Baby Bag

„ადამიანები რომ დავყოთ ასე აცრილებად და აუცრელებად, ეს ყოვლად მიუღებელია,“ - დეკანოზი შალვა კეკელია

„ადამიანები რომ დავყოთ ასე აცრილებად და აუცრელებად, ეს ყოვლად მიუღებელია,“ - დეკანოზი შალვა კეკელია

დეკანოზმა შალვა კეკელიამ ვაქცინაციის მომხრეებსა და მოწინააღმდეგეებს შორის განხეთქილებაზე ისაუბრა და აღნიშნა, რომ ადამიანებმა ერთმანეთს დამოუკიდებელი არჩევანის გაკეთების საშუალება უნდა მისცენ:

„ერთმანეთს ძალიან გაუფრთხილდით. ასე საუბარი არ შეიძლება! ასეთი დამოკიდებულება არ შეიძლება! ​ვინც აიცრა, მადლობა ღმერთს, თუ ადამიანმა გადაწყვიტა, რომ ამით საკუთარ თავს უშველოს და სხვაც გადაარჩინოს. ნუ ლანძღავ იმ ადამიანს, ვინც არ იცრება. ვკითხულობდი, რომ ვინც არ აიცრება, სახლში გამოკეტეთ. მახსენდება აღდგომის პერიოდი, როდესაც ადამიანებს, რომლებიც ტაძარში მოდიოდნენ, მკვლელებს ეძახდნენ. ასე ადამიანებს მოექცე, ასე ადამიანებს ესაუბრო, ასე გათელო ადამიანი?!“

დეკანოზის თქმით, ადამიანებს აქვთ როგორც აცრის გაკეთების, ასევე საპირისპირო გადაწყვეტილების მიღების უფლება:

„ადამიანებს გვაქვს კითხვები. ამ კითხვებზე არ გვაქვს პასუხი. ჩემი ბევრი მეგობარი სასულიერო პირი აიცრა. ჩათვალეს, რომ უნდა აცრილიყვნენ და მათ ამის სრული უფლება აქვთ. ჩემი სულიერი შვილები, ​ჩემი უახლოესი ადამიანები, ვინც ძალიან მიყვარს, აცრილები არიან. მათ აქვთ ამის უფლება. ადამიანები რომ დავყოთ ასე აცრილებად და აუცრელებად, ყოვლად მიუღებელია. ძალიან გთხოვთ, ყველამ თავი შეიკავეთ ერთმანეთის ლანძღვისგან. არ ღირს ეს ყველაფერი ამად.“

„ერთმანეთს პატივი ეცით, ერთმანეთის სიყვარულით იცხოვრეთ. რადგან შენ აცრა გაიკეთე, ასე დასცინო და აბუჩად აიგდო ადამიანები, მიუღებელია. ეს არის ძალიან დაბალი დონე ადამიანისა, მდაბიოობა ადამიანისა. რადგან შენ ეს გააკეთე, სხვას თვლი უგუნურ ადამიანად, ეს ასე არ არის. საფრანგეთის მოსახლეობის უმეტესობა გამოდის და საყოველთაო აცრას აპროტესტებს. ძალიან ბევრი მაღალი დონის ექიმი თვლის, რომ არ უნდა აიცრას. ძალიან ბევრი მაღალი დონის ექიმი თვლის, რომ უნდა აიცრას. ყველამ პირადად უნდა გადავწყვიტოთ, რას ვაპირებთ. ​ერთმანეთზე ნუ ვიძალადებთ ფსიქოლოგიურად. ყველა ადამიანს დაუტოვეთ უფლება, რომ თვითონ გადაწყვიტოს ეს ყველაფერი. ის, რომ ვიღაც აცრას არ ენდობა, არ ნიშნავს, რომ ეწინააღმდეგება მედიცინას. ადამიანებს გვინდა სწორი ინფორმაცია,“ - აღნიშნა დეკანოზმა შალვა კეკელიამ.

​წყარო

არ დაგავიწყდეთ !!!

Momsedu.ge-მ თქვენთვის, ქალებისთვის შექმნა ახალი სივრცე, სადაც ყველაზე მცოდნე დედები იყრიან თავს. ჯგუფის დასახელებაც სწორედ ასეა - „მცოდნე დედების ჯგუფი“, რომლის საშუალებით დედები ერთმანეთს საკუთარ გამოცდილებას გაუზიარებენ. (ჯგუფში გასაწევრიანებლად ნახეთ ბმული - „მცოდნე დედების ჯგუფი“)

„არაცრა აზიანებს მხოლოდ მას, ვინც არ იცრის, სხვას - არაფრით. აცრილი ადამიანი ზუსტად ისეთივ...
„არაცრა აზიანებს მხოლოდ მას, ვინც არ იცრის, სხვას - არაფრით. აცრილი ადამიანი ზუსტად ისეთივე ვირუსგადამტანია, როგორც არაცრილი, აცრილი უბრალოდ მსუბუქად გადაიტანს ვირუსს. ასე რომ, აცრით ვირუსის გადაცემა...

შეიძლება დაინტერესდეთ

რა შეიძლება იყოს ბავშვის ჩაკეტილობის მიზეზი და რა პრობლემები შეიძლება გამოიწვიოს ამ მდგომარეობამ?

რა შეიძლება იყოს ბავშვის ჩაკეტილობის მიზეზი და რა პრობლემები შეიძლება გამოიწვიოს ამ მდგომარეობამ?

რა შეიძლება იყოს ბავშვის ჩაკეტილობის მიზეზი და რა პრობლემები შეიძლება გამოიწვიოს ამ მდგომარეობამ? - ამ საკითხებზე MomsEdu.ge-ს ესაუბრა კლინიკური ფსიქოლოგი, ფსიქოთერაპევტი ნანა ფაცაცია.

- როდესაც ბავშვი ჩაკეტილია და არ აზიარებს ემოციებს, რა შეიძლება იყოს ამის მიზეზი?

- მიზეზი თუ რატომ არის ბავშვი ან მოზარდი ჩაკეტილი, შესაძლოა გამოწვეული იყოს სხვადასხვა ფაქტორებით, მათ შორის: გადატანილი ტრავმა, ძლიერი შიში, ძალადობა, სტრესი, ასაკობრივი თავისებურებები, გარდატეხის-ბუპერტატის პერიოდი, ფსიქიკურ ჯანმრთელობასთან დაკავშირებული სირთლეები და.ა.შ. ძალიან მნიშვნელოვანია მშობლების დროული ყურადღება ამ ფაქტორებზე და ფსიქიკური ჯანმრთელობის სპეციალისტთან კონსულტაციის გავლა

- სად გადის ზღვარი მორცხვობასა და ჩაკეტილობას შორის? როგორ უნდა მივხვდეთ რომ ბავშვი ჩაკეტილია?

- სიმორცხვე საკმაოდ გავრცელებული მოვლენაა, როგორც ბავშვებში, ასევე ზრდასრულებში. ის განპირობებულია სოციალური ფაქტორით, ვინაიდან თავს იჩენს იქ, სადაც ორი ან მეტი ადამიანი იწყებს ურთიერთობას. ასეთ დროს, სირთულე ექმნება ინტერპერსონალურ ურთიერთობებს.

სიმორცხვე არის ადამიანის შინაგანი მდგომარეობა, დიდი ყურადღება ეთმობა იმას, თუ რას ფიქრობენ გარშემომყოფები მასზე, ადამიანი ხდება ზედმეტად მგრძნობიარე იმის მიმართ თუ როგორ და რა შეფასებით მიიღებენ მას გარშემომყოფები.

სიმორცხვის დამახასიათებელი ნიშნებია: არაადეკვატურად დაბალი თვითშეფასება, შებოჭილობა, დაბალი ხმის ტემბრით საუბარი, ჩაკეტილობა, საუბრის დაწყების შიში, მოუხერხებლობა, თვალით კონტაქტის დამყარების სიმრთულე და .ა.შ. თამაშის დროს ბავშვები ირჩევენ მეორეხარისხოვან როლს, რათა ნაკლებად შესამჩნევები იყვნენ, არ გამოირჩევიან ინიციატივით, არ უყვართ აუდიტორიის წინაშე გამოსვლა. სიმორცხვის დროს, ადამიანები მწვავედ აღიქვამენ საკუთარ ნაკლს და ყურადღების მიღმა რჩებათ თავიანთი დადებით თვისებები და ძლიერი მხარეები. ასევე, სიმორცხვეს ახასიათებს სომატური გამოვლინებები, სახეზე სიწითლე, ხმის კანკალი, სუნთქვის აჩქარება, რის გამოც უფრო მეტად განიცდიან საკუთარ ვიზუალურ მდგომარეობას.

ბავშვები ადრეულ ასაკში ხშირად განიცდიან სიმორცხვეს, 13 წლის ასაკში კი ეს მდგომარეობა პიკს აღწევს. როგორც წესი, დროთა განმავლობაში ასაკის მატებასთან ერთად და უფროსების სწორი დამოკიდებულების შემთხვევაში, ბავშვი ახერხებს სიმორცხვის დაძლევას. მნიშვნელოვანია მშობლების და სააღმზრდელო დაწესებულებების თანამშრომლების მიერ აქცენტის გაკეთება მათ ძლიერ მხარეებზე, მნიშვნელოვანია, რომ არ უნდა მოხდეს ბავშვისთვის „მორცხვის“ იარლიყის მიკერება, აუცილებელია ზრუნვა მოზარდის თვითშეფასების ამაღლებაზე, რათა განუმტკიცდეს საკუთარი ძალების რწმენა - „შენ შეძლებ და გამოგივა“, „აქ არაფერია საშიში“, „ კარგად ხარ მომზადებული,“ და.ა.შ.

თუ ბავშვის ან მოზარდის ქცევა უეცრად იცვლება და ის ხდება ჩაკეტილი, არ აქვს სურვილი თანატოლებთან ურთიერთობის, საკუთარი ემოციის გაზიარების, არის ოთახში ჩაკეტილი და არ კონტაქტობს ისე, როგორ ადრე, მნიშვნელოვანია მშობლების მხრიდან ყურადღება, ვინაიდან არ მოხდეს უგულებელყოფა ძალადობის ან ბულინგის ფაქტების, ასევე, ასაკობრივი თავისებურებებით გამოწვეული ცვლილებების, მნიშვნელოვანია დროული რეაგირება და ფსიქიკური ჯანმრთელობის სპეციალისტის ჩართულობა, რათა დროულად მოხდეს პრობლემის იდენტიფიცირება და შესაბამისი ინტერვენციის განხორციელება.

- რა პრობლემები შეიძლება გამოიწვიოს ამ მდგომარეობამ?

- სიმორცხვემ შესაძლოა გამოიწვიოს ფსიქიკურ ჯანმრთელობასთან დაკავშირებული სხვადასხვა პრობლემა, სირთულეები ინტერპერსონალურ ურთიერთობებში, სოციალური შფოთა, დეპრესია, რაც შემდგომში აისახება წარმატების და თვითრეალიზების სიძნელეებთან, ჩაკეტილობა და ა.შ.

- როგორ უნდა მოიქცეს მშობელი და რა დროს არის საჭირო ფსიქოლოგის დახმარება?

- ნებისმიერ დროს, როცა ბავშვის ან მოზარდის ქცევა უეცრად იცვლება, ხდება უცნაური ან შეუსაბამო, აუცილებელია მშობელმა გაიაროს კონსულტაცია სპეციალისტთან პრობლემის დროული იდენტიფიკაციისთვის და სირთლეების თავიდან არიდებისთვის.

ესაუბრა მარიამ ჩოქური

წაიკითხეთ სრულად