რა იგულისხმება განმეორებით სტატუსის ამაღლების შესაძლებლობაში?
აღნიშნულ კითხვას მასწავლებლის პროფესიული განვითარების ეროვნულ ცენტრში უპასუხეს.
მათი განმარტებით, მხოლოდ იმ მასწავლებელს ექნება განმეორებით გამოცდაზე გასვლის შესაძლებლობა, რომელიც 2019 წლის ზაფხულში დარეგისტრირდება საგნობრივ და პროფესიული უნარების გამოცდებზე და ვერ დაძლევს მინიმალურ საგნობივ და პროფესიულ კომპეტენციას, ან მოისურვებს 2019 წლის ზაფხულში მიღებული შედეგების გაუმჯობესებას.
მიმდინარე წლის შემოდგომაზე სისტემას ეყოლება 33 000 პედაგოგი, რომელთაც სტატუსი აიმაღლეს, - აღნიშნულის შესახებ ინფორმაციას განათლების სამინისტრო ავრცელებს.
უწყების ცნობით, 2019 წლის ოქტომბრის დასაწყისში ყველა პედაგოგს, რომელსაც აქვს სტატუსი და მინიმუმ 15 საგაკვეთილო საათი, ანაზღაურება გაეზრდება 150 ლარით!
„კერძოდ:
- უფროსი მასწავლებლებლები მიიღებენ 1011 ლარს;
- წამყვანი მასწავლებლები - 1435 ლარს;
- მენტორი მასწავლებლები - 1745 ლარს;
- ხოლო მეტი საგაკვეთილო საათის შემთხვევაში, კიდევ მეტს!
პედაგოგებს, რომლებსაც 15 საგაკვეთილო საათზე ნაკლები ექნებათ, საშუალოდ 100 ლარით გაეზრდებათ ანაზღაურება. მიმდინარე წლის შემოდგომაზე სისტემას ეყოლება 33 000 პედაგოგი, რომელთაც სტატუსი აიმაღლეს. აღნიშნულთან დაკავშირებით, პროცესშია შესაბამისი საბიუჯეტო ცვლილებები,“ - აღნიშნულია განათლების სამინიტროს მიერ გავრცელებულ ინფორმაციაში.
წაიკითხეთ სრულად
