Baby Bag

97 წლის ვენერა ცარციძე ყველაზე ხანგრძლივი სტაჟის მქონე ბიოლოგიის მასწავლებელია

97 წლის ვენერა ცარციძე ყველაზე ხანგრძლივი სტაჟის მქონე ბიოლოგიის მასწავლებელია

97 წლის ვენერა ცარციძე ყველაზე ხანგრძლივი სტაჟის მქონე ბიოლოგიის მასწავლებელია. ის, ქალაქ საჩხერეში 1922 წელს დაიბადა, 1942 წელს დაამთავრა თბილისის ალ. პუშკინის სახელობის პედაგოგიური ინსტიტუტის ქიმია - ბიოლოგიის ფაკულტეტი და იმავე წელს დაიწყო მასწავლებლად მუშაობა. სსიპ ილია ჭავჭავაძის სახელობის ქალაქ საჩხერის N2 საჯარო სკოლაში ის 1946 წლიდან 2011 წლამდე მუშაობდა.

„ჩემი უმთავრესი მიზანი იყო ბიოლოგიის სწავლება სახალისო და საინტერესო გამეხადა. ამისთვის, სასწავლო პროცესში აქტიურად ვიყენებდი ფილმებს, მოსწავლეებთან ერთად ვამუშავებდი სათბურს, სადაც მათ ნერგების გამოყვანა შევასწავლე და მათ საშუალება ჰქონდათ, თეორიული ცოდნა პრაქტიკულად გამოეყენებინათ; მსგავსი მეთოდი გამოვიყენეთ ცოცხალ ორგანიზმებთან მიმართებაშიც და სკოლის აუზში მოვაშენეთ სხვადასხვა ჯიშის თევზები, რაც განსაკუთრებით დაეხმარა მოსწავლეებს ბიოლოგიის სრულფასოვნად შესწავლაში,“ - იხსენებს  ვენერა ცარციძე.

როგორც სკოლის დირექტორი, ლია გომართელი აღნიშნავს, ქალბატონი ვენერა ყოველთვის გამოირჩეოდა სწავლების განსაკუთრებული მიდგომებით.

„ის მნიშვნელოვან ყურადღებას უთმობდა მოსწავლეებში კრიტიკული აზროვნებისა და შემოქმედებითი უნარების განვითარებას; ბიოლოგიის კაბინეტი აღჭურვილი ჰქონდა მრავალფეროვანი რესურსებით. გარდა სასკოლო მეცადნიეობებისა, უძღვებოდა ბიოლოგიის წრესაც. ამ ყვეაფრის შედეგად, მისი მოსწავლეები ყოველთვის წარმატებით მონაწილეობდნენ ეროვნულ და რაიონულ კონფერენციებში,“- ამბობს დირექტორი.

ქალბატონ ვენერა ცარციძე პედაგოგიურ საქმიანობაში შეტანილი წვლილისთვის 2003 წელს დაჯილდოვდა პრეზიდენტის „ღირსების ორდენით“. 1984 და 1989 წლებში ქალბატონ ვენერა ცარციძეს საქართველოს სსრ განათლების მინისტრის მიერ უფროსი მასწავლებლის წოდება მიენიჭა.

30 აპრილს მასწავლებელთა პროფესიული განვითარების ეროვნული ცენტრის დირექტორის ბერიკა შუკაკიძის გადაწყვეტილებით ვენერა ცარციძეს მიენიჭა ​„დამსახურებული მასწავლებლის“ წოდება.

წყარო - ​მასწავლებლის სახლი

შეიძლება დაინტერესდეთ

ტრენინგი მათთვის, ვისაც ტურიზმის სფეროში დასაქმება ან საკუთარი ბიზნესის წარმოება სურს

ტრენინგი მათთვის, ვისაც ტურიზმის სფეროში დასაქმება ან საკუთარი ბიზნესის წარმოება სურს

მედია პორტალი Moms.ge თანამშრომლობას იწყებს „ტურიზმის ორგანიზაციასთან“, რომლის მიზანია ხელი შევუწყოთ ქალებს, დასაქმდნენ ერთ-ერთ მოთხოვნად სფეროში - ტურიზმში ან აწარმოონ საკუთარი ბიზნესი. 

კერძოდ, ამ სფეროში მეტი ინფორმაციისა და განათლების ამაღლების მიზნით, ​„ტურიზმის ორგანიზაცია“ გთავაზობთ ​ტურიზმის მენეჯმენტის ზოგად კურ​სს

კურსის გავლის მსურველებს შესაძლებლობა აქვთ, ისარგებლონ სპეციალურად Moms.ge-ს მკითხველისთვის დაწესებული 10%-იანი ფასდაკლებით, რომლის გამოყენება შეგიძლიათ პრომო კოდის ​#saleformomsge-ის წარდგენით.  

  • ტრენინგი განკუთვნილია მათთვის, ვისაც აინტერესებს ტურიზმის სფეროში ჩართული ყველა მნიშვნელოვანი რგოლის საქმიანობა, სურს წამოიწყოს საკუთარი ბიზნესი ან დასაქმდეს აღნიშნულ სფეროში. ტრენინგი საშუალებას მოგცემთ, განსაზღვროთ თქვენთვის პრიორიტეტული მიმართულება.
  • ტრენინგ-კურსს გაუძღვებიან წამყვანი კომპანიების და ორგანიზაციების გამოცდილი, წარამტებული, პრაქტიკოსი და პროფესიონალი ტრენერები.
  • კურსის მიზანია დაინტერესებულ პირებს მისცეს ზოგადი ცოდნა ტურიზმის შესახებ როგორც სახელმწიფო, ისე კერძო სექტორის ჩართულობით. კურსის ფარგლებში განიხილება ყველა ის ძირითადი საკითხი, რომელიც ტურიზმის ინდუსტრიას აერთიანებს.


ტრენინგის მოკლე აღწერა იხილეთ ​ა​ქკურსის სრულ სილაბუსს გაეცნობით ​ბ​მულზე

ტურიზმის მენეჯმენტის ​ზოგ​ად კურსზე რეგისტრაციისთვის იხილეთ ბმული – http://bit.ly/2NO​3zsU

კურსდამთავრებულს გადაეცემა „ტურიზმის ორგანიზაციის” მიერ გაცემული ორენოვანი სერტიფიკატი. 

ტრენინგები ჩატარდება რადისონ ბლუ ივერიაში.

დამატებითი ინფორმაციისთვის დარეკეთ ნომრებზე: +995 32 24 24 1 24; +995 557 307 337

წაიკითხეთ სრულად