Baby Bag

ორდღიანი ტრენინგები მასწავლებლებისთვის

ორდღიანი ტრენინგები მასწავლებლებისთვის
UG-PriEd დაწყებითი განათლების პროექტი სექტემბერში მასწავლებლებს ტრენინგებს სთავაზობს:

წიგნიერება

1. კითხვის სწავლების სტრატეგიები და თანამედროვე მეთოდები

💡ვისთვის არის კურსი: დაწყებითი საფეხურის ქართულის მასწავლებლებისთვის და სხვადასხვა საგნის (გარემოს, ისტორიის....) მასწავლებლებისთვის
💡თარიღი: 4-5 სექტემბერი, 2019
💡2 დღე - 90 ლარი
💡სარეგისტრაციო ფორმა: https://forms.gle/8VUsmLgUcDCCDaop6

2. კითხვისა და წერის სწავლება დიფერენცირებული და პროექტული მეთოდით

💡ვისთვის არის კურსი: დაწყებითი საფეხურის ქართულის მასწავლებლებისთვის
💡თარიღი: 7-8 სექტემბერი, 2019
💡2 დღე - 90 ლარი
💡სარეგისტრაციო ფორმა:
https://forms.gle/UuyDmBqCN5Yy9VsQ6

3. დიფერენცირებული და პროექტული მეთოდით სწავლება დაწყებით საფეხურზე

💡ვისთვის არის კურსი: სხვადასხვა საგნის (გარემოს, ისტორიის....) მასწავლებლებისთვის
💡თარიღი: 7-8 სექტემბერი, 2019
💡2 დღე - 90 ლარი
💡სარეგისტრაციო ფორმა:
https://forms.gle/3TQTnXXmWrrJnfaeA

მათემატიკა

4. თანამედროვე მიდგომები და სტრატეგიები მათემატიკის სწავლებაში

💡ვისთვის არის კურსი: მათემატიკის მასწავლებლებისთვის
💡თარიღი: 9-10 სექტემბერი, 2019
💡2 დღე - 90 ლარი
💡სარეგისტრაციო ფორმა:
https://forms.gle/f22vBmhuuftaWmB27

5. მათემატიკის სწავლება დიფერენცირებული და პროექტული მეთოდით

💡ვისთვის არის კურსი: მათემატიკის მასწავლებლებისთვის
💡თარიღი: 7-8 სექტემბერი, 2019
💡2 დღე - 90 ლარი
💡სარეგისტრაციო ფორმა: https://forms.gle/obcsB3JdkJhZC4Qp7

ტრენინგების ძირითადი საკითხები წარმოდგენილია შესაბამის სარეგისტრაციო ფორმაში.

ტრენინგების გავლის შემდეგ მასწავლებელს კრედიტქულები არ მიენიჭება.

შეიძლება დაინტერესდეთ

განათლების სამინისტრო დამხმარე ქართულენოვანი ელექტრონული რესურსების შექმნასა და მათ განვითარებაზე მუშაობას აძლიერებს

განათლების სამინისტრო დამხმარე ქართულენოვანი ელექტრონული რესურსების შექმნასა და მათ განვითარებაზე მუშაობას აძლიერებს

საქართველოს განათლების, მეცნიერების, კულტურისა და სპორტის სამინისტრო „ახალი სკოლის მოდელის“ პროექტის ფარგლებში აძლიერებს დამხმარე ქართულენოვანი ელექტრონული რესურსების შექმნასა და მათ განვითარებაზე მუშაობას.

უწყების ცნობით, ამ მიმართულებით, სამინისტროს ეროვნული სასწავლო გეგმის სამმართველოს ექსპერტების, ახალგაზრდა პროგრამისტებისა და დიზაინერების გუნდი 2019 წლიდან აქტიურად მუშაობს და დღეისათვის უკვე შექმნილია I-VI კლასის მოსწავლეებისთვის ქართულენოვანი დამხმარე ელექტრონული რესურსები სახვითი და გამოყენებითი ხელოვნებისა და ბუნებისმეტყველების მიმართულებით. შესაბამისად, მასწავლებლებსა და მოსწავლეებს დისტანციური სწავლა-სწავლების პროცესში უკვე შეუძლიათ აღნიშნული რესურსების სატესტო რეჟიმში გამოყენება https://school.emis.ge/ .

„ახალი სკოლის მოდელის“ განმახორციელებელი გუნდი აქტიურად აგრძელებს მუშაობას მუსიკისა და კომპიუტერული მეცნიერებების დამხმარე ქართულენოვანი ელექტორნული რესურსების შექმნაზეც.

აღსანიშნავია, რომ აღნიშნული რესურსების შექმნის პროცესში გამოყენებულია ხელოვნური ინტელექტი ჩეთბოტების სახით. ჩეთბოტი არის კომპიუტერული პროგრამა, რომელიც ხელოვნური ინტელექტის მიერ ენის დამუშავების საშუალებით, მოსწავლესთან დიალოგში შედის და მას აძლევს პასუხს დასმულ შეკითხვაზე.

პროექტის ფარგლებში შექმნილია სულ ხუთი ჩეთბოტი, როგორც საგანმანათლებლო ელექტრონული რესურსებისთვის, ასევე „ახალი სკოლის მოდელისთვის“, რომელიც ჩაშენებულია პროექტის ოფიციალურ ფეისბუქის გვერდზე ახალი სკოლის მოდელი - New School Model და მომხმარებელს პასუხობს რეფორმის აქტუალურ საკითხებთან დაკავშირებით წამოჭრილ შეკითხვებზე. „ახალი სკოლის მოდელის“ „ციფრულმა თანამშრომელმა“, ჩეთბოტმა ფეხი აუწყო მიმდინარე მოვლენებს და „დაისწავლა“ ყველა ის ხშირად დასმული შეკითხვა, რაც დისტანციური სწავლების პროცესში წარმოიშვა. ჩეთბოტი ეხმარება სასკოლო საზოგადოებას დისტანციური პრაქტიკის დანერგვაში. სატესტო რეჟიმში ჩაშვებიდან დღემდე, ჩეთბოტმა 1177 მომხმარებლის შეკითხვას უპასუხა.

საქართველოს განათლების, მეცნიერების, კულტურისა და სპორტის სამინისტროს მხარდაჭერით შექმნილი დამხმარე ქართულენოვანი ელექტრონული რესურსები მოსწავლეებს ეხმარება კომპლექსური დავალების დამოუკიდებლად შესრულებაში. მათ სთავაზობს სხვადასხვა ტიპის თვალსაჩინოებებს, გეზის მიმცემ, დამაფიქრებელ შეკითხვებსა და პრაქტიკულ სამუშაოებს, რომელთა კეთების პროცესში მოსწავლე გაიაზრებს საგნის თეორიულ ასპექტებს და შექმნის შემოქმედებით პროდუქტს,“ - აღნიშნულია განათლების, მეცნიერების, კულტურისა და სპორტის სამინისტროს მიერ გავრცელებულ ინფორმაციაში. 

წაიკითხეთ სრულად