„თაფლი ჩემი უსაყვარლესი პროდუქტია და სამყაროს ჩვენთვის ამაზე სასარგებლო არაფერი უჩუქებია. თაფლის ფალსიფიკაცია ხშირად ხდება. ეს ხალხური მეთოდებია, მე არ მომიგონია, თუ როგორ ასხვავებენ ნატურალურ და ფალსიფიცირებულ თაფლს.“
მარიამ ჩაჩუას თქმით, მნიშვნელოვანია, თუ როგორი ფერი აქვს თაფლს:
„პირველ რიგში, ეს არის ფერი. უნდა ვიცოდეთ, რომ როგორც კი აცივდება, ჩაშაქრება იწყება ხოლმე თაფლის, ამიტომ შესაძლოა, რომ ის დაბურული იყოს. ეს არ არის პრობლემა, პირიქით. ზამთარში თუ ძალიან გამჭვირვალე თაფლს შემოგთავაზებენ, შეიძლება დაფიქრება, რატომ არის ის ძალიან გამჭვირვალე. ფალსიფიცირებულ თაფლს თუ დავაკვირდებით, ამღვრეულია ხოლმე, შეიძლება ნარჩენებიც კი ვნახოთ. ნატურალური თაფლი არ უნდა იყოს ამღვრეული და ნარჩენებს არ უნდა ვხედავდეთ შიგნით.“
„ნატურალური თაფლის ჩამოსხმისას ძაფი არ წყდება. თაფლის წვეთი რომ ავიღოთ და მაჯაზე მოვითავსოთ, მან არ უნდა დაკარგოს ფორმა. ის უნდა დარჩეს წვეთად, მჭიდროდ და არ უნდა გაიშალოს. თაფლს არ უნდა ჰქონდეს სხვა არომატი. თაფლი აუცილებლად ისეთი ტკბილი უნდა იყოს, რომ ცოტა ყელსაც გვწვავდეს. თუ შაქრიანი წყლის გემოს ვიგრძნობთ, „არაუშავს“ - არ ვთქვათ, იმიტომ, რომ ეს ფალსიფიცირებული თაფლია,“ - აღნიშნულ საკითხზე მარიამ ჩაჩუამ ტელეკომპანია „რუსთავი 2“-ის გადაცემაში „დილა მშვიდობისა საქართველო“ ისაუბრა.
წყარო: „დილა მშვიდობისა საქართველო“
არ დაგავიწყდეთ !!!
Momsedu.ge
-მ თქვენთვის, ქალებისთვის შექმნა ახალი სივრცე, სადაც ყველაზე მცოდნე დედები იყრიან თავს. ჯგუფის დასახელებაც სწორედ ასეა - „მცოდნე დედების ჯგუფი“, რომლის საშუალებით დედები ერთმანეთს საკუთარ გამოცდილებას გაუზიარებენ. (ჯგუფში გასაწევრიანებლად ნახეთ ბმული - „მცოდნე დედების ჯგუფი“)
