Baby Bag

7 ფილმი, რომელიც ბავშვს ემოციური ინტელექტის განვითარებაში დაეხმარება

7 ფილმი, რომელიც ბავშვს ემოციური ინტელექტის განვითარებაში დაეხმარება
განტვირთვა

​ფილმები ბავშვის განათლებისა და განვითარებისთვის ერთ-ერთ საუკეთესო რესურსს წარმოადგენს. მშობლებს ბავშვების ემოციური ინტელექტის განვითარებისთვის სხვადასხვა ტექნიკისა და მიდგომის გამოყენება შეუძლიათ. ემოციური ინტელექტი არის უნარი, რომ ადამიანმა გააკონტროლოს, მართოს და სხვას გაუზიაროს ემოციები სოციალურ კონტექსტში. კინოს ისტორიაში არაერთი ფილმი გადაუღიათ იმ მიზნით, რომ ბავშვის ემოციური ინტელექტის განვითარებისთვის შეეწყოთ ხელი. ჩვენს სტატიაში 7 ფილმს გაგაცნობთ, რომლებიც ბავშვს ემოციური ინტელექტის განვითარებაში დაეხმარება.

1. თავდაყირა

ეს ფილმი ერთ-ერთი საუკეთესო რესურსია ბავშვისთვის ემოციების შესახებ ინფორმაციის მისაწოდებლად. ის პატარა გოგონას ემოციების შესახებ მოგვითხრობს. ბედნიერება, სევდა, ზიზღი, შიში და რისხვა მისი ახალი ცხოვრების თანამგზავრები ხდებიან. ფილმი გვიჩვენებს, როგორ განიცდის ბავშვი სხვადასხვა ემოციას, უმკლავდება დაბრკოლებებს და ცვლილებებთან ადაპტაციას სწავლობს.

2. მაღლა

ფილმი ზრდასრული მამაკაცისა და პატარა ბიჭის შესახებ მოგვითხრობს. ისინი ერთმანეთს ოცნებების ასრულებაში ეხმარებიან. ფილმი არამხოლოდ ემოციების შესახებ გვაწვდის ინფორმაციას, არამედ ცხოვრების ორ ოპტიმისტურ და პესიმისტურ ხედვას ერთმანეთს უპირისპირებს. პერსონაჟები პრობლემებს აწყდებიან და მათ გადაჭრას წარმატებით ახერხებენ.

3. დამბო

დისნეის კლასიკური მულტფილმი ცირკში მცხოვრები პატარა სპილოს შესახებ მოგვითხრობს. ის წარმოდგენებში მონაწილეობისას პრობლემებს აწყდება და მუდმივად ჩაგვრას განიცდის. დამბო დედასაც დააშორეს, რომელიც მას ყოველთვის მხარს უჭერდა. ფილმი ბავშვს თავმდაბლობის მნიშვნელობას ასწავლის და სირთულეებთან გამკლავებისთვის საჭირო უნარების განვითარებაში დაეხმარება.

4. უოლ-ი

ფილმი რობოტის ისტორიას მოგვითხრობს, რომელსაც ემოციების გამოხატვის უნარი აქვს. ის სიყვარულის ძალისა და მისი განცდით გამოწვეული ცვლილებების შესახებ მოგვითხრობს. ფილმი ბავშვებს თავისუფლების, დამოუკიდებლობისა და სხვა ადამიანების მიმღებლობის მნიშვნელობას ასწავლის.

5. გაყინული

პოპულარული ფილმი ყველაზე ცხადად გადმოგვცემს ემოციების ძალას. ის ბავშვს სხვების პატივისცემას და თავმდაბლობის მნიშვნელობას ასწავლის. ფილმის თანახმად, სიყვარული და გამძლეობა ადამიანის წარმატების გასაღებია.

6. მოჩვენებების მიერ გატაცებულნი

ფილმის მთავარი თემა ოჯახის მნიშვნელობის ხაზგასმაა. ფილმის მთავარ გმირს ემოციების გაკონტროლება უჭირს. მას მარტოობის, სევდისა და მრისხანების განცდით ცხოვრებისეული გაკვეთილის სწავლა მოუწევს.

7. უცხოპლანეტელი

ეს კლასიკური ამერიკული ფილმი უცხოპლანეტელზე მოგვითხრობს, რომელიც დედამიწაზე ბავშვს დაუმეგობრდება. უცხოპლანეტელს სახლში დაბრუნება სურს, ბავშვი კი მას ოცნების ასრულებაში ეხმარება. ფილმი ასევე ეხება განქორწინების მძიმე შედეგებს ბავშვებისთვის. ის თქვენს შვილს სიკეთისა და სოლიდარობის მნიშვნელობას ასწავლის.

წყარო: ​youaremom.com

#ბავშვი #შვილი #საინტერესო #მშობელი #ფილმი

შეიძლება დაინტერესდეთ

განტვირთვა

თუ არ იცით რითი გაართოთ პატარები, ამ 10 საუკეთესო ანიმაციურ ფილმს ერთად უყურეთ

თუ არ იცით რითი გაართოთ პატარები, ამ 10 საუკეთესო ანიმაციურ ფილმს ერთად უყურეთ
პატარასთან ერთად ანიმაციური ფილმის ყურება თუ გსურთ და არჩევანის გაკეთება გიძნელდებათ, ყურადღებით გაეცანით ჩვენს ​სტატიას. ჩვენ მიერ შემოთავაზებული საუკეთესო ანიმაციების ნუსხა IMDb-ის რეიტინგებს ემყარება და მაყურებელთა შეფასებებზე დაყრდნობით შეიქმნა. თითოეული ანიმაცია, რომელიც ჩვენ მიერ შერჩეულ საუკეთესო ათეულში მოხვდა, მსოფლიო მასშტაბით დიდი პოპულარობით სარგებლობს და ყველაზე ყურებად ფილმებს შორის თავის ღირსეულ ადგილს იკავებს.

ყველა დროის 10 საუკეთესო ანიმაციური ფილმი


  • IMDb რეიტინგი : 8.0
  • ხმების ჯამური რაოდენობა: 584 836

ჩვენს რეიტინგში მეათე ადგილს 2007 წელს შექმნილი ანიმაცია „რატატუი“ იკავებს. აღნიშნული ანიმაციური ფილმის მთავარი გმირი ახალგაზრდა ვირთხაა, რომელიც კერძებს საოცრად ამზადებს. ის ახალბედა რესტორნის მზარეულს სამუშაოს წარმატებით შესრულებაში ეხმარება. თავდაპირველად მომხმარებელს რესტორანში მზარეული ვირთხის დანახვა თრგუნავს, თუმცა მის მიერ მომზადებული გემრიელი კერძების დაგემოვნების შემდეგ ისინი პატარა მღრღნელის ნიჭით იხიბლებიან და მათი უკმაყოფილება წარსულს ბარდება. „რატატუი“ თქვენს პატარებთან ერთად დროის სასიამოვნოდ და მხიარულად გატარებაში ძალიან დაგეხმარებათ.


  • IMDb რეიტინგი: 8.0
  • ხმების ჯამური რაოდენობა: 607 781

„სუპერ ოჯახი“ ჩვენს რეიტინგში საპატიო მეცხრე ადგილს იკავებს. ანიმაციის მთავარი პერსონაჟები სუპერგმირები არიან, რომლებიც მშვიდობიან ცხოვრებაზე ოცნებობენ, თუმცა იძულებულები ხდებიან თავიანთი საოცარი ძალა და ნიჭი სამყაროს გადარჩენას მოახმარონ. სუპერგმირები ერთ ოჯახში ცხოვრობენ. მათ დამოუკიდებლად არსებობა არ შეუძლიათ და მისტიკურ ძალას მხოლოდ ერთად ყოფნისას იძენენ. „სუპერ ოჯახის“ ანიმაცია 2004 წელს შეიქმნა და თქვენს პატარებთან ერთად მისი ყურება საოცარ სიამოვნებას გპირდებათ.




  • IMDb რეიტინგი: 8.1
  • ხმების ჯამური რაოდენობა: 615 658

2010 წელს შექმნილი ეს საოცარი ანიმაცია ჩვენს სიაში მერვე ადგილს იკავებს. მეომრის სტატუსის მოსაპოვებლად ახალგაზრდა ვიკინგი დრაკონის მოსაკლავად მიეშურება, თუმცა საბოლოოდ მტრობაზე სიყვარული იმარჯვებს და ბიჭი ცეცხლოვან ფრინველს დაუმეგობრდება. „როგორ მოვათვინიეროთ დრაკონი“ ვიკინგი ბიჭისა და მისი მეგობარი დრაკონის საოცარ თავგადასავლებს მოგითხრობთ, რომლის ყურებისას ნამდვილად არ მოიწყენთ.
​

  • IMDb რეიტინგი: 8.3
  • ხმების ჯამური რაოდენობა: 692 851

„სათამაშოების ისტორია“ ყველასთვის ცნობილი ანიმაციაა. მისი ბოლო ნაწილი ეკრანებზე 2010 წელს გამოჩნდა, თუმცა IMDb რეიტინგში უკვე მოწინავე რიგებშია და ჩვენს სიაშიც საპატიო მეშვიდე ადგილს იკავებს. „სათამაშოების ისტორიის“ მესამე ნაწილი ენდის შესახებ მოგვითხრობს, რომელიც უკვე გაიზარდა და დიდი ადამიანის ცხოვრებით ცხოვრობს. მან თავისი სათამაშოები დიდი ხანია დაივიწყა. აღნიშნული ანიმაციის პირველი და მეორე ნაწილების მსგავსად მესამეც საოცრად საინტერესო და სასიამოვნო საყურებელია.

  • IMDb რეიტინგი: 8.1
  • ხმების ჯამური რაოდენობა: 845 957

საუკეთესო ანიმაციური ფილმების სიაში მეექვსე ადგილს „მონსტრების კორპორაცია“ იკავებს. სათაურიდანვე მიხვდებით, რომ ფილმი მონსტრების შესახებ მოგვითხრობს, რომლებიც ენერგიასა და ძალას შეშინებული ბავშვების ხმამაღალი ყვირილის მოსმენით იღებენ. მართალია, აღნიშნული ანიმაცია ერთი შეხედვით საშიში ფილმის შთაბეჭდილებას ტოვებს, თუმცა კომედიური ელემენტების სიჭარბე მონსტრების არასასიამოვნო აურას მარტივად ჩრდილავს, რაც ფილმის ყურებას დაუვიწყარ თავგადასავლად აქცევს.

​

  • IMDb რეიტინგი: 8.3
  • ხმების ჯამური რაოდენობა: 805 294

„სათამაშოების ისტორიის“ პირველი ნაწილი მიღებული ხმების რაოდენობით მესამეს მნიშვნელოვნად უსწრებს და ჩვენს სიაში მეხუთე ადგილს იკავებს. მიუხედავად იმისა, რომ აღნიშნული ანიმაცია 1995 წელს შეიქმნა, ის თანამედროვე ბავშვებს ძალიან უყვართ. ამეტყველებული სათამაშოების გასაოცარი ისტორიები პატარების სამყაროს უფრო მრავალფეროვანს და საინტერესოს ხდის. ვიდრე „სათამაშოების ისტორიის“ მეორე და მესამე ნაწილებზე გადახვიდოდეთ, უმჯობესია, მისი პირველი ნაწილი ნახოთ.
​

  • IMDb რეიტინგი: 8.5
  • ხმების ჯამური რაოდენობა: 847 787
    ​
„მეფე ლომის“ ანიმაცია პირველად 1994 წელს შეიქმნა და ეკრანებზე 2D ვერსიით გამოვიდა. მას დღემდე უამრავი თაყვანისმცემელი და მაყურებელი ჰყავს. აღნიშნული ანიმაცია პატარა ლომის ლეკვზე მოგვითხრობს, რომელიც მომავალში ცხოველთა მეფე უნდა გახდეს. ახლახანს გამოვიდა „მეფე ლომის“ ახალი ვერსია, რომელიც ბავშვებში ასევე დიდი პოპულარობით სარგებლობს. შეგიძლიათ თქვენს შვილებთან ერთად ორივე მათგანს უყუროთ, შემდეგ კი შთაბეჭდილებები ერთმანეთს გაუზიაროთ.

  • IMDb რეიტინგი: 8.2
  • ხმების ჯამური რაოდენობა: 853 522

მესამე ადგილზე გასული ეს საოცარი ანიმაცია 2009 წელს შეიქმნა. მისი მთავარი გმირი მოხუცი კაცია, რომელიც თავის სახლთან ერთად ჰაერში ფრენას გადაწყვეტს, როდესაც თავის ჩანაფიქრს აისრულებს, ის მოულოდნელად აღმოაჩენს, რომ სახლში მასთან ერთად პატარა ბიჭიც იმყოფება. ფილმი მოხუცისა და ბავშვის საოცარ ისტორიებს მოგვითხრობს. „მაღლა“ ერთ-ერთი საუკეთესო ანიმაციაა, რომელიც თქვენს პატარებთან ერთად აუცილებლად უნდა ნახოთ.

  • IMDb რეიტინგი: 8.1
  • ხმების ჯამური რაოდენობა: 874 335

საუკეთესო ანიმაციური ფილმების ათეულში მეორე ადგილს „ნემოს ძიებაში“ იკავებს, რომელიც პატარა თევზის ისტორიას მოგვითხრობს. ნემო მოულოდნელად იკარგება და სახლისკენ მიმავალ გზას დაეძებს. პატარა ნემოს საპოვნელად მისი მეგობრები და მამა ძალისხმევას არ იშურებენ. აღნიშნული ანიმაცია ეკრანებზე გამოსვლის პირველივე დღიდან პატარებში უდიდესი პოპულარობით სარგებლობს.

  • IMDb რეიტინგი
  • ხმების ჯამური რაოდენობა: 914 346

2008 წელს შექმნილი ანიმაცია „უოლ-ი“ ჩვენი რეიტინგის სათავეში მოექცა. ფილმის მთავარი გმირი დედამიწაზე დარჩენილი ერთადერთი რობოტია, რომელიც სამყაროს ნაგვის ნარჩენებისგან გათავისუფლებაზე ზრუნავს. ადამიანური თვისებების მქონე უოლ-ი დაუღალავად შრომობს და დედამიწის გადარჩენისთვის ძალებს არ იშურებს. მთელი მსოფლიოს მასშტაბით „უოლ-ი“-ს უამრავი თაყვანისმცემელი და მაყურებელი ჰყავს. ეს საოცარი საოჯახო ანიმაციური ფილმი თქვენს შვილებთან ერთად აუცილებლად უნდა ნახოთ.

ავტორი: ია ნაროუშვილი
​
წაიკითხეთ სრულად
გასათიშად დააჭირეთ ESC.