Baby Bag

მასწავლებელთა ვებინარი საგნობრივ და ზოგადპროფესიულ საკითხებზე

მასწავლებელთა ვებინარი საგნობრივ და ზოგადპროფესიულ საკითხებზე

მასწავლებელთა პროფესიული განვითარების ეროვნული ცენტრი დამწყები პედაგოგების პროფესიული განვითარების მხარდაჭერის მიზნით იწყებს ვებინარების ციკლს, რომელთა თემატიკა დაკავშირებული იქნება როგორც საგნობრივ, ასევე ზოგადპროფესიულ საკითხებთან.

მიმდინარე წლის 17 ოქტომბერს, 16:00საათზე გიწვევთ ვებინარზე: „განმავითარებელი შეფასება“. ვებინარს ჩაატარებს მასწავლებელთა პროფესიული განვითარების ეროვნული ცენტრის შეფასების ექსპერტი, მარიანა ხუნძაყიშვილი. ხანგრძლივობა - 1 საათი.

ვებინარში მონაწილეობის მისაღებად,საკმარისია გქონდეთ ინტერნეტში ჩართული კომპიუტერი და ყურსასმენები. ვებინარის მიმდინარეობისას თქვენ შესაძლებლობა გექნებათ გამოგზავნოთ კითხვები და/ან ჩაერთოთ დისკუსიაში.

16 ოქტომბერს ვებინარის დაწყებამდე 10-15 წუთით ადრე უნდა გადახვიდეთ შემდეგ ბმულზე და შეუერთდეთ ​ჯგუფს.  იხილეთ ინსტრუქცია.

შეიძლება დაინტერესდეთ

„ჩვენი მიზანია, მოსწავლეები საკლასო ოთახებს დაუბრუნდნენ, თუმცა გარკვეული გამოწვევების წინაშე თუ დავდგებით, სხვა სცენარი გვექნება“

„ჩვენი მიზანია, მოსწავლეები საკლასო ოთახებს დაუბრუნდნენ, თუმცა გარკვეული გამოწვევების წინაშე თუ დავდგებით, სხვა სცენარი გვექნება“

განათლების მინისტრის მოადგილის, ეკატერინე დგებუაძის განცხადებით, განათლების სამინისტრო ახალი სასწავლო წლისთვის ემზადება და სხვადასხვა მიმართულებით მუშაობს.

მისივე თქმით, განათლების სამინისტრო რეკომენდაციებს ჯანდაცვის სამინისტროსთან ათანხმებს.

რაც შეეხება გავრცელებულ ინფორმაციას, რომ სკოლებში სწავლა შესაძლოა, პირველ სექტემბერს დაიწყოს, დგებუაძე აცხადებს, რომ ჯერ კონკრეტული გადაწყვეტილება მიღებული არ არის.

„განათლების სამინისტრომ დაასრულა სასწავლო პროცესი 2019-20 წლის და დაიწყო მუშაობა ახალი სასწავლო წლისთვის მზადებისთვის. სხვადასხვა მიმართულებით ვმუშაობთ. გარდა ამისა, აქტიურად ვთანამშრომლობთ ჯანდაცვის სამინისტროსთან. იმ რეკომენდაციებს, რომლებსაც ჩვენ ვამზადებთ, ვათანხმებთ ჯანდაცვის სამინისტროსთან და შესაბამისად, განათლების სამინისტრო დღეს პროცესში იმყოფება, სხვადასხვა სცენარს ამუშავებს და სხვადასხვა მიმართულებით მუშაობს. კონკრეტული გადაწყვეტილება ჯერ მიღებული არ აქვს. შესაბამისად განათლების სამინისტრო ინფორმაციას ეტაპობრივად მოგაწვდით“,- განაცხადა დგებუაძემ.

კითხვაზე, განიხილება თუ არა დისტანციური სწავლება სექტემბრიდან, დგებუაძემ უპასუხა, რომ განათლების სამინისტრო სხვადასხვა სცენარს ამუშავებს.

„რა თქმა უნდა, განათლების სამინისტრო სხვადასხვანაირ სცენარს ამუშავებს. ჩვენ ყველაფრისთვის მზად უნდა ვიყოთ. შესაბამისად, პირველი, რაც მნიშვნელოვანია და ჩვენი მიზანია, რომ სასწავლო პროცესი დაიწყოს და მოსწავლეები დაუბრუნდნენ საკლასო ოთახებს. თუ გარკვეული გამოწვევების წინაშე დავდგებით, ჩვენ სხვადასხვა ვერსია გვექნება, რომელსაც მოსწავლეებს შევთავაზებთ“,- განაცხადა ეკა დგებუაძემ და დასძინა, რომ სწავლის დაწყების თარიღთან დკაავშირებით ჯანდაცვის სამინისტროსთან ერთად მუშაობენ და საბოლოო გადაწყვეტილება მოგვიანებით გახდება ცნობილი.

წყარო: ​1TV.GE

წაიკითხეთ სრულად