Baby Bag

​პედაგოგთა და პედაგოგობის მსურველთა საყურადღებოდ!

​პედაგოგთა და პედაგოგობის მსურველთა საყურადღებოდ!

განათლების კვლევებისა და მეცნიერების განვითარების ცენტრი პედაგოგთა და პედაგოგობის მსურველთა საყურადღებოდ ​პედაგოგიური კვლევის დისტანციური კურსის შესახებ ინფორმაციას აქვეყნებს.

ცენტრის ცნობით, კურსი განკუთვნილია ყველა დაინტერესებული პირისათვის, თუმცა შერჩევისას პრიორიტეტი მიენიჭებათ მოქმედ პედაგოგებს.

კურსის ფარგლებში მომზადებულია დისტანციური სასწავლო პროგრამა, რომელიც მოიცავს შემდეგ საკითხებს :

1. რა არის კვლევა? პედაგოგიური კვლევის მნიშვნელობა.
2. კვლევის მეთოდები (რაოდენობრივი და თვისებრივი)
3. კვლევის ინსტრუმენტები , კვლევის გეგმის შემუშავება და პროცედურები
4. მონაცემის სახეები და მათი დამუშავება
5. კვლევის შედეგების ინტერპრეტაცია და ვიზუალური რეპრეზენტაცია
6. კვლევის ეთიკა

კურსზე რეგისტრაცია 12 აგვისტოს დაიწყება, აპლიკანტების რაოდენობა კი შეზღუდულია.

ცენტრის ინფორმაციით, სასწავლო კურსისთვის აპლიკანტები შეირჩევიან მერიტოკრატიული პრინციპებით, შემდეგი კრიტერიუმის გათვალისწინებით:

1. პროფესიული მოტივაცია - 30%
2. ცოდნის დისემინაციის სქემა - 30%
3. სასწავლო კურსის საჭიროების დასაბუთება - 40%

შერჩევისას ასევე გათვალისწინებული იქნება:

1. შერჩეული აპლიკანტების გეოგრაფიული დანაწილება (რეგიონების თანაბარი ჩართულობა)
2. გენდერული ბალანსი

წარმატებული მონაწილეები მიიღებენ ცენტრისა და პარტნიორი ორგანიზაციების სერტიფიკატებს.

კურსში მონაწილეობა უფასოა.

კითხვების შემთხვევაში დაუკავშირდით განათლების კვლევებისა და მეცნიერების განვითარების ცენტრს ​ამ გ​ვერდზე.

შეიძლება დაინტერესდეთ

პროფესიიდან გასვლა არ არის მარტივი, შინაგანად ძალიან განვიცდი და ვღელავ

პროფესიიდან გასვლა არ არის მარტივი, შინაგანად ძალიან განვიცდი და ვღელავ

დოდო გურგენიშვილი 48 წელია დაწყებითი კლასების პედაგოგად მუშაობს. მან პროფესიიდან გასვლის გადაწყვეტილება მიიღო.

„სოფელ ხიდისთავის სკოლაში დავიწყე მასწავლებლობა. შემდეგ რამდენიმე
სკოლა გამოვიცვალე. ბოლოს 106-ე საჯარო სკოლაში დავფუძნდი და უკვე 33 წელია აქ ვარ.

ჩემი აზრით, გარდა ბავშვების სიყვარულისა, აუცილებელია პედაგოგს ფართო ზოგადი განათლება ჰქონდეს, განსაკუთრებით დაწყებითი კლასის მასწავლებელს.

პროფესიიდან გასვლა არ არის მარტივი, შინაგანად ძალიან განვიცდი და ვღელავ. ბავშვებს ახალგაზრდა მასწავლებლები უყვართ, მათ უნდა დავუთმოთ გზა. სახელმწიფოს მხრიდან საპენსიო ასაკის პრაქტიკოსი პედაგოგებისათვის ჯილდოს გადაცემის გადაწყვეტილებამ ღირსეულად მაგრძნობინა თავი.“

წაიკითხეთ სრულად