Baby Bag

„თუ ვინმეს მიმართ გაქვს აღტაცება, გიყვარს, გიხარია, პატივს სცემ, არ დააგვიანო, თქვი! თუ ახლა არა, მაშ როდის? არასდროს გადადო ის, რაც შენი გასაკეთებელია,“ - ფსიქოლოგი ნანა ჩაჩუა

„თუ ვინმეს მიმართ გაქვს აღტაცება, გიყვარს, გიხარია, პატივს სცემ, არ დააგვიანო, თქვი! თუ ახლა არა, მაშ როდის? არასდროს გადადო ის, რაც შენი გასაკეთებელია,“ -  ფსიქოლოგი ნანა ჩაჩუა

ფსიქოლოგი ნანა ჩაჩუა გულწრფელობის შესახებ საუბრობს და გვირჩევს, რომ ჩვენი დადებითი ემოციების ან დამოკიდებულებების შესახებ ხმამაღლა ვისაუბროთ, ნეგატიური აზრები კი დაუფიქრებლად არ გავაჟღეროთ:

„მეორე ადამიანზე ხშირად იციან თქმა: „თვითონ ხომ უნდა მიხვდეს?!“ რატომ? თქვი! თუ ვინმეს მიმართ გაქვს აღტაცება, გიყვარს, გიხარია, პატივს სცემ, არ დააგვიანო, თქვი! მე ვიცი ხშირად თქმა, როგორ არ ვეტყვი ადამიანს, რომ მიყვარს, მომწონს, ტაქსის მძღოლისთვის მითქვამს, ნებისმიერი ადამიანისთვის. რატომ დავაგვიანო? იქნებ მე ხვალ აღარც ვიყო და რატომ დავაგვიანო? თუ ცუდი სათქმელი გაქვს, დაყოვნდი, არ თქვა, შეიძლება რაიმე შეიცვალოს. ასეთი ფრაზა მაქვს, რომელსაც ხშირად ვამბობ, ღმერთს ვთხოვ: „ღმერთო, ნუ გამომიყვან ჩემი თავიდან. დამეხმარე, რომ არ მომიწიოს ჩემი თავიდან გამოსვლა, არ შევცდე და არ გამოვიდე ჩემი თავიდან. თუ ნებისმიერი ადამიანი საკუთარ თავში იქნება, ის იქნება უტყუარი, შეუმცდარი. რას ნიშნავს შეუმცდარობა? შეუმცდარი ხომ მხოლოდ ღმერთია. ყოველდღიურობაში რაღაც შეუმცდარობის არეალები გვაქვს, პლიუს-მინუსები, რაღაც ამდენით მეტია, რაღაც ამდენით ნაკლები.“

„ჩვენი შეუმცდარობა ისიც არის, როდესაც მინდა, რომ არ შემეშალოს, როდესაც მინდა, რომ არ შევცდე, ესეც შეუმცდარობაა. სურვილი გაცილებით მნიშვნელოვანია. ცნობილი ეგზისტენციალისტი, მწერალი, ფილოსოფოსი სარტრი ამბობდა: „ადამიანი ის კი არ არის, რაც არის, არამედ ის, რაც უნდა, რომ იყოს.“ გიყვარდეს შენი თავი, უპირველეს ყოვლისა. ებრაული შეგონების მიხედვით, თუ შენი თავი არ გიყვარს, სხვას ვერ შეიყვარებ. თუ სხვა არ შეიყვარე, შენ ვინ შეგიყვარებს?! თუ ახლა არა, მაშ როდის? არასდროს გადადო ის, რაც შენი გასაკეთებელია,“ - აღნიშნავს ნანა ჩაჩუა.

​წყარო

არ დაგავიწყდეთ !!!

დაემატეთ ჯგუფში საბავშვო რეცეპტები

„ცხოვრებაში რომ განვახლდეთ, უნდა გვეჩქარებოდეს. რა არის ცხოვრება? განუწყვეტელი განახლება....
​აკადემიკოსი შალვა ამონაშვილი სულის მარადიული განახლების აუცილებლობაზე საუბრობს და აცხადებს, რომ ადამიანს ცხოვრებაში ყოველთვის უნდა ეჩქარებოდეს და ახალგაზრდობაზე ოცნებობდეს:„წარმოიდგინეთ, რომ მანქანას...

შეიძლება დაინტერესდეთ

როგორ შევქმნათ სააღდგომოდ ულამაზესი დეკორატიული ხე? - ნინო ჯანიძის რჩევები

როგორ შევქმნათ სააღდგომოდ ულამაზესი დეკორატიული ხე? - ნინო ჯანიძის რჩევები

ტელეკომპანია „რუსთავი 2“ -ის გადაცემაში „დილა მშვიდობისა საქართველო“ ნინო ჯანიძემ ჯანინის სახელოსნოში მაყურებელს სააღდგომო დეკორაციების მომზადების წესები გააცნო.

ვიდეოში ნახავთ, როგორ უნდა დაამზადოთ სააღდგომოდ დეკორატიული ხე, რომელზეც დეკორატიული კვერცხებს ჩამოკიდებთ ყვავილებით. ვიდეოში ასევე ნახავთ, როგორ დათესოთ ჯეჯილი და რომელი ხრიკების გამოყენებით უნდა გააღვივოთ ის სწრაფად. ნინო ჯანიძე ასევე გირჩევთ, როგორ უნდა მიიღოთ ხასხასა მწვანე ჯეჯილი, რომელიც ერთ-ერთი ყველაზე ლამაზი სააღდგომო დეკორაციაა.

დეკორატიული ხის მოსამზადებლად დაგჭირდებათ ხმელი ხის ტოტების გამოყენება. ასევე საჭიროა ქოთანი, რომელშიც ტოტებს მოათავსებთ, ქაფი, დიდი ზომის ქვები, საღებავები. გასაფორმებლად დაგჭირდებათ დეკორატიული კვერცხები და ხელოვნური ფოთლები.

ჯეჯილის მოყვანისა და დეკორატიული ხის აწყობის წესებს დეტალურად თანდართულ ვიდეოში გაეცნობით.

წყარო: ​„დილა მშვიდობისა საქართველო“ 

წაიკითხეთ სრულად