოსებს, მშობლებსა და მზრუნველებს, რომ ბავშვებთან დრო სასიამოვნოდ და სასარგებლოდ გაატარონ.

იხილეთ დაგეგმილი აქტივობების ანონსი

წაიკითხეთ სრულად