Baby Bag

„მომზადებული კერძი ორ საათზე მეტხანს არ უნდა დაყოვნდეს ოთახის ტემპერატურაზე,“ - მიხეილ ბეღელაძე

„მომზადებული კერძი ორ საათზე მეტხანს არ უნდა დაყოვნდეს ოთახის ტემპერატურაზე,“ - მიხეილ ბეღელაძე

სურსათის უვნებლობის ექსპერტმა მიხეილ ბეღელაძემ მაცივარში პროდუქტების შენახვის წესების შესახებ ისაუბრა და აღნიშნა, რომ მათი დაცვა აუცილებელია:

„მაცივარში პროდუქტის შენახვას თავისი წესები აქვს. მაცივრის ზონები შემდეგნაირად იყოფა: 0-6 გრადუსი არის ძირითადი ნაწილი, საყინულეში ტემპერატურა -12 გრადუსიდან -18 გრადუსამდეა.​ საყინულეში იდეალური ტემპერატურა მაინც -18 გრადუსია. გასათვალისწინებელია, რომ მაცივარში დავიცვათ აერაცია, ტენიანობა. პროდუქტებს როდესაც ვაწყობთ მაცივარში, ჰაერის ცირკულაცია უნდა მოხდეს. არ უნდა იყოს გადავსებული მაცივარი. მაცივარში ყველაზე ცივი ადგილი არის ქვედა ნაწილი. ხორცი, თევზი და სხვა მალფუჭებადი პროდუქტები უნდა დავაწყოთ მაცივრის ქვედა, ყველაზე ცივ ნაწილში.“

მიხეილ ბეღელაძემ ის პროდუქტები დაასახელა, რომელთა შენახვა მაცივრის კარში რეკომენდებული არ არის:

„მაცივრის კარი არის ერთ-ერთი ყველაზე ხშირად გაღებადი ნაწილი. ის ყველაზე ნაკლებად ინარჩუნებს სიგრილეს. არ შეიძლება იქ განვათავსოთ მალფუჭებადი პროდუქტები. ტყემალი, საწებელი და მსგავსი პროდუქტები შეგვიძლია აქ მოვათავსოთ. თუ პასტერიზებული არ არის რძე, არავითარ შემთხვევაში არ შეიძლება ის მოვათავსოთ მაცივრის კარში. არ არის რეკომენდებული კვერცხის მოთავსება მაცივრის კარში. კვერცხი უნდა გაირეცხოს და მოთავსდეს მაცივრის ქვედა ზონაში. ის უნდა იყოს თავის დახურულ კონტეინერში და არ უნდა ჰქონდეს კვეთა სხვა პროდუქტებთან.“

„მაცივარში უნდა დავიცვათ პროდუქტების ერთგვაროვნების პრინციპი. ხორცპროდუქტები, ​რძის პროდუქტები, ბოსტნეული, მზა პროდუქტები, კვერცხი, თევზი, ქათამი ერთმანეთთან შეხებაში არ უნდა იყოს არავითარ შემთხვევაში. იდეალურია, თუ ეს პროდუქტები გვექნება კონტეინერებში, ცალ-ცალკე გამოყოფილი. პროდუქტები ღია მდგომარეობაში არავითარ შემთხვევაში არ უნდა იყოს. მომზადებული კერძის შედგმა მაცივარში შეიძლება, მაგრამ მაცივარი ვერ უძლებს უბრალოდ. მომზადებული კერძის შუაგულში დაახლოებით 60 გრადუსია, 60-65 გრადუსიდან 10 გრადუსზე უნდა ჩამოვიდეს ტემპერატურა 2 საათის განმავლობაში, ეს არის სწორი გაგრილება. შემდეგ შეგვიძლია მაცივარში გადავიტანოთ. ზოგადად მომზადებული კერძი ორ საათზე მეტხანს არ უნდა დაყოვნდეს ოთახის ტემპერატურაზე.“ - აღნიშნულ საკითხზე მიხეილ ბეღელაძემ ტელეკომპანია „ფორმულას“ გადაცემაში „დილა ფორმულაზე“ ისაუბრა.

წყარო: ​„დილა ფორმულაზე“

არ დაგავიწყდეთ !!!

Momsedu.ge-მ თქვენთვის შექმნა ახალი სივრცე. გაწევრიანდით ჯგუფში ჯანმრთელობა

დაჭრილი ყველის გაყინვა 3-4 თვე შეიძლება, რძის - 3 თვე - რომელი პროდუქტი რამდენ ხანს ინარჩუ...
​ექიმი ზაზა თელია სოციალურ ქსელში აქვეყნებს ცხრილს, სადაც მოცემულია, რომელი პროდუქტი რამდენი ხნით შეიძლება გაიყინოს. გთავაზობთ მის პოსტს:„საყინულეში მჭიდროდ შეფუთულ მდგომარეობაში ან დალუქულ კონტე...

შეიძლება დაინტერესდეთ

„სადღაც სამ კვირაში მე დავინახე ძალიან დიდი შედეგი,“ - ნუკი კოშკელიშვილის რჩევები მეტყველების შეფერხების მქონე ბავშვების მშობლებს

„სადღაც სამ კვირაში მე დავინახე ძალიან დიდი შედეგი,“ - ნუკი კოშკელიშვილის რჩევები მეტყველების შეფერხების მქონე ბავშვების მშობლებს

​​ნუკი კოშკელიშვილმა მშობლებს ის მიდგომები, მეთოდები და თამაშები გააცნო, რომელთაც შვილის მეტყველების განვითარებისთვის აქტიურად და წარმატებით იყენებს:

„თამაში არის ყველაზე მნიშვნელოვანი ბავშვებში. მათ უნდა განავითარონ ფანტაზია. არიან ბავშვები, ვინც არ იცის თამაში. მე თავიდან ბოლომდე ვარ ამაში ჩართული. მე ვთვლი, რომ საგანგაშო არასდროს არაფერი არ არის. სამეცადინო ყოველთვის არის. ბავშვი შეიძლება არ გაჩვენებდეს იმას, რომ რაღაც ისწავლა, მაგრამ რაღაც მომენტში აუცილებლად დაინახავთ, რომ ძალიან ბევრი ისწავლა. ძალიან მნიშვნელოვანია, რომ პირველ რიგში, ყურადღება ვასწავლოთ, რომ დაგიჯდეს. ვთქვათ, 2-3 წლის ბავშვი 15 წუთით რომ დაგიჯდეს და იჯდეს შენთან ერთად, ეს უკვე კარგია. მეორე, რაც ძალიან მნიშვნელოვანია, არის ერთი საქმიანობიდან მეორეზე გადასვლა. ბავშვს არ ამოაწურინოთ ერთი საქმიანობა, თორემ მერე ინტერესი ეკარგება.“

ნუკი კოშკელიშვილის თქმით, მნიშვნელოვანია, რომ ბავშვს ხშირად გაუმეოროთ კონკრეტული სიტყვები:

​აუცილებლად უნდა უთხრათ ბავშვს სიტყვები. ვთქვათ, უნდა, რომ გითხრათ წყალი. თქვენ აუცილებლად უთხარით: წყალი? წყალი, წყალი! ეს იმიტომ, რომ ხედავდეს შენი პირი როგორ მოძრაობს. არ დააბნიოთ ბავშვი. როდესაც ფერებს ასწავლით, ორი ერთნაირი ნივთი უნდა იყოს, მწვანე და ყვითელი, რომ ბავშვი მიხვდეს, განსხვავებული არის ფერი და არა ნივთი. არ არის საჭირო, რომ გქონდეთ ბევრი ფული, რომელსაც მაღაზიაში დახარჯავთ. ამ ყველაფრის გაკეთება თავადაც შეგიძლიათ. შეგიძლიათ იპოვოთ ჩვეულებრივი ფურცლები, გააფერადოთ ყვითლად, ერთნაირ ზომაზე დაჭრათ.“

ნუკი კოშკელიშვილმა აღნიშნა, რომ აუცილებელია ბავშვმა თამაშით განავითაროს მოტორიკა:

„მოტორიკაა აუცილებლად გასავითარებელი. ეს ყველაფერი თამაშ-თამაშში უნდა ხდებოდეს. ჩვენ მთავარია ჩავუყაროთ ბავშვს საფუძველი სკოლაში წასასვლელად. როდესაც მეცადინეობთ ბავშვთან ეს არის წესი: 80 % მარტივი, 20 % რთული, რომ არ გადააჭარბოთ. ბავშვმა უნდა იცოდეს სხეულის ნაწილები: ენა, ტუჩები. ბავშვებმა უნდა ააწყონ რაღაცები. ეს არის ძალიან მნიშვნელოვანი, რომ არამხოლოდ მოტორიკა განუვითარდეს, არამედ ისწავლოს, სად არის თვალი, ცხვირი. თუ გაქვთ რაიმე სათამაშო, მოაძრეთ ცხვირი, აბა სად არის ცხვირი? არ დაგავიწყდეთ, რომ როდესაც ბავშვი რაღაცას სწორად აკეთებს, ის აუცილებლად უნდა დასაჩუქრდეს. ბავშვი უნდა დასაჩუქრდეს ემოციით და არა სათამაშოთი.“

„სადღაც სამ კვირაში მე დავინახე ძალიან დიდი შედეგი. ჩემი შვილი უბრალოდ კიოდა, იმიტომ, რომ ვერ მაგებინებდა. ჩვენ გვქონდა ამობეჭდილი ფოტოები, სადაც იყო აბაზანის ფოტო, პარკის ფოტო, წყლის ფოტო. მე ვეკითხებოდი: რა გინდა? ის იღებდა ფოტოს და მაჩვენებდა. ჩვენ ვიმეცადინეთ. ვაჩვენებდი ფოტოებს: ეს არის მამა, საჭმელი, პიცა. მერე ეს ფოტოები წავართვი. მ​ან უკვე იცის სიტყვის მნიშვნელობა და უწევს, რომ დაგელაპარაკოს,“ - აღნიშნულ საკითხებზე ნუკი კოშკელიშვილმა ტელეკომპანია „იმედის“ გადაცემაში „იმედის დღე“ ისაუბრა.

წყარო: ​„იმედის დღე“

წაიკითხეთ სრულად