Baby Bag

„ეს აგრესია ჰაერიდან არ მოდის, ბავშვი აკეთებს იმიტირებას ყველაფერი იმის, რაც ხდება სახლის გარემოში,“ - მედეა ზირაქაშვილი

„ეს აგრესია ჰაერიდან არ მოდის, ბავშვი აკეთებს იმიტირებას ყველაფერი იმის, რაც ხდება სახლის გარემოში,“ - მედეა ზირაქაშვილი

ბავშვთა ნევროლოგმა მედეა ზირაქაშვილმა ბავშვის ქცევაზე ტემპერამენტის უდიდესი გავლენის შესახებ ისაუბრა. მისი თქმით, ხშირად ოჯახში რამდენიმე ბავშვია, მაგრამ ისინი ერთმანეთისგან განსხვავდებიან, რადგან განსხვავებული ტემპერამენტის ადამიანები არიან:

„კონსტიტუციური ფაქტორებიდან ერთ-ერთი ყველაზე მნიშვნელოვანი გახლავთ ტემპერამენტი. ძალიან დიდი მნიშვნელობა აქვს ტემპერამენტს. ტყუილად არ არის ნათქვამი: „რთული ტემპერამენტის ადამიანია.“ ხალხი ბრძენია და ეს გამონათქვამები ჰაერიდან არ მოდის ხოლმე. შეიძლება ერთ ოჯახში იყოს რამდენიმე ბავშვი ერთნაირი აღზრდის პირობებში, მაგრამ ვიღაცას არ ჰქონდეს პრობლემები, ვიღაცასთან სირთულეები გაცილებით მეტი იყოს ქცევასთან, შფოთვასთან დაკავშირებით.“

მედეა ზირაქაშვილმა ხაზი გაუსვა მიჯაჭვულობის ეტაპის უდიდეს მნიშვნელობას ბავშვის ცხოვრებაში:

„ძალიან დიდი მნიშვნელობა აქვს მიჯაჭვულობის ეტაპს, რომელიც ხშირად ავიწყდება მშობელს და უგულებელყოფა ხდება ამ ეტაპის, რომელიც არის ნული თვიდან წლინახევრამდე ან სამ წლამდე. რა არის ეს მიჯაჭვულობა და რა არის უსაფრთხო მიჯაჭვულობა, რომელიც ასეთი მნიშვნელოვანია?! ეს არის გამზრდელ-აღსაზრდელის დამოკიდებულება. აქ არის საუბარი ნებისმიერ ადამიანზე, არამხოლოდ დედაზე. დედა შეიძლება არ იყოს და დედის ფუნქცია თავის თავზე აიღოს ნებისმიერმა სხვა ადამიანმა, რომელიც არ მოაკლებს სითბოს, არ მოაკლებს მზრუნველობას, არ მოაკლებს მხარდაჭერას, რაც ძალიან მნიშვნელოვანია ამ ასაკისთვის. მნიშვნელოვანია, ბავშვმა გაითავისოს, რომ არცთუ ისე მტრული განწყობაა ამქვეყანაზე, რომ არსებობენ კარგი ადამიანები, არსებობს საყრდენები, მსოფლიოში ბევრი პოზიტივია.“

მედეა ზირაქაშვილის თქმით, ძალიან მნიშვნელოვანია ბავშვის განვითარების დონეც:

„ასევე ძალიან მნიშვნელოვანია განვითარების დონე. წარმოიდგინეთ ბავშვი, რომელიც არ მეტყველებს. აუცილებლად უმეტეს შემთხვევაში გვაქვს მომატებული შფოთვა, არის ქცევის დარღვევა, არის მეტი აგრესია. აქ აუცილებლად იქნება „ნერვულო ფონი“ გაცილებით უფრო მაღალი. რაც შეეხება გარემო ფაქტორებს, ყველაზე მნიშვნელოვანი ფაქტორი არის მშობელი და გარემოცვა. ბავშვისთვის მშობელი არის მოდელი. ბავშვი აკეთებს იმიტირებას ყველაფერი იმის, რაც ხდება სახლის გარემოში. ეს აგრესია ჰაერიდან არ მოდის.“

„სახლის გარემოს გარდა არის სხვა სოციუმი. ასაკობრივი სოციუმი არის ბაღი და სკოლა. შეიძლება სახლში იყოს სიმშვიდე, მაგრამ თავის გადარჩენისთვის ბავშვს არა დარჩენია რა, გარდა იმისა, რომ ბაღსა და სკოლაში მგლის როლი მოირგოს. ადრეულ ასაკში ბავშვის აგრესიის გამოვლინება უმეტესად არის გარემოს და აღმზრდელების არასწორი დამოკიდებულების შედეგი,“ - აღნიშნულ საკითხებზე მედეა ზირაქაშვილმა საქართველოს პირველი არხის გადაცემაში „პირადი ექიმი - მარი მალაზონია“ ისაუბრა.

წყარო: „პირადი ექიმი - მარი მალაზონია“

არ დაგავიწყდეთ !!!

Momsedu.ge-მ თქვენთვის, ქალებისთვის შექმნა ახალი სივრცე, „ფასდაკლებები დედებისთვის“ (ჯგუფში გასაწევრიანებლად ნახეთ ბმული - „ფასდაკლებები დედებისთვის“)

„შეზღუდვა ეს არის სტრესორების კასკადი, რომელიც მავნე ზეგავლენას ახდენს ბავშვის ფსიქიკაზე“...
​ბავშვთა ფსიქიატრი და ნევროლოგი მედეა ზირაქაშვილი გადაცემაში „პირადი ექიმი“ ბავშვის ფსიქიკაზე შეზღუდვების მავნე ზეგავლენის შესახებ საუბრობს:„იმისთვის, რომ ბავშვს ჯანმრთელი ფსიქიკა ჰქონდეს, აუცილებელია...

შეიძლება დაინტერესდეთ

ქეითი და უილიამსი უპირატესობას ბავშვებთან ერთად დროის საინტერესოდ გატარებას ანიჭებენ

ქეითი და უილიამსი უპირატესობას ბავშვებთან ერთად დროის საინტერესოდ გატარებას ანიჭებენ

კემბრიჯის ჰერცოგმა და ჰერცოგინიამ კიდევ ერთხელ დაამტკიცეს, რომ ისინი ჩვეულებრივი მშობლები არიან. ქეითს და უილიამს ფუფუნებით ტკბობისა და შვილებზე ზრუნვისგან გათავისუფლების შესაძლებლობა ნამდვილად აქვთ, თუმცა ისინი უპირატესობას ბავშვებთან ერთად დროის საინტერესოდ გატარებას ანიჭებენ. წყვილი თავიანთი აღმზრდელობითი ტექნიკების საჯაროდ ჩვენებას არასდროს ერიდება. ყველამ კარგად იცის, რომ ქეითი და უილიამი ბუნებასთან ურთიერთობას ძალიან დიდ დროს უთმობენ და ცდილობენ შვილებთან ერთად სუფთა ჰაერზე ხშირად გაისეირნონ. პრინც ჯორჯს, პრინცესა შარლოტასა და პრინც ლუის ბუნება ძალიან უყვართ.

ქეითი და უილიამი შვილებთან ერთად ნორფოლკში მდებარე ერთ-ერთ ფერმას ესტუმრნენ. პატარები სოფლის ცხოვრებით მარტივად მოიხიბლნენ. პრინც უილიამის თქმით, ბავშვებს ძალიან მოეწონათ ბატკნების სადგომში ყოფნა. კემბრიჯის ჰერცოგმა მეგობრებს გაუმხილა, რომ შარლოტას ახალ გარემოსთან ადაპტაციისთვის გარკვეული დრო დასჭირდა, ჯორჯი ფერმით ადვილად აღფრთოვანდა, პატარა ლუი კი ყველაზე მეტად ტრაქტორებით მოიხიბლა. პრინცი უილიამი ცდილობს შვილებს ფერმის უბრალო ყოფის ხიბლი აჩვენოს. კემბრიჯის ჰერცოგის თქმით, ბავშვები კარგად უნდა იცნობდნენ როგორც ქალაქის, ასევე სოფლის ცხოვრებასაც. როგორც აღმოჩნდა, პატარებს ყველაზე მეტად მაინც ბატკნების გამოკვების პროცესი მოეწონათ.

არ დაგავიწყდეთ !!!

Momsedu.ge-მ თქვენთვის, ქალებისთვის შექმნა ახალი სივრცე, სადაც ყველაზე მცოდნე დედები იყრიან თავს. ჯგუფის დასახელებაც სწორედ ასეა - „მცოდნე დედების ჯგუფი“, რომლის საშუალებით დედები ერთმანეთს საკუთარ გამოცდილებას გაუზიარებენ. (ჯგუფში გასაწევრიანებლად ნახეთ ბმული - „მცოდნე დედების ჯგუფი“)

ბავშვების ბუნებაში გაყვანა ქეით მიდლტონსაც ძალიან უყვარს. კემბრიჯის ჰერცოგინია ცდილობს შვილებს ბუნების მშვენიერება ადრეული ასაკიდანვე დაანახოს. ცოტა ხნის წინ საჯაროდ გავრცელდა პრინცესა შარლოტას ბუნებაში გადაღებული ფოტო, რომელშიც ის ყვავილს ყნოსავს. ქეითის თქმით, მას უბრალო და ყოველდღიური მოვლენებისგან უდიდესი სიამოვნების მიღება შეუძლია. კემბრიჯის ჰერცოგინია ფერმაში ვიზიტითაც ძალიან მოიხიბლა.

„პრინცესა შარლოტას ფოტო, რომელშიც ის მაჩიტელებს ყნოსავს, ჩემთვის, როგორც მშობლისთვის, ძალიან დიდი მნიშვნელობისაა. მე ამგვარ წუთებს არასდროს ვივიწყებ. ყოველდღიურაც ვცდილობ, რომ ბავშვებს ასეთი მოგონებები ვაჩუქო, თუნდაც ამისთვის ძალიან ცოტა დრო მქონდეს. იდეალურ სამყაროში მე სწორედ ასეთ ცხოვრებას ვისურვებდი. ერთი შეხედვით უბრალო და უმნიშვნელო მოვლენები ჩვენს ცხოვრებას მთლიანად ცვლიან. “ - განაცხადა ქეითმა.

სამეფო ოჯახის ფერმაში ვიზიტი სიურპრიზი არავისთვის ყოფილა, რადგან ქეითი და უილიამი წლების მანძილზე მყარად ინარჩუნებენ იმ პრინციპებს და ფასეულობებს, რომელთა მიხედვითაც შვილებს ზრდიან.

კემბრიჯის ჰერცოგი და ჰერცოგინია ბავშვობაში თამაშითა და გართობით ნაკლებად განებივრებულები იყვნენ, რის გამოც ისინი აქტიურად ცდილობენ ბავშვებს თამაშის, წარმოსახვის გამდიდრების და ბუნებაში დროის სასიამოვნოდ გატარების შესაძლებლობა ხშირად მისცენ. ცნობილია, რომ სამეფო ოჯახის ძიძას პატარები ყოველდღიურად გაჰყავს გარეთ. აღნიშნულ წესს ის არც ზამთარში არღვევს. თბილ დღეებში ქეითისა და უილიამის შვილები ბუნებაში თამაშით აქტიურად კავდებიან. პრინც ჯორჯს, პრინცესა შარლოტასა და პრინც ლუის ფერმაში ყოფნა იმდენად მოეწონათ, რომ, სავარაუდოდ, აღნიშნული პრაქტიკა მალე რეგულარულ ხასიათს მიიღებს. სამეფო ოჯახის გულშემატკივრები ფიქრობენ, რომ ზაფხულში ქეითი და უილიამი ბავშვებთან ერთად ფერმას კიდევ არაერთხელ მოინახულებენ. 

მომზადებულია cheatsheet.com-ის მიხედვით
თარგმნა ია ნაროუშვილმა 
წაიკითხეთ სრულად