Baby Bag

„ეს არის ჩვენი ვაი-პედაგოგიკა. სანამ ეს არ დამთავრდება საქართველოში, გაიზრდებიან მოძალადე ბავშვები,“- თამარ გაგოშიძე

„ეს არის ჩვენი ვაი-პედაგოგიკა. სანამ ეს არ დამთავრდება საქართველოში, გაიზრდებიან მოძალადე ბავშვები,“- თამარ გაგოშიძე

ნეიროფსიქოლოგმა თამარ გაგოშიძემ ბავშვებში ბულინგისა და ჩაგვრის პრობლემაზე ისაუბრა. მან აღნიშნა, რომ პრობლემას სკოლა და ოჯახი ერთად უნდა დაუპირისპირდეს:

„მასწავლებელს, რომელსაც ცხოვრება არ უხარია, აქვს შეხება ბავშვთან და ეს გავლენას ახდენს ბავშვზე. არც იმას აღარ უხარია ცხოვრება. ძალიან შორიდან უნდა დავიწყოთ. ჩვენ არ გვაქვს ერთი მიზეზი. ჩაგვრა კომპლექსური რამ არის. როდესაც ჩაგვრის ფაქტი მოხდება, ​მშობელი უნდა გაერკვეს, რა ხდება. მშობელს უნდა ჰქონდეს მჭიდრო კონტაქტი მასწავლებელთან. ეს მჭიდრო კონტაქტი არ ნიშნავს დაპირისპირებას. სამწუხაროდ, ჩვენ თანამშრომლობა არ ვიცით, არ ვიცით ფაქტებზე დაფუძნებული ურთიერთობა. წინასწარ უკვე განწყობილი მიდიხარ საჩხუბრად, არ გაინტერესებს იქ რა ხდება. ბავშვისთვის შეთავაზება, რომ შენ თვითონ გაარკვიე და შენს თავს თვითონ მიხედე, არ გამოდის, სამწუხაროდ.“

თამარ გაგოშიძის თქმით, საქართველოში პედაგოგიკა არ არსებობს, რაც სავალალო შედეგების მომტანია:

​პედაგოგიკა ამოღებულია ჩვენს ქვეყანაში. არავინ არ იცის, როგორ გაზარდოს ბავშვი. არც მასწავლებელმა არ იცის პედაგოგიკა, ძალიან ვწუხვარ. პედაგოგიკა არ არის ძალადობა ბავშვზე, არც ჩხუბია, არ ყვირილია. პედაგოგიკა არის დადებითი მაგალითები ბავშვისთვის. ჩვენ რას ვასწავლით ოჯახსა და სკოლაში ბავშვს?! ის უნდა იყოს პირველი, უნდა გადაუაროს ყველას, უნდა გახდეს მინისტრი, მდიდარი, გავლენიანი, უნდა ჰყავდეს გავლენიანი მეგობრები. რას გრძნობს ეს ბავშვი? ჩვენ ეს არ ვიცით.“

„მშობლები შვილებს ყოველ წუთში სურვილს არ უნდა უსრულებდნენ. ეს გრძელდება გარდატეხის ასაკის ჩათვლით. საქართველოში მშობელი თვლის, რომ ბავშვი არ უნდა გაანერვიულოს, ბავშვმა არ უნდა იდარდოს. იგულისხმება, რომ მოთხოვნილების დაკმაყოფილების გამო არ უნდა იდარდოს. მშობლები ყველაფერს უსრულებენ შვილს. რატომ არ გვაქვს პედაგოგიკა? მე ყველაფერს ვუსრულებ ჩემს შვილს, რადგან მეშინია, რომ არ დაიჩაგროს. ბავშვმა მითხრა, კანფეტი მიყიდე, მეც მაშინვე უნდა ვუყიდო. ​ბავშვის ტვინი ჩარჩოს დადებას არ სწავლობს. ბავშვი ნებელობას სწავლობს აღზრდის შედეგად. მე, მშობელი კი ვუსრულებ ყველა მოთხოვნილებას ბავშვს, ვცდილობ, ცივი ნიავი არ მივაკარო, მაგრამ ცხოვრების, ეგზისტენციის უფლებას არ ვაძლევ დამოუკიდებლად. ის არის ჩემი მონა და ამავე დროს თავისი მოთხოვნილებების მონა. მე ყველა მოთხოვნილებას ვუსრულებ, მაგრამ იმ წესით უნდა იცხოვროს, რომელიც მე მინდა. ეს არის ჩვენი ვაი-პედაგოგიკა. სანამ ეს არ დამთავრდება საქართველოში, გაიზრდებიან მოძალადე ბავშვები,“ - აღნიშნულ საკითხებზე თამარ გაგოშიძემ რადიო „ფორტუნას“ ეთერში ისაუბრა.

წყარო:​ რადიო „ფორტუნა“

არ დაგავიწყდეთ !!!

Momsedu.ge-მ თქვენთვის, ქალებისთვის შექმნა ახალი სივრცე, სადაც ყველაზე მცოდნე დედები იყრიან თავს. ჯგუფის დასახელებაც სწორედ ასეა - „მცოდნე დედების ჯგუფი“, რომლის საშუალებით დედები ერთმანეთს საკუთარ გამოცდილებას გაუზიარებენ. (ჯგუფში გასაწევრიანებლად ნახეთ ბმული - „მცოდნე დედების ჯგუფი“)

„ბავშვების ცხოვრებაში მარტო სწავლა არ არის, სწავლა ცხოვრების ერთი პატარა ნაწილია, ბავშვს მ...
​პედაგოგი შალვა ამონაშვილი „იმედის დღეში“ თანამედროვე ბავშვებთან მოძველებული პედაგოგიური მიდგომების გამოყენების არაეფექტიანობაზე საუბრობს და აცხადებს, რომ ავტორიტარული პედაგოგიკა თანამედროვე მოსწავლეე...

შეიძლება დაინტერესდეთ

5 მიზეზი, თუ რატომ უნდა მივირთვათ საუზმეზე შვრიის ფაფა - ექიმების რეკომენდაციები

5 მიზეზი, თუ რატომ უნდა მივირთვათ საუზმეზე შვრიის ფაფა - ექიმების რეკომენდაციები

ტელეკომპანია „რუსთავი 2“-ის გადაცემა „ექიმების“ წამყვანებმა შვრიის სასარგებლო თვისებებზე ისაუბრეს და განმარტეს, რატომ არის სასურველი საუზმეზე შვრიის ფაფის მიღება:

„შვრიის ფაფა ნუტრიციოლოგების ფავორიტი დილის პროდუქტია. ჩვენ გეტყვით 5 მიზეზს, თუ რატომ უნდა მიირთვათ შვრია. პირველი მიზეზი არის გარეგნობა და სილამაზე. ვის არ უნდა კარგი კანი ჰქონდეს და ლამაზად გამოიყურებოდეს?! ამ იდეალური საკვები პროდუქტის გამოყენება შეიძლება კანის ისეთი დაავადებების საპრევენციოდ, როგორებიცაა ეგზემა, დერმატიტი. შვრიაში შედის ანტიოქსიდანტები, ბიოლოგიურად აქტიური ნივთიერებები, რომლებიც კანს ელასტიურობას მატებს. მეორე მიზეზი არის, რომ ის აძლიერებს კუნთოვან მასას. სხეულისა და კუნთების სიძლიერისთვის ჯანსაღი ნახშირწყლების გარკვეული დოზით მიღება აუცილებელია. დილით შვრიის ფაფის მირთმევა ამ ყველაფრით მოამარაგებს ჩვენს ორგანიზმს.

მას, ვინც დილას იწყებს შვრიის ფაფით, გულის შეტევების რისკი მნიშვნელოვნად აქვს შემცირებული. ეს სისხლის მიმოქცევის გაუმჯობესებით არის გამოწვეული. მეოთხე მიზეზი არის საჭმლის მომნელებელ სისტემაზე ზემოქმედება. ერთი ულუფა შვრიის ფაფა ბოჭკოების დღიური ნორმის ერთ მეხუთედს შეადგენს. თუ გაწუხებთ კუჭ-ნაწლავის პრობლემები, დილით შვრიის ფაფა შეუცვლელია.

მეხუთე მიზეზი გახლავთ ის, რომ შვრიის ფაფა იწვევს წონაში კლებას. ის გვეხმარება ადვილად დანაყრებაში. ადვილად დანაყრება განპირობებულია იმით, რომ მოცულობა ნაკლებ კალორაჟს გვაძლევს, მას შეუძლია აფუება და შაქრის დონის დაბალანსება. შვრია იწვევს მეტაბოლიზმის გაძლიერებას და დეზინტოქსიკაციას.“

წყარო:​ „ექიმები“

წაიკითხეთ სრულად