Baby Bag

„ღმერთი არასდროს არ მოგაკლებს სარჩო-საბადებელს არც შენ, არც შენს შვილს და ოჯახს, თუ მას მიენდობი,“ - დეკანოზი საბა ჭიკაიძე

„ღმერთი არასდროს არ მოგაკლებს სარჩო-საბადებელს არც შენ, არც შენს შვილს და ოჯახს, თუ მას მიენდობი,“ - დეკანოზი საბა ჭიკაიძე

დეკანოზმა საბა ჭიკაიძემ ოჯახური თანაცხოვრების მნიშვნელობასა და ამ მხრივ საკუთარ გამოცდილებაზე ისაუბრა:

„ოცდამეათე წელი დაიწყო ჩვენი თანაცხოვრობის. სერიოზული სტაჟია ეს ოჯახური ურთიერთობის. ხუთი შვილი გვაჩუქა ღმერთმა. შვილიშვილიც გვყავს. ყოველ წელს სიხარულით ველოდებით. არეულობის პერიოდში შევქმენით ოჯახი. რთული იყო ამაზე ფიქრიც კი. ჩვენ სხვა გაბედულება და სითამამე გვქონდა. ​ღმერთის და ჩვენი სიყვარულის იმედად შევქმენით ოჯახი. მართლა არაფერი არ გამაჩნდა. რა თქმა უნდა, ბევრი ტკივილი და გაჭირვება გამოვიარეთ.“

დეკანოზის თქმით, ადამიანებს შვილის გაჩენის ხშირად ეშინიათ, რადგან არ იციან, როგორ არჩინონ ის:

„ბევრი ადამიანისგან მომისმენია, რომ შვილიერების შიში აქვთ, შვილის გაჩენის შიში აქვთ, რომ რა ვქნა, როგორ შევინახო. უფალს მიენდეთ, ჩემო ძვირფასებო. მე საკუთარი გამოცდილებით გეუბნებით. ყოველი შემდეგი შვილის დაბადებით ჩვენი მატერიალური მდგომარეობა უფრო და უფრო უმჯობესდებოდა. თავისი ხურჯინით, თავისი მზითევით მოდიან ბავშვები. ეს ნამდვილად ასეა.“

„არასდროს თავზე არ გადაგვდიოდა და არც ახლა გადაგვდის, მდიდრები არასდროს ვყოფილვართ, არც მდომებია არასდროს. სულიერად ყოველთვის მდიდარი ვიყავი და უმდიდრესი ადამიანი ვარ, მილიარდელზე მილიარდელი ვარ ყოველთვის. ღმერთი არასდროს არ მოგაკლებს სარჩო-საბადებელს არც შენ, შენს შვილს და ოჯახს, თუ მას მიენდობი. ფსალმუნში წერია ასეთი საოცარი სიტყვები: „მიუტევე უფალსა ზრუნვა შენი და მან გამოგზარდოს შენ; და არა სცეს შერყევაჲ უკუნისამდე მართალსა.“ ერთადერთი რაც მოგეთხოვება, არის, რომ მართალი იყო ღვთის წინაშე. დანარჩენზე ყველაფერზე ღმერთი ზრუნავს,“- აღნიშნულ საკითხზე დეკანოზმა საპატრიარქოს ტელევიზიის გადაცემაში „განთიადი“ ისაუბრა.

წყარო: ​„განთიადი“

არ დაგავიწყდეთ !!!

Momsedu.ge-მ თქვენთვის, ქალებისთვის შექმნა ახალი სივრცე, სადაც ყველაზე მცოდნე დედები იყრიან თავს. ჯგუფის დასახელებაც სწორედ ასეა - „მცოდნე დედების ჯგუფი“, რომლის საშუალებით დედები ერთმანეთს საკუთარ გამოცდილებას გაუზიარებენ. (ჯგუფში გასაწევრიანებლად ნახეთ ბმული - „მცოდნე დედების ჯგუფი“)

„როგორც ექცევი მშობელს, როგორი დამოკიდებულებაც გაქვს მის მიმართ, ზუსტად ისე გექცევა მერე შ...
​დეკანოზმა საბა ჭიკაიძემ მშობლების პატივისცემის მნიშვნელობაზე ისაუბრა. მან აღნიშნა, რომ მშობლის კურთხევა ადამიანისთვის ღმერთის კურთხევის მსგავსია:„ძველი აღთქმა გავიხსენოთ, როგორ იქცეოდნენ ჩვენი მამამთ...

შეიძლება დაინტერესდეთ

ყოველთვის ენდეთ საკუთარ შვილებს და მათ მიმართ კრიტიკულები ნუ იქნებით

ყოველთვის ენდეთ საკუთარ შვილებს და მათ მიმართ კრიტიკულები ნუ იქნებით

მშობლებს შვილებთან ჯანსაღი ურთიერთობების ჩამოყალიბებაში ყველაზე მეტად ბავშვის შესაძლებლობებისადმი რწმენა ეხმარებათ. მშობლებს შვილების ნდობა ძალიან უჭირთ. ისინი ფიქრობენ, რომ ბავშვებმა მათ კვალზე უნდა იარონ და მათი მითითებები შეასრულონ. თუმცა, ვინ ვართ უფროსები, რომ შვილებს ყველაფერი მივუთითოთ და ვასწავლოთ? რა ვიცით ჩვენ შვილების არჩევანის ავკარგიანობის შესახებ, რამდენად შეგვიძლია მათი არჩევანის სწორად შეფასება? მშობლის მოვალეობა შვილის გასავლელი გზის წინაღობებისგან გათავისუფლებაა და არა ამ გზის გაკვალვა.

ერთ-ერთი კომპოზიტორის დედა იხსენებს: „ჩემი შვილი ადრეული ასაკიდანვე უკრავდა ვიოლინოზე, მაგრამ მეცადინეობები არ მოსწონდა, ძალიან განიცდიდა. ვგრძნობდი, რომ ამის გამო ჩვენ შორის ურთიერთობა ძალიან დაიძაბა. შევთავაზე, რომ ვიოლონის შესწავლისთვის თავი დაენებებინა. ისიც დამთანხმდა. გარკვეული დროის შემდეგ სწავლის გაგრძელება თავად მოისურვა. ახლა ის ცნობილი კომპოზიტორია, რაც უზომოდ მახარებს.“

მშობლების ნდობა ბავშვს თავდაჯერების ამაღლებაში ეხმარება. ჩვენი ვალი არ არის შვილების ფარული ნიჭის აღმოჩენა, არამედ მათი სურვილების მხარდაჭერა. ბავშვები მშობლების კრიტიკას, უნდობლობას და ჭკუის სწავლებას ყოველთვის პროტესტით პასუხობენ. ისინი ვერ ეგუებიან, როდესაც მშობლებს მათი არ სჯერათ.

მშობლებს ეშინიათ, რომ მათი შვილები შეცდომებს დაუშვებენ. ისინი ცდილობენ ბავშვებს ცხოვრება ასწავლონ. როდესაც მშობელი გრძნობს, რომ შვილი არასწორად (მშობლის აზრით) იქცევა, ის მის გაკრიტიკებას იწყებს და ცდილობს მისი გადაწყვეტილება შეცვალოს. მშობელს სურს, რომ მისი შვილი საზოგადოებისთვის მისაღებ ქცევას ავლენდეს და საერთო წესებს ემორჩილებოდეს, მაგრამ რა ხდება მაშინ, თუ თქვენი შვილი ქვეყანას ახალი წესების შექმნისთვის მოევლინა? რატომ უნდა აიძულოთ ის, რომ არსებულ წესებს დაემორჩილოს?

მშობლებს ეშინიათ, რომ მათი შვილები სერიოზულ შეცდომებს დაუშვებენ. მათ ავიწყდებათ, რომ ერთ დროს თავადაც დამოუკიდებლობაზე ოცნებობდნენ და არ მოსწონდათ, როდესაც მშობლები მათ მიმართ უნდობლობას ავლენდნენ.

შვილებს ჩვენგან თანადგომა და მხარდაჭერა სჭირდებათ, ისინი ელიან, რომ ყოველთვის მხარს დავუჭერთ მათ მიერ მიღებულ გადაწყვეტილებებს, დავიცავთ მათ ყოველგვარი საფრთხისგან და არასდროს დავტოვებთ მარტო. მშობელს უნდა სჯეროდეს, რომ შვილს წარმატების მიღწევა და მშობლის გაბედნიერება სურს, რადგან მას მშობელზე ძვირფასი არავინ ჰყავს. ბავშვებს საკუთარი გზის პოვნა სურთ, ისინი მზად არიან ისწავლონ და განვითარდნენ. მშობლების კრიტიკა და უნდობლობა ბავშვებს არწმუნებს, რომ მათ წარმატების მიღწევა არ შეუძლიათ, ისინი ვერავის ენდობიან და არავის იმედი არ აქვთ.

მასწავლებლობა და ლიდერობა არ გუსლიხმობს, რომ მშობელმა შვილს საკუთარი აზრები თავს მოახვიოს. ბავშვის დასჯა, იზოლორება, მისთვის შეზღუდვების დაწესება და მისი საყვარელი ნივთების ჩამორთმევა ის გზა არ არის, რომელიც მას მოტივაციას შესძენს. გამუდმებული კრიტიკით და ჭკუის სწავლებით მშობელი შვილს საშიში გზისკენ მიუძღვება. ბავშვები სამყაროსადმი ნდობას კარგავენ, ისინი არც საკუთარ თავს და არც მშობლებს აღარ ენდობიან. მშობლებო, საკუთარი შვილებისთვის სიკეთე თუ გსურთ, პირველ რიგში, ნდობა ისწავლეთ. მოუსმინეთ ბავშვებს და გაიგეთ, რა სურთ მათ, მაშინაც კი, როდესაც მათი იდეები არ მოგწონთ.

მომზადებულია​ bonnieharris.com - ის მიხედვით

თარგმნა ია ნაროუშვილმა

წაიკითხეთ სრულად