Baby Bag

შემოდგომაზე ორგანიზებული მასწავლებელთა გამოცდის განრიგი ცნობილია

შემოდგომაზე ორგანიზებული მასწავლებელთა გამოცდის განრიგი ცნობილია

შეფასებისა და გამოცდების ეროვნული ცენტრი შემოდგომაზე ორგანიზებული მასწავლებელთა კომპეტენციის დადასტურების გამოცდის განრიგს ​აქვეყნებს. გამოცდები 2 ნოემბერს დაიწყება და 8 ნოემბერს დასრულდება.

2 ნოემბერი:
პროფესიული უნარები.
3 ნოემბერი:
პროფესიული უნარები.
4 ნოემბერი:
ქართული ენა და ლიტერატურა;
მათემატიკა და ბუნებისმეტყველება (I-IV).
5 ნოემბერი:
ბუნებისმეტყველება (I-VI);
ქართული ენა და ლიტერატურა (I-VI);
მათემატიკა (I-VI).
6 ნოემბერი:
ბიოლოგია;
გეოგრაფია;
ინგლისური ენა - წერითი ნაწილი;
რუსული ენა - წერითი ნაწილი;
გერმანული ენა - წერითი ნაწილი;
ფრანგული ენა - წერითი ნაწილი;
ქართული, როგორც მეორე ენა - წერითი ნაწილი.
7 ნოემბერი:
მუსიკა;
ისტორია;
სამოქალაქო განათლება;
ქართული ენა და ლიტერატურა (VII-XII);
ინფორმაციული და საკომუნიკაციო ტექნოლოგიები - წერითი ნაწილი;
ინგლისური ენა - პრაქტიკული ნაწილი;
რუსული ენა - პრაქტიკული ნაწილი;
გერმანული ენა - პრაქტიკული ნაწილი;
ფრანგული ენა - პრაქტიკული ნაწილი;
ქართული, როგორც მეორე ენა - პრაქტიკული ნაწილი.
8 ნოემბერი:
ფიზიკა;
მათემატიკა (VII-XII);
სახვითი და გამოყენებითი ხელოვნება;
ქიმია;
სპორტი;
ინფორმაციული და საკომუნიკაციო ტექნოლოგიები - პრაქტიკული ნაწილი.

შეიძლება დაინტერესდეთ

საჩხერის მე-2 საჯარო სკოლა მსოფლიოს 100 საუკეთესო სკოლას შორის დასახელდა

საჩხერის მე-2 საჯარო სკოლა მსოფლიოს 100 საუკეთესო სკოლას შორის დასახელდა

საჩხერის ილია ჭავჭავაძის სახელობის მე-2 საჯარო სკოლა საერთაშორისო კონკურსზე „მსოფლიო განათლების კვირეული“ მსოფლიოს 100 წარმატებული სკოლის ჩამონათვალში მოხვდა.

კონკურსის ფარგლებში გამართულ ონლაინ კონფერენციას საქართველოს განათლების, მეცნიერების, კულტურისა და სპორტის მინისტრის მოადგილე თამარ ქიტიაშვილიესწრებოდა.

ღონისძიებაზე სკოლის წარმომადგენლებმა პრეზენტაცია წარადგინეს და დამსწრე საზოგადოებას როგორც სწავლა-სწავლების ძირითადი პრინციპები და აპრობირებული პრაქტიკები, ასევე, სკოლაში უცხო ენებისა და STEM საგნების სწავლების ეფექტური მეთოდოლოგია გააცნეს. პრეზენტაციაზე ხაზგასმით აღინიშნა, რომ საჩხერის მე-2 საჯარო სკოლა საქართველოში ერთ-ერთი პირველი ზოგადსაგანმანათლებლო დაწესებულებაა, რომელიც მოსწავლეებს ზოგადი და პროფესიული განათლების ინტეგრირებულად მიღების შესაძლებლობას აძლევს.

ონლაინ კონფერენციაზე სწორედ ზოგადი განათლების მიღების პარალელურად პროფესიულ განათლებაზე ხელმისაწვდომობის მნიშვნელობაზე მინისტრის მოადგილემ ისაუბრა და ამ მიმართულებით საჩხერის მე-2 საჯარო სკოლაში სიახლეების დანერგვა დადებითად შეაფასა. თამარ ქიტიაშვილმა სკოლის წარმომადგენლებს საერთაშორისო ასპარეზზე მიღწეული წარმატება მიულოცა და მათ გაწეული შრომისთვის მადლობა გადაუხადა. მინისტრის მოადგილის თქმით, საჩხერის მე-2 საჯარო სკოლა ერთ-ერთი პირველია იმ საჯარო სკოლებს შორის, რომელიც საკუთარ ბაზაზე დანერგავს და განახორციელებს სრულ სადიპლომო პროგრამებს, რაც სკოლის ინსტიტუციურ განვითარებას ახალ საფეხურზე აიყვანს.

სიტყვით გამოსვლისას თამარ ქიტიაშვილმა აღნიშნა, რომ თანამედროვე სკოლამ ახალგაზრდებში პრაქტიკული უნარ-ჩვევებისა და პიროვნულ განვითარებას უნდა შეუწოს ხელი, რასაც საჩხერის მე-2 საჯარო სკოლა წარმატებით ახორციელებს.

„მსოფლიო განათლების კვირეული“ ორგანიზებულია მოძრაობა T4-ის მიერ, რომელიც განათლების მიმართულებით მომუშავე სხვადასხვა საერთაშორისო ორგანიზაციას აერთიანებს. კვირეულის მიზანია ხარისხიანი განათლების საყოველთაო ხელმისაწვდომობის მხარდაჭერა და სასკოლო განათლების საუკეთესო პრაქტიკების გაზიარება მსოფლიო მასშტაბით. 2020 წლის „მსოფლიოს განათლების კვირეულის“ მთავარი გზავნილია: „ჩვენ მსოფლიოს ვაჩვენებთ 100 საუკეთესო სკოლის გამოცდილებას, რაც ხელს შეუწყობს ქვეყნებში მაღალი ხარისხის განათლების დამკვიდრებას“.

საქართველოში „მსოფლიო განათლების კვირეულის“ მხარდამჭერია კოალიცია „განათლება ყველასთვის - საქართველო (EFA).

წაიკითხეთ სრულად