Baby Bag

„თუ თქვენ წინაშე ვიღაცამ დანაშაული ჩაიდინა, გაწყენინათ, გული გატკინათ, ყველა შემთხვევაში უნდა მიუტევოთ,“ - შალვა ამონაშვილი

„თუ თქვენ წინაშე ვიღაცამ დანაშაული ჩაიდინა, გაწყენინათ, გული გატკინათ, ყველა შემთხვევაში უნდა მიუტევოთ,“ - შალვა ამონაშვილი

აკადემიკოსმა შალვა ამონაშვილმა მიტევების შესახებ ისაუბრა. მან აღნიშნა, რომ მიტევება ყველა შემთხვევაში უნდა შეგვეძლოს, თუ საქმე კრიმინალს და კანონით დასჯად ქმედებას არ ეხება:

„თქვენ წინაშე ვიღაცამ დანაშაული ჩაიდინა, გაწყენინათ, ​შეურაცხყოფა მოგაყენათ, რის გამოც გული გატკინათ, ყველა შემთხვევაში უნდა მიუტევოთ, თუ, რასაკვირველია, საქმე არ მიდის კრიმინალამდე. თუ მიუტევებთ, ეს თქვენ გჭირდებათ პირადად. ვისაც მიუტევებ, შეიძლება მან ვერც გაიგოს. თქვენ ხომ გინდათ, რომ ბედნიერებას ეწიოთ?! თქვენ მისგან გათავისუფლდით, მიუტევეთ რა, წარსული წავიდა თქვენგან და თქვენ მომავლის გზა გაგეხსნათ.თუ არ მიუტევებდით, ეს გულში დაგრჩებოდათ.“

​შალვა ამონაშვილის თქმით, გულნატკენი ადამიანი კონკრეტულ ვითარებაზე მაღლა უნდა დადგეს და მიუტევოს მას, ვინც გული ატკინა:

„რა მიქნა? როგორ მომაყენა შეურაცხყოფა? როგორ გაბედა? ეს ფიქრი გაგყვებათ შლეიფად და შეგაწუხებთ. გაწყენინათ ვინმემ? გული ძალიან გეტკინათ, მაგრამ ამაღლდით ვითარებაზე მაღლა და იქიდან მიუტევეთ თქვენ. თქვენ რომ მიუტევებთ, თქვენ წინ მიდიხართ. არ მიუტევებთ? თქვენ შეიძლება მასაც კი ჩამორჩეთ, ვინც შეურაცხყოფა მოგაყენათ. ასეთია ფილოსოფია და რეალობა მიტევებისა.“

„სიტყვა „მიტევება“ ტყუილად არ არსებობს ჩვენს მეტყველებაში. უნდა ვიცოდეთ მიტევება, რაც არ უნდა იყოს, იმიტომ, რომ ჩვენ ამით ვმაღლდებით,“- აღნიშნა ​შალვა ამონაშვილმა.

წყარო: ​„ამონაშვილის აკადემია“

არ დაგავიწყდეთ !!!

Momsedu.ge-მ თქვენთვის, ქალებისთვის შექმნა ახალი სივრცე, სადაც ყველაზე მცოდნე დედები იყრიან თავს. ჯგუფის დასახელებაც სწორედ ასეა - „მცოდნე დედების ჯგუფი“, რომლის საშუალებით დედები ერთმანეთს საკუთარ გამოცდილებას გაუზიარებენ. (ჯგუფში გასაწევრიანებლად ნახეთ ბმული - „მცოდნე დედების ჯგუფი“)

-25 კილოგრამი - როგორ მივაღწიოთ სასურველ წონას შიმშილისა და სტრესის გარეშე
ჭარბი წონის მოცილება და სხეულის ლამაზი ფორმები - ალბათ ამაზე ნებისმიერ ჩვენგანს უფიქრია. როგორ მივაღწიოთ სასურველ შედეგს  შიმშილისა და სტრესის გარეშე - ამ საკითხზე ​Moms.ge-ს...

შეიძლება დაინტერესდეთ

გიფიქრიათ თუ არა, რომ უწყინარი ლოყაზე ჩქმეტაც ბავშვისთვის პირადი სივრცის დარღვევას ნიშნავს? - ფსიქოლოგ ქეთი მესხიშვილის რეკომენდაციები მშობლებს

გიფიქრიათ თუ არა, რომ უწყინარი ლოყაზე ჩქმეტაც ბავშვისთვის პირადი სივრცის დარღვევას ნიშნავს? - ფსიქოლოგ ქეთი მესხიშვილის რეკომენდაციები მშობლებს

გიფიქრიათ, რომ უწყინარი ლოყაზე ჩქმეტა, რომ არაფერი ვთქვათ უცხო პირის კალთაში ჩაჯდომაზე, ბავშვისთვის პირადი სივრცის დარღვევას ნიშნავს? რა საფრთხე იმალება ბავშვების მოშიშვლებული ფოტოების მიღმა, რომლებსაც თავად მშობლები თამამად აქვეყნებენ სოციალურ ქსელებში. ამ აქტუალურ თემებზე ფსიქოთერაპიისა და კონსულტაციის სახლის - „დიალოგის“ ფსიქოლოგი ქეთი მესხიშვილი საუბრობს. ნახეთ ​გადაცემა და გაითვალისწინეთ რჩევები, რომლებიც დაგეხმარებათ მშობლებს, დაიცვათ თქვენი შვილი ნებისმიერი სახის ძალადობისაგან.

გადაცემა იხილეთ ბმულზე - ქეთი მესხიშვილის რეკომენდაციები

წაიკითხეთ სრულად