Baby Bag

მასწავლებლის სახლი მორიგ კრედიტქულიან ტრენინგზე რეგისტრაციას აცხადებს

მასწავლებლის სახლი მორიგ კრედიტქულიან ტრენინგზე რეგისტრაციას აცხადებს

მასწავლებელთა პროფესიული განვითარების ეროვნული ცენტრი მორიგ კრედიტქულიან ტრენინგზე - ​„მოსწავლეზე ორიენტირებული სასწავლო გარემო - სწავლებისა და შეფასების სტრატეგიები“ რეგისტრაციას აცხადებს. 

ცენტრის ცნობით, ტრენინგი განკუთვნილია ყველა მოქმედი მასწავლებლისათვის ვისაც აღნიშნული კურსი არ აქვს გავლილი.

როგორც მასწავლებლის სახლის მიერ გავრცელებულ ინფორმაციაშია აღნიშნული, ტრენინგზე მონაწილეები გაეცნობიან: შემაჯამებელი შეფასების სხვადასხვა ფორმებს, შეფასების რუბრიკის შექმნის წესსა და შეფასების პროცესში გასათვალისწინებელ უმთავრეს პრინციპებს. მოდულში განსაკუთრებული აქცენტი კეთდება განმავითარებელი შეფასებისა და დიფერენცირებული სწავლების მნიშვნელობაზე და სასწავლო პროცესში მათ მიზნობრივად და ეფექტურად გამოყენებაზე. ტრენინგის მსვლელობისას მოხდება განმავითარებელი შეფასებისა და დიფერენცირებული სწავლების ინსტრუმენტების მოდელირება და მონაწილეებს მიეცემათ მათი გამოყენებისა და იმ საგანთან ადპტირების შესაძლებლობა, რომელსაც ასწავლიან.

„მოდული მონაწილეებს ასევე დაეხმარება შეფასების შედეგების გენდერის, სოციალური განსხვავებებისა და განსაკუთრებული საჭიროებების გათვალისწინებით გაანალიზებასა და სწავლების პროცესის შესაბამისად მოდიფიცირებაში.

ტრენინგ მოდულის ხანგრძლივობაა: 12 საკონტაქტო საათი (ტრენინგი ტარდება ორი დღის განმავლობაში,დღეში 6 საათი.)

ტრენინგის წარმატებით გავლის შემთხვევაში პედაგოგს მიენიჭება 1 კრედიტი“, - აღნიშნულია მასწავლებელთა პროფესიული განვითარების ეროვნული ცენტრის მიერ გავრცელებულ ინფორმაციაში.

რეგისტრაციისთვის მიჰყევით ბმულს: ​ტრენინგზე რეგისტრაცია

შეიძლება დაინტერესდეთ

„თითქმის ყველა უფროსი მასწავლებელია, ასევე ძალიან ბევრმა მიიღო წამყვანი მასწავლებლის სტატუსი, მოსწავლეთა განათლებას კი არაფერი ეტყობა“

„თითქმის ყველა უფროსი მასწავლებელია, ასევე ძალიან ბევრმა მიიღო წამყვანი მასწავლებლის სტატუსი, მოსწავლეთა განათლებას კი არაფერი ეტყობა“
,,მასწავლებელთა სქემის თანახმად " მუხლი 1. პუნქტი 2 . სქემის ამოცანაა მასწავლებლის პროფესიული განვითარებისა და კარიერული წინსვლის ერთიანი სისტემის დანერგვა, რომელიც უზრუნველყოფს საუკეთესო კადრების შენარჩუნებას, არსებული მასწავლებლების მოტივაციისა და სტატუსის ამაღლებას."

სინამდვილეში სასკოლო სისტემაში დღეს არის ყველაზე არასტაბილური მდგომარეობა ამ მიმართულებით. თითქმის ყველა უფროსი მასწავლებელია,ასევე ძალიან ბევრმა მიიღო წამყვანი მასწავლებლის სტატუსი, მოსწავლეთა განათლებას კი არაფერი ეტყობა.

იმისათვის რომ სასწრაფოდ გამოსწორდეს სიტუაცია, საჭიროა შემდეგი ზომების გატარება:

რეკომენდაცია 1. სასწრაფოდ შეჩერდეს "მასწავლებლის საქმიანობის დაწყების, პროფესიული განვითარებისა და კარიერული წინსვლის სქემის" მოქმედება.

რეკომენდაცია 2. სასწრაფოდ შეწყდეს -ერთსა და იმავე საგნობრივ ჯგუფში შემავალი საგნებიდან ერთ-ერთი საგნის კომპეტენციის დადასტურების შემდგომ, შესაძლებელობა მასწავლებელმა ასწავლოს ერთსა და იმავე საგნობრივ ჯგუფში შემავალი საგნები.

რეკომენდაცია 3. მკაცრად გაკონტროლდეს რომ სკოლაში მოსწავლეებს გაკვეთილებს უტარებდეს შესაბამისი საგნის კვალიფიკაციის მასწავლებელი.

რეკომენდაცია 4. ჩატარდეს სერიოზული კვლევა - რა შედეგებამდე მიიყვანა სასკოლო სისტემა ე.წ. “სქემებმა” , და რამდენი და რომელი საგნის სპეციალისტები აკლია სისტემას.

რეკომენდაცია 5. შეჩერდეს არასპეციალისტი მაძიებლების შეყვანა სკოლებში.

რეკომენდაცია 6. მასწავლებლის კარიერული ზრდა პირდაპირპროპორციულად უნდა იყოს მიბმული მოსწავლის მიღწევებზე, უნდა ჩამოყალიბდეს “ეროვნული შეფასების სისტემა”,რომლის საშუალებითაც სახელმწიფო ამოწმებს,რამდენად შეესაბამება მოსწავლეთა მიღწევები ესგ-ით დადგენილ მოთხოვნებს.

რეკომენდაცია 7 . 2022-2023 წლისთვის უმაღლესმა სასწავლებლებმა უნდა გამოუშვან დაწყებითი განათლების და საგნის/საგნობრივი ჯგუფის მასწავლებლები, შესაბამისად შესაძლებელია ამ პერიოდის გამოყენება ახალი დოკუმენტის მოსამზადებლად.

დანაჩენი თქვენ დაამატეთ...''

ავტორი: თბილისის 136-ე სკოლის დირექტორი ელზა ბადაშვილი

წაიკითხეთ სრულად