Baby Bag

„იმისთვის, რომ ბავშვი სწორად ამეტყველდეს, მას თავად უნდა ესმოდეს სწორი და გამართული მეტყველება,“ - ეკა ჭავჭავაძე

„იმისთვის, რომ ბავშვი სწორად ამეტყველდეს, მას თავად უნდა ესმოდეს სწორი და გამართული მეტყველება,“ - ეკა ჭავჭავაძე

მეტყველების თერაპევტმა ეკა ჭავჭავაძემ ბავშვებში მეტყველების შეფერხების გამომწვევ უმთავრეს მიზეზებზე ისაუბრა და ერთ-ერთ მიზეზად მშობლებთან კომუნიკაციის დეფიციტი დაასახელა:

„იყო პერიოდი, როდესაც ​ყველაზე მეტ დროს ბავშვთან ატარებდნენ მისი მშობლები, განსაკუთრებით დედა. ბავშვების უმრავლესობა, რომელთაც ფსიქო-ემოიცური წრის გარკვეული დარღვევები აქვთ, დროის ძირითად ნაწილს ატარებენ ძიძებთან, ნათესავებთან და არა მშობლებთან. ფსიქო-ემოციური წრის დარღვევებზე გავლენას ახდენს კომპიუტერი, ტელევიზია, მრავალენოვან არხებზე ხელმისაწვდომობა.“

ეკა ჭავჭავაძის თქმით, ბავშვის სწორად ამეტყველებისთვის აუცილებელია, რომ მას თავას ესმოდეს გამართული და სწორი მეტყველება:

​იმისთვის, რომ ბავშვი სწორად ამეტყველდეს, მას თავად უნდა ესმოდეს ნორმალური, სწორი და გამართული მეტყველება. დღეს არის სიტყვიერი კომუნიკაციის გლობალური დეფიციტი. როგორც ბავშვები, ასევე დიდები აღარ ურთიერთობენ ერთმანეთთან. ბავშვებში დაგვიანებული მეტყველების უპირველესი მიზეზი არის ის, რომ მასთან არ ხდება ნორმალური კომუნიკაცია და ის ურთიერთობის დეფიციტს განიცდის.“

„რა თქმა უნდა, ძალიან დაღლილები ვართ და შვებაა, როდესაც ბავშვი თავისთვის ერთობა, მაგრამ​ ეს შემდგომში ნეგატიურ შედეგებს იძლევა და ამიტომ სჯობს, რომ ცოტათი მაინც მოვიცალოთ მათთვის. შევარჩიოთ ძიძა, რომელიც არ შემოიფარგლება მხოლოდ ბავშვის მოვლა-პატრონობით და კვებით, არამედ შეეცდება, რომ რამდენადმე მაინც ჩაუნაცვლოს ბავშვს დედაც, მამაც. უფრო აქტიური ძიძები რომ შევარჩიოთ ამ კუთხით, კარგია,“ - აღნიშნულ საკითხებზე ეკა ჭავჭავაძემ საზოგადოებრივი რადიოს ეთერში ისაუბრა.

წყარო​: საზოგადოებრივი რადიო

არ დაგავიწყდეთ !!!

Momsedu.ge-მ თქვენთვის, ქალებისთვის შექმნა ახალი სივრცე, სადაც ყველაზე მცოდნე დედები იყრიან თავს. ჯგუფის დასახელებაც სწორედ ასეა - „მცოდნე დედების ჯგუფი“, რომლის საშუალებით დედები ერთმანეთს საკუთარ გამოცდილებას გაუზიარებენ. (ჯგუფში გასაწევრიანებლად ნახეთ ბმული - „მცოდნე დედების ჯგუფი“)

„ნუ გიხარიათ, როდესაც თქვენი სამი წლის ბავშვი უცხო ენაზე საუბრობს,“ - ფსიქოლოგი ნინო ახალა...
​ფსიქოლოგმა ნინო ახალაიამ ბავშვებში ადრეულ ასაკში უცხო ენის სწავლის შესახებ ისაუბრა. მან მშობლებს ურჩია, რომ სიხარულით არ შეხვდნენ სამი წლის ბავშვის მიერ უცხო ენის ათვისების ფაქტს:„​ნუ გიხარიათ, როდეს...

შეიძლება დაინტერესდეთ

„დღესასწაულების შემდეგ განტვირთვის დღეებისკენ არავითარ შემთხვევაში არ მოვუწოდებ, ეს არის ორგანიზმის დასჯა,“ - ენდოკრინოლოგ-ნუტრიციუოლოგი ნაია ლატარია

„დღესასწაულების შემდეგ განტვირთვის დღეებისკენ არავითარ შემთხვევაში არ მოვუწოდებ, ეს არის ორგანიზმის დასჯა,“ - ენდოკრინოლოგ-ნუტრიციუოლოგი ნაია ლატარია

ენდოკრინოლოგ-ნუტრიციოლოგმა ნაია ლატარიამ დღესასწაულების შემდეგ დეტოქსის მიზანშეუწონლობის შესახებ ისაუბრა:

„დღესასწაულების შემდეგ დეტოქსისკენ არავითარ შემთხვევაში არ მოვუწოდებ. პირველ რიგში, ეს არის ორგანიზმის თავის დასჯა, რაც არავითარ შემთხვევაში არ არის გამართლებული. ეს არ უნდა გავაკეთოთ. ჩვენ შეგვიძლია მოვაწყოთ განტვირთვის დღეები, მაგრამ ეს არ უნდა იყოს დღესასწაულების შემდგომ, იმიტომ, რომ ეს ორგანიზმის მიერ აღიქმება, როგორც დასჯა. 2-3 დღე, თუნდაც ერთი კვირა, ჩვენ ორგანიზმს ვაძლევთ ძალიან ბევრს და მერე ერთბაშად ყველაფერს ვუწყვეტთ. ეს არ არის სასურველი.

ძალიან მნიშვნელოვანია კვებაში ძალიან ბევრი ცოცხალი ბოსტნეული ჩავრთოთ ყველა კვებაზე: დილით ომლეტთან ერთად ბოსტნეული, შუადღეს სალათის სახით, საღამოს ბოსტნეულის რაგუს სახით. ძალიან მოდაშია: იკვებე ცისარტყელა. რაც უფრო ფერადი და ხასხასა იქნება თეფში, მით უკეთესი. ეს საშუალებას მოგვცემს, რომ ორგანიზმი ბოჭკოთი დაიტვირთოს, ნაწლავების მუშაობაზე ახდენს დადებით გავლენას და დაგვეხმარება იმ სტრესული პერიოდის გამოვლაში, რაც დღესასწაულების პერიოდში გვქონდა,“ - მოცემულ საკითხზე ნაია ლატარიამ ტელეკომპანია „რუსთავი 2“-ის გადაცემაში „დილა მშვიდობისა საქართველო“ ისაუბრა.

წყარო:​ „დილა მშვიდობისა საქართველო“

წაიკითხეთ სრულად