Baby Bag

ვინ არის მაძიებელი და რა კვალიფიკაცია მოეთხოვება მას

ვინ არის მაძიებელი და რა კვალიფიკაცია მოეთხოვება მას

მაძიებელი არის პირი, რომელიც მასწავლებლისთვის განკუთვნილი მოთხოვნებიდან ვერც ერთს ვერ აკმაყოფილებს:

კერძოდ, 

1. პირი, რომელსაც აქვს სქემით მინიჭებული ნებისმიერი სტატუსი (პრაქტიკოსი, უფროსი, წამყვანი, მენტორი);

2. სერტიფიცირებული მასწავლებელი;

3. პირი, რომელსაც დიპლომით უდასტურდება, რომ აქვს მასწავლებლობის უფლება და ამავე დროს ჩაბარებული აქვს საგნის გამოცდა;

4. პირი, რომელსაც აქვს დოქტორის/დოქტორთან გათანაბრებული ხარისხი ეროვნული სასწავლო გეგმით გათვალისწინებულ რომელიმე საგანში ან საგნობრივ ჯგუფში;

5. პირი, რომლესაც ჩაბარებული აქვს საგნის გამოცდა და გავლილი აქვს 60 კრედიტიანი ან სხვა მასწავლებლის მომზადების საგანმანათლებლო პროგრამა.

რა კვალიფიკაცია მოეთხოვება მაძიებელს - იხილეთ მასწავლებლის სახლის დირექტორის მოადგილის პასუხი ​ბმულზე

მასწავლებლობის მაძიებელთა რეგისტრაციასთან დაკავშირებით ნახეთ​ ბმული. 


შეიძლება დაინტერესდეთ

პირველკლასელები სწავლას 4 ოქტომბერს დაიწყებენ

პირველკლასელები სწავლას 4 ოქტომბერს დაიწყებენ

ქვეყანაში ეპიდემიოლოგიური ვითარების გაუმჯობესების ტენდენციიდან გამომდინარე, მაღალი ალბათობით, ქვეყნის მასშტაბით, სკოლების დიდ ნაწილში 4 ოქტომბრიდან სწავლა საკლასო ოთახებში გაგრძელდება, - ინფორმაციას განათლებისა და მეცნიერების სამინისტრო ​ავრცელებს.

რაც შეეხება პირველკლასელებს - ბავშვების საუკეთესო ინტერესებიდან გამომდინარე, განათლებისა და მეცნიერების სამინისტრომ მიიღო გადაწყვეტილება, პირველკლასელებმა სწავლა არა 15 სექტემბერს დისტანციურ ფორმატში, არამედ 4 ოქტომბერს, დასწრებით ფორმატში, საკლასო ოთახებში დაიწყონ. ეს გადაწყვეტილება შეეხება მხოლოდ და მხოლოდ იმ ქალაქებსა და სოფლებს, სადაც ინფიცირების მაჩვენებელი სწავლის დაწყების მომენტისთვის 4%-ზე დაბალი იქნება.

„აღნიშნული გადაწყვეტილება ეფუძნება პედაგოგიკურ მოსაზრებას, რომლის თანახმად პირველკლასელთა პირველი სასკოლო გამოცდილება უმჯობესია წარიმართოს საკლასო გარემოში, თანაკლასელებისა და მასწავლებლების გარემოცვაში.

შეგახსენებთ, რომ საკოორდინაციო საბჭოს გადაწყვეტილებით, საქართველოს მასშტაბით საჯარო და კერძო სკოლები, პროფესიული სასწავლებლები და უმაღლესი საგანმანათლებლო დაწესებულებები 15 სექტემბერს სწავლას დისტანციურ რეჟიმში დაიწყებენ და ამ ფორმატით სწავლა 4 ოქტომბრამდე გაგრძელდება.

საკოორდინაციო საბჭო შემდეგ გადაწყვეტილებაზე 4 ოქტომბრის მონაცემების მიხედვით იმსჯელებს. ასევე, 4 ოქტომბრის შემდგომ პერიოდში, იმ სოფლებსა და ქალაქებში, სადაც ინფიცირების მაჩვენებელი 4%-ზე ქვემოთ ჩამოვა, დისტანციური რეჟიმი მოიხსნება და სწავლა გაგრძელდება დასწრებულ ფორმატში. განათლებისა და მეცნიერების სამინისტრო წინა სემესტრის მსგავსად ამ შემთხვევაშიც მაქსიმალურად მოქნილ სისტემას შესთავაზებს სასკოლო საზოგადოებას. კერძოდ, სკოლებს შესაძლებლობა ექნებათ გააკეთონ არჩევანი დასწრებულ და დისტანციურ სწავლებას შორის. ცხადია, ეს გადაწყვეტილება ვრცელდება პირველკლასელებზეც,“ - აღნიშნულია განათლებისა და მეცნიერების სამინისტროს მიერ გავრცელებულ ინფორმაციაში.

წაიკითხეთ სრულად