„მასწავლებლის კომპეტენციის დასადასტურებლად დარეგისტრირებული აპლიკანტებიდან 10-11 ივლისს, სამივე სესიაზე, 81%-ზე მეტი გამოცხადდა. პროცესი მშვიდ ვითარებაში მიმდინარეობს. იყო დაგვიანების 9 შემთხვევა. სესიებიდან 3 აპლიკანტი მოიხსნა. ორ შემთხვევაში მოხსნის მიზეზი დამხმარე მასალის გამოყენების მცდელობა გახდა, მესამე შემთხვევაში - არაფხიზელი მდგომარეობა“, - აღნიშნავენ შეფასებისა და გამოცდების ეროვნულ ცენტრში.
მასწავლებლის კომპეტენციის დადასტურების გამოცდები 10 ივლისს დაიწყო და 21 ივლისს დასრულდება.
ერთიანი ეროვნული გამოცდების დაწყებამდე ერთ კვირაზე ნაკლები რჩება. შეფასებისა და გამოცდების ეროვნული ცენტრი წინასაგამოცდოდ აბიტურიენტებს ფსიქოლოგ ლელა ტყეშელაშვილის რჩევებს სთავაზობს:
1. ეცადეთ, საკუთარ თავს დაანახოთ იმ საქმის ფასეულობა, რის შესასრულებლადაც მიდიხართ.
2. კარგად გაიაზრეთ და შეისწავლეთ მარშრუტი, რომლითაც ახალ, აქამდე უცნობ ადგილზე უნდა აღმოჩნდეთ. არ გამოგრჩეთ დიდი ქალაქის თავისებურებები, განსაკუთრებით - საცობები.
3. კარგად შეისწავლეთ, რა დრო გეხარჯებათ ჩვეულებრივ რუტინულ საქმეებზე, მოემზადეთ წინა საღამოს, ჩვენი დაგვიანების ხშირი მიზეზი ხომ გასვლის წინ მოწესრიგება ხდება.
4. გამოიძინეთ, უძილობა ზრდის დაგვიანების რისკს. დასვენებული გონება ცხოვრების ტემპსა და გრაფიკს უკეთესად მიჰყვება.
წაიკითხეთ სრულად
