მასწავლებლის შიდა შეფასების შედეგებისა და მასწავლებლისათვის სქემით განსაზღვრული სტატუსის მინიჭებასთან დაკავშირებით, მასწავლებლის შეფასების ჯგუფის წინადადების გასაჩივრებისთვის გათვალისწინებული საპრეტენზიო განაცხადის ფორმა დამტკიცდა და წარდგენის ვადა განისაზღვრა, - ინფორმაციას მასწავლებლის სახლი ავრცელებს.
დეტალური ინფორმაციისთვის იხილეთ დანართი.
11 ივლისს, მასწავლებლის სახლში ტრენინგი გაიმართა სახელწოდებით - „ჩაატარე ენების ევროპული დღე შენს სკოლაში!“ მასში საქართველოს სხვადასხვა კუთხის სკოლებიდან ჩამოსული 35 პირი მონაწილეობდა, - ინფორმაციას მასწავლებელთ პროფესიული განვითარების ეროვნული ცენტრი ავრცელებს.
„ტრენინგი ევროპის კულტურულ ინსტიტუტთა გაერთიანების საქართველოს წარმომადგენლობა EUNIC - მა გამართა. 2012 წლიდან ყოველ 26 სექტემბერს, ევროპის კულტურულ ინსტიტუტთა გაერთიანების EUNIC საქართველოს წარმომადგენლობა სკოლის მოსწავლეებს ენების ევროპული დღის აღსანიშნავად იწვევს.
ღონისძიების ფარგლებში, მოსწავლეებს აქვთ შესაძლებლობა, უკეთ გაეცნონ ევროპაში მცხოვრები სხვადასხვა ხალხის კულტურულ თუ ენობრივ თავისებურებებს და მიიღონ პრიზები.
2019 წელს გაერთიანება EUNIC გეგმავს ენების ევროპული დღე მთელ საქართველოში აღნიშნოს,“ - აღნიშნულია მასწავლებლის სახლის მიერ გავრცელებულ ინფორმაციაში.
წაიკითხეთ სრულად
