Baby Bag

„ამ სასარგებლო პროდუქტებით ყავის ჩანაცვლება შეგიძლიათ,“ - ოთარ ტატიშვილის რჩევები კოფეინზე დამოკიდებულ ადამიანებს

„ამ სასარგებლო  პროდუქტებით  ყავის ჩანაცვლება შეგიძლიათ,“ - ოთარ ტატიშვილის რჩევები კოფეინზე დამოკიდებულ ადამიანებს

ოთარ ტატიშვილმა ყავის შემცვლელი პროდუქტების შესახებ ისაუბრა და აღნიშნა, რომ კოფეინზე უარის თქმის ბევრი მიზეზი არსებობს. მისი შემცვლელი პროდუქტების მიღება კი გაცილებით სასარგებლოა:

​ბევრი მიზეზი არსებობს იმისთვის, რომ კოფეინზე ადამიანმა უარი თქვას. ბევრს ვერ წარმოუდგენია დილის დაწყება ყავის გარეშე, რაშიც გეთანხმებით, რადგან საიდანღაც ენერგია უნდა მივიღოთ. მე მოგიყვებით ხუთი პროდუქტის შესახებ, რომლებსაც არამხოლოდ ყავის ჩანაცვლება შეუძლია, გაცილებით უფრო სასარგებლოა და უფრო მოგიყვანთ ენერგიაზე. პირველი არის თაფლი. მას ძალიან დაბალი გლიკემიური ინდექსი აქვს. თაფლის მიღების შემთხვევაში, გაიღვიძებთ და შეიძლება ენერგია საღამომდე გეყოთ. მე გირჩევთ დილა დაიწყოთ თაფლით ან თაფლიანი წყლით. შემდეგი პროდუქტი არის ნუში. ის ძალიან მდიდარია მონოუჯერი სასარგებლო ცხიმებით, ასევე B ვიტამინით. უძილო ღამის შემდეგ, როდესაც გჭირდებათ ენერგიაზე მოსვლა, შეგიძლიათ ნუშით წაიხემსოთ. პირობას გაძლევთ, რომ მოხვალთ ენერგიაზე, გონება სხვანაირად დაიწყებს მუშაობას. ნუშის მიერ მონიჭებული ძალა, ენერგია და შემართება მთელი დღის განმავლობაში გაგყვებათ.“

ოთარ ტატიშვილმა ყავის შემვლელ პროდუქტებს შორის ჭარხალი და ფორთოხალიც დაასახელა:

​ჭარხალი, ისევე როგორც სხვა ბოსტნეულები, მდიდარია რკინით. იმისთვის, რომ შევინარჩუნოთ ჰემოგლობინის ნორმალური დონე, ჭარხალი მნიშვნელოვანი პროდუქტია. ჭარხალი შეიცავს C ვიტამინსაც, რაც ძალიან დაგეხმარებათ, რომ არ გაცივდეთ. ძალიან სასარგებლო ციტრუსია ფორთოხალი, რომელიც ჩემპიონია ყველა სხვა პროდუქტში რიბოფლავინის შემცველობით, რაც ძალიან მნიშვნელოვანია ჩვენი ორგანიზმისთვის. ის დიდი რაოდენობით C ვიტამინს შეიცავს, რაც დაგეხმარებათ დილით კარგად გამოღვიძებაში. მე გირჩევთ დილა დაიწყოთ ერთი ჭიქა ფორთოხლის წვენით ან მიირთვით ერთი ფორთოხალი.“

„ბანანი ასევე ძალიან მდიდარი და სასარგებლო ხილია. ბანანი ​დიდი რაოდენობით B ვიტამინს შეიცავს, ასევე უჯრედისს, მაგნიუმს, რაც ძალიან მნიშვნელოვანია ორგანიზმის გამოღვიძებისთვის. C ვიტამინის საკმაოდ მაღალი შემცველობა ბანანშიც არის, რაც ასევე დაგეხმარებათ, რომ არ გაცივდეთ,“ - აღნიშნულ საკითხებზე ოთარ ტატიშვილმა ტელეკომპანია „იმედის“ გადაცემაში „ანატომია“ ისაუბრა.

წყარო: ​„ანატომია“

არ დაგავიწყდეთ !!!

დაემატეთ ჯგუფში საბავშვო რეცეპტები

„დილის საათებში არ არის ცივი წყალი რეკომენდებული, რადგან ამ დროს ორგანიზმის ტემპერატურული...
​ენდოკრინოლოგმა შოთა ჯანჯღავამ დილას ჯანსაღი საუზმის მნიშვნელობასა და იმ ძირითად წესებზე ისაუბრა, რომლებიც ჯანმრთელობის შესანარჩუნებლად დილაობით უნდა დავიცვათ:„წყალი კვებასთან არ უნდა იყოს ასოცირებული...

შეიძლება დაინტერესდეთ

ანემია და ორსულობა - გაეცანით მეან-გინეკოლოგის რეკომენდაციებს

ანემია და ორსულობა - გაეცანით მეან-გინეკოლოგის რეკომენდაციებს

დღეს ხუთშაბათია და მედიაპორტალი MomsEdu.ge ტრადიციულ რუბრიკას - მეან-გინეკოლოგის რეკომენდაციებს წარმოგიდგენთ. ამჯერად მეან-გინეკოლოგი და ქირურგი ეკა ბუკია მოგაწვდით კომპეტენტურ ინფორმაციას ორსულთა ანემიაზე. 

ყოველი ორსულობა ინდივიდუალურია, თუმცა არის ზოგი ფაქტორი, რაც შესაძლოა, ბევრ ორსულში შეგვხვდეს. ერთ-ერთი მათგანია ანემიის განვითარების მაღალი რისკი.

​ანემია იწყება მაშინ, როცა თქვენს ორგანიზმში არ არის საკმარისი რაოდენობით ერითროციტები (სისხლის წითელი უჯრედები) ქსოვილებამდე ჟანგბადის გადასატანად.

​მსუბუქი ხარისხის ანემიამ შესაძლოა, გამოიწვიოს დაღლილობა. თუ არ ჩატარდა შესაბამისი მკურნალობა, ანემია გაღრმავდება. ორსულობის დროს ანემიამ შესაძლოა, გამოიწვიოს ნაადრევი მშობიარობა და ახალშობილის მცირე მასა.

​რა იწვევს ანემიას ორსულობაში?

​მსუბუქი ხარისხის ანემია ხშირად გვხვდება ორსულებში. არსებობს ანემიის 400 ქვესახეობა. ასევე არსებობს ანემიის გამომწვევი ბევრი მიზეზი. განვიხილოთ რამდენიმე მათგანი.

​რკინადეფიციტური ანემიის
განვითარების მიზეზია - რკინის მარაგის უკმარისობა ორსულობამდე და ორსულობისას. ამას მივყავართ რკინის დეფიციტამდე. 15-25%-მდე ორსულებს აქვთ რკინადეფიციტური ანემია. ამ დროს ჰემოგლობინის დონე ნორმაზე დაბალია.

​ორსულობისას თქვენი ორგანიზმი გაძლიერებულად მუშაობს, რომ მოახდინოს ნაყოფის სწორი კვება. სისხლის მოცულობა იზრდება 30-50% -ით. სისხლის მოცულობის ასეთი ზრდა უზრუნველყოფს ნაყოფის ჟანგბადითა და საკვები პროდუქტებით კარგ მომარაგებას.

​ფოლატდეფიციტური ანემია
- გამოწვეულია ფოლიუმის მჟავის ნაკლებობით. ასევე წარმოადგენს ერთ-ერთ ხშირ ნაირსახეობას, რომელიც გვხვდება ორსულებში. ორსულობისას ქალებს გაცილებით მეტი რაოდენობის ფოლიუმი სჭირდებათ. ფოლიუმის მჟავა ინიშება ორსულობის დაგეგმვამდე რამდენიმე თვით ადრე. ფოლიუმის მჟავა არის წყალში ხსნადი ვიტამინი, რომელიც ხელს უშლის ნაყოფის ნერვული მილის დეფექტის განვითარებას ორსულობისას, ამიტომ ასე მნიშნელოვანია მისი მიღება ორსულობის 12 კვ. ვადამდე.

​ვიტამინი B12-დეფიციტური ანემია
- B12 ვიტამინი გამოიყენება ორგანიზმის მიერ ერითროციტების (სისხლის წითელი უჯრედების) წარმოებისთვის. ზოგიერთი ქალის შემთხვევაში ძნელად ხდება B12-ის პროდუქცია, რასაც მივყავართ ამ ვიტამინის დეფიციტამდე.

​ხშირად ფოლიუმის მჟავისა და ვიტამინ B12-დეფიციტი შესაძლოა შეგვხვდეს ერთდროულად.

​რა გზებს შეიძლება მივმართოთ ყველაზე გავრცელებული ანემიის ფორმების პრევენციისთვის?
  • პრენატალური ვიტამინები - შეგიძლიათ მიიღოთ ერთჯერ დღეში - ამით თქვენ მიიღებთ ვიტამინებსა და მინერალებს საჭირო რაოდენობით.
  • რკინის შემცველი მედიკამენტები - თუ თქვენი ფერიტინის დონე დაბალია, ექიმი დაგინიშნავთ რკინის შემცველ პრეპარატს. მედიკამენტის დოზას, სახეს - დასალევი თუ საინექციო - ამას უკვე წყვეტს თქვენი ექიმი კონკრეტულად თქვენი შემთხვევიდან, ზოგადი მდგომარეობიდან, ანამნეზიდან და სხვა არსებული თანმხლები დაავადებიდან (მისი არსებობისას) გამომდინარე.

​რკინის პრეპარატის მიღებისას თავი უნდა აარიდოთ კალციუმის მაღალი რაოდენობით შემცველ პროდუქტებს, როგორებიცაა: ყავა, ჩაი, რძის პროდუქტები, კვერცხის გული - ეს ყველაფერი ხელს უშლის რკინის სწორ ათვისებას.
​ასევე ანტაციდებმა (კუჭის მჟავიანობის გასანეიტრალებელი მედიკამენტები) შესაძოა, შეაფერხონ რკინის სწორი ათვისება. ამიტომ აუცილებლად მიიღეთ რკინა 2 საათით ადრე ანტაციდის მიღებამდე ან ანტაციდის მიღების შემდეგ 4 საათში.
  • სწორი კვება - რკინისა და ფოლიუმის საკმარისი რაოდენობის მიღება შესაძლოა ორსულობის განმავლობაში სწორად შერჩეული კვების რაციონის მეშვეობით.

​ზემოთ აღნიშნული მინერალების კარგი წყაროა:

  • ქათამი
  • თევზი
  • საქონლის ხორცი
  • ლობიო
  • თხილეული
  • მწვანილი
  • კვერცხი
  • ხილი (ბანანი, ნესვი)

​ცხოველური წარმოშობის რკინია უფრო კარგად აითვისება ორგანიზმის მიერ, ვიდრე მცენარეული წარმოშობის.
თუ ანემია ძალიან ღრმაა და საინექციო ფორმებით ვერ მოხერხდა კორეგირება, შესაძლოა, საჭირო გახდეს ჰემოტრანსფუზია (სისხლის გადასხმა).

​ანემიის განვითარების რისკ-ფაქტორები:

​ანემიის განვითარების რისკ-ფაქტორებია: მრავალნაყოფიანი ორსულობა, ორი ან მეტი ორსულობა უახლოეს წარსულში, არ მიირთმევთ რკინით მდიდარ საკვებს, თუ დაორსულებამდე გქონდათ ჭარბი მენსტრუაცია, ასევე ორსულობისას ხშირი ღებინება.

​რა სიმპტომები ახასიათებს ანემიას?

​ანემიის მსუბუქი ფორმის დროს შესაძლოა, არანაირი სიმპტომი არ გქონდეთ. საშუალო და მძიმე ფორმების დროს კი: საერთო სისუსტე, ადვილად დაღლა, გამუდმებით დაღლილობის შეგრძნება, ქოშინი, სიფერმკრთალე, ტაქიკარდია (გულისცემის აჩქარება) ან ტკივილი მკერდის არეში, თავბრუსხვევა, გემოს გაუკუღმართება - ცარცის, თიხის, კბილის პასტის ჭამა.

​შესაძლოა, ზემოთ აღნიშული სიმპტომებიდან გქონდეთ რომელიმე ან რამდენიმე ერთდროულად.
გისურვებთ ჯანმრთელობას!
წაიკითხეთ სრულად