Baby Bag

დაბალი კრედიტის მქონე პრაქტიკოსი მასწავლებლებისთვის ყველაზე მარტივი გზა სტატუსის შესაცვლელად საშემოგდომო გამოცდით შედეგის გაუმჯობესებაა

დაბალი კრედიტის მქონე პრაქტიკოსი მასწავლებლებისთვის ყველაზე მარტივი გზა სტატუსის შესაცვლელად საშემოგდომო გამოცდით შედეგის გაუმჯობესებაა

დაბალი კრედიტის მქონე პრაქტიკოსი მასწავლებლებისთვის ყველაზე მარტივი გზა სტატუსის შესაცვლელად საშემოგდომო გამოცდაზე გასვლა და შედეგის გაუმჯობესებაა,“ - აღნიშნულის შესახებ ​„ახალ განათლებასთან“ მიცემულ ინტერვიუში მასწავლებლის სახლის დირექტორის მოადგილე მანანა რატიანმა განაცხადა. 

„იმ შემთხვევაში, თუკი მოქმედი პრაქტიკოსები გამოცდით ვერ შეძლებენ სტატუსის ცვლილებას, დეკემბრის დასაწყისამდე შეუძლიათ, გააგრძელონ კრედიტქულებისთვის განკუთვნილი აქტივობების განხორციელება. პრაქტიკოს მასწავლებლებს რეალური დრო კრედიტების დასაგროვებლად ორი თვე (ოქტომბერი და ნოემბერი) აქვთ, რადგან დეკემბერში უკვე შეფასების ჯგუფები იწყებენ მუშაობას. თუმცა, ეს დრო საკმარისია იმისთვის, რომ მრავალფეროვანი აქტივობებიდან და შესაძლებლობებიდან აირჩიონ ისეთი, რომლის განხორციელებასაც მოასწრებენ. მაგალითად, სოციალური პროექტები, ისტ-ის გამოყენებით სწავლება, და ა.შ. რაც შეეხება დამატებით შესაძლებლობას, ცენტრი მათ წლის განმავლობაში შესასრულებელ აქტივობას (მაგალითად, წრე, კლუბი) სემესტრში ჩაუთვლის. ამის გარდა, ჩვენ მათ მივეცით სემინარებში მონაწილეობისა და სამუშაო შეხვედრების უფლებაც, რაც, ასევე მოუტანთ კრედიტქულებს. რეალურად, განსახორციელებელი აქტივობების ჩამონათვალი საკმაოდ ვრცელია. ასე რომ, 2 და 3 კრედიტის მოპოვება მასწავლებელს, დეკემბრის დასაწყისამდე, თავისუფლად შეუძლია. დაბალი კრედიტის მქონე პრაქტიკოსი მასწავლებლებისთვის ყველაზე მარტივი გზა სტატუსის შესაცვლელად საშემოგდომო გამოცდაზე გასვლა და შედეგის გაუმჯობესებაა,“ - აღნიშნავს მანანა რატიანი. 

2020 წლის 1-ლი თებერვლიდან პრაქტიკოსი მასწავლებლები, რომლებიც სტატუსს ვერ აიმაღლებენ, შესაძლოა, სამსახურის გარეშე დარჩნენ - აღნიშნულის შესახებ საქართველოს მთავრობის დადგენილებაში ვკითხულობთ. (იხილეთუფროსი მასწავლებლის სტატუსის მინიჭების განსაკუთრებული წესი.)

შეიძლება დაინტერესდეთ

97 წლის ვენერა ცარციძე ყველაზე ხანგრძლივი სტაჟის მქონე ბიოლოგიის მასწავლებელია

97 წლის ვენერა ცარციძე ყველაზე ხანგრძლივი სტაჟის მქონე ბიოლოგიის მასწავლებელია

97 წლის ვენერა ცარციძე ყველაზე ხანგრძლივი სტაჟის მქონე ბიოლოგიის მასწავლებელია. ის, ქალაქ საჩხერეში 1922 წელს დაიბადა, 1942 წელს დაამთავრა თბილისის ალ. პუშკინის სახელობის პედაგოგიური ინსტიტუტის ქიმია - ბიოლოგიის ფაკულტეტი და იმავე წელს დაიწყო მასწავლებლად მუშაობა. სსიპ ილია ჭავჭავაძის სახელობის ქალაქ საჩხერის N2 საჯარო სკოლაში ის 1946 წლიდან 2011 წლამდე მუშაობდა.

„ჩემი უმთავრესი მიზანი იყო ბიოლოგიის სწავლება სახალისო და საინტერესო გამეხადა. ამისთვის, სასწავლო პროცესში აქტიურად ვიყენებდი ფილმებს, მოსწავლეებთან ერთად ვამუშავებდი სათბურს, სადაც მათ ნერგების გამოყვანა შევასწავლე და მათ საშუალება ჰქონდათ, თეორიული ცოდნა პრაქტიკულად გამოეყენებინათ; მსგავსი მეთოდი გამოვიყენეთ ცოცხალ ორგანიზმებთან მიმართებაშიც და სკოლის აუზში მოვაშენეთ სხვადასხვა ჯიშის თევზები, რაც განსაკუთრებით დაეხმარა მოსწავლეებს ბიოლოგიის სრულფასოვნად შესწავლაში,“ - იხსენებს  ვენერა ცარციძე.

როგორც სკოლის დირექტორი, ლია გომართელი აღნიშნავს, ქალბატონი ვენერა ყოველთვის გამოირჩეოდა სწავლების განსაკუთრებული მიდგომებით.

„ის მნიშვნელოვან ყურადღებას უთმობდა მოსწავლეებში კრიტიკული აზროვნებისა და შემოქმედებითი უნარების განვითარებას; ბიოლოგიის კაბინეტი აღჭურვილი ჰქონდა მრავალფეროვანი რესურსებით. გარდა სასკოლო მეცადნიეობებისა, უძღვებოდა ბიოლოგიის წრესაც. ამ ყვეაფრის შედეგად, მისი მოსწავლეები ყოველთვის წარმატებით მონაწილეობდნენ ეროვნულ და რაიონულ კონფერენციებში,“- ამბობს დირექტორი.

ქალბატონ ვენერა ცარციძე პედაგოგიურ საქმიანობაში შეტანილი წვლილისთვის 2003 წელს დაჯილდოვდა პრეზიდენტის „ღირსების ორდენით“. 1984 და 1989 წლებში ქალბატონ ვენერა ცარციძეს საქართველოს სსრ განათლების მინისტრის მიერ უფროსი მასწავლებლის წოდება მიენიჭა.

30 აპრილს მასწავლებელთა პროფესიული განვითარების ეროვნული ცენტრის დირექტორის ბერიკა შუკაკიძის გადაწყვეტილებით ვენერა ცარციძეს მიენიჭა ​„დამსახურებული მასწავლებლის“ წოდება.

წყარო - ​მასწავლებლის სახლი

წაიკითხეთ სრულად