Baby Bag

მოცარტის სიმფონიაზე აცეკვებული ქართველი მასწავლებლები წლის ბოლოს - ვიდეო

ხობის N2 საჯარო სკოლის მასწავლებელმა  მედეა ვარდიამ  სასწავლო წლის ბოლო დღეს  სოციალურ ქსელში სახალისო ვიდეო გამოაქვეყნა. ვიდეოში პედაგოგები მოცარტის N40 სიმფონიის ფონზე ცეკვავენ: 

„დაღლილი მასწავლებლები განწყობის ზენიტში...  გაუსაძლისი სიცხე, ხმაური, წლის ბოლო, გადაღლილობა... ათასი ციფრი და საკითხი რომ გიტრიალებს თავში, ამის ფონზე, მხოლოდ მოცარტის N40 სიმფონიამ შეიძლება აგაცეკვოს! ზოგჯერ ჩვენც ბავშვები ვართ. ბავშვებს ვაჯობეთ სიგიჟეში. არავისზე ნაკლები სიგიჟე შეგვიძლია,“ - წერს მედეა ვარდია.

ვიდეომ სოციალურ ქსელში დიდი გამოხმაურება გამოიწვია. პოზიტიური მასწავლებლების ცეკვას ფეისბუქის მომხმარებლები სიხარულით შეხვდნენ.

შეიძლება დაინტერესდეთ

„მზის ინსოლაცია არის ერთ-ერთი მთავარი ფაქტორი, რაც პირდაპირპროპორციულად ასოცირდება ხალის ონკოლოგიური რისკის ზრდასთან,“- დერმატო-ვენეროლოგი გიორგი არველაძე

„მზის ინსოლაცია არის ერთ-ერთი მთავარი ფაქტორი, რაც პირდაპირპროპორციულად ასოცირდება ხალის ონკოლოგიური რისკის ზრდასთან,“- დერმატო-ვენეროლოგი გიორგი არველაძე

დერმატო-ვენეროლოგმა გიორგი არველაძემ ზაფხულში ხალის მზის ულტრაიისფერი გამოსხივებისგან დაცვის მნიშვნელობაზე ისაუბრა:

„ხალი თითქმის ყველა ადამიანს აქვს. თითოეული ხალის წარმოქმნის შესახებ ინფორმაცია, როდესაც ადამიანი იბადება, მის ორგანიზმში უკვე არის. 30 წლამდე აღმოცენებული ხალები ნაკლებად საშიშად მიიჩნევა. უფრო საყურადღებოა ის ხალი, რომელიც სხეულის ზედაპირზე გვევლინება 30 წლის შემდეგ. საყურადღებოში ყოველთვის საშიში არ მოიაზრება. არსებობს ხალების გარკვეული ჯგუფი, რომელიც ვიტილიგოსთან ასოცირდება. ძალიან ხშირად ამ დროს ხალის ირგვლივ კანის უბანი თეთრდება და შემდეგ ხალი ქრება. ასეთი ხალების ტიპი არანაირ საფრთხეს არ წარმოადგენს.

ხალზე თმიანი საფარველი ნაკლებად ასოცირდება ავთვისებიან ნიშანთან, თუმცა ის ესთეტიკურ ხარვეზს წარმოადგენს. ეპილაცია ამ დროს ცუდი არჩევანია. უფრო მარტივია ამ თმის მაკრატლით მოჭრა, ასევე განიხილება ხალის სრულყოფილი მოცილება. ხალი საყურადღებო ხდება, თუ შეინიშნება ზომაში სწრაფი ტემპით ზრდა, ფორმისა და კონტურების საზღვრების ცვლილება, ფერთა ასიმეტრია, ძველი ხალის გვერდით ახალი წარმონაქმნის დაფიქსირება. ამ ნიშნების დროს აუცილებელია ვესტუმროთ დერმატოლოგს.

დერმატოლოგებისთვის ნამზეური ასოცირდება დაზიანებული ტიპის კანთან. კანის დაბერების, გაუწყლოვნების პროცესი იწყება. ამიტომ ამას ჩვენ ვეწინააღმდეგებით. რაც შეეხება ხალს, აქ კიდევ უფრო ვეწინააღმდეგებით ნამზეურს. მზის ინსოლაცია არის ერთ-ერთი მთავარი ფაქტორი, რაც პირდაპირპროპორციულად ასოცირდება ხალის ონკოლოგიური რისკის ზრდასთან. კანს აქვს ცუდი თვისება, ის იმახსოვრებს ნამზეურს. წლების წინ მიღებული ძლიერი ნამზეური შეიძლება გარკვეული პერიოდის შემდეგ გახდეს ცვლილების საწინდარი. მზის ულტაიისფერი სხივები იწვევს ხალის უჯრედების გენომის სტრუქტურის დარღვევას, ეს ხდება საწინდარი იმ ცვლილებისა, რაც ცუდი, ატიპიური უჯრედების ფორმირებას უდევს საფუძვლად. ვისაც ბევრი ხალი აქვს, ისინი ყოველთვის რისკ-ჯგუფში ხვდებიან. გარუჯვა რეკომენდებული არ არის იმ ადამიანებისთვის, ვისაც ღია ტიპის თვალები და ხალებით დახუნძლული ღია ფერის კანი აქვთ. გარუჯვის შემთხვევაში აუცილებელია წესების დაცვით მზის დამცავის გამოყენება,“- მოცემულ საკითხზე გიორგი არველაძემ ტელეკომპანია „ფორმუალს“ გადაცემაში „დილა ფორმულაზე“ ისაუბრა.

წყარო:​ „დილა ფორმულაზე“

წაიკითხეთ სრულად