Baby Bag

სწავლის დაწყების ვადები და რეგულაციები

სწავლის დაწყების ვადები და რეგულაციები

„იზოლაციისა და კარანტინის წესების დამტკიცების შესახებ“ საქართველოს მთავრობის დადგენილებით, ზოგადსაგანმანათლებლო, პროფესიული, უმაღლესი სასწავლებლებისთვისა და საბავშვო ბაღებისთვის სასწავლო და სააღმზრდელო პროცესის ვადები განისაზღვრა:


  • სკოლები, პროფესიული და უმაღლესი სასწავლებლები 2021 წლის 4 ოქტომბრამდე სასწავლო პროცესს განახორციელებენ მხოლოდ დისტანციურად.
  • საბავშვო ბაღებში სააღმზრდელო/სასწავლო პროცესი 2021 წლის 4 ოქტომბრამდე არ განხორციელდება.
  • უმაღლესი საგანმანათლებლო დაწესებულებები, რომლებიც მედიცინის საგანმანათლებლო პროგრამებს ახორციელებენ, უფლება აქვთ არადისტანციურ რეჟიმში ჩაატარონ პრაქტიკული, ლაბორატორიული და კლინიკური კომპონენტები მხოლოდ იმ სტუდენტებისათვის, რომლებიც სასწავლო პროცესის დაწყებისას იქნებიან სრულად ვაქცინირებულნი. ამასთან, ჩაატარონ სრულად ვაქცინირებული პერსონალის მეშვეობით და ჯანდაცვის რეკომენდაციების სრული დაცვით.
  • 2021 წლის 4 ოქტომბრიდან, იმ სოფელში, დაბასა და ქალაქში, სადაც ინფიცირების მაჩვენებელი იქნება 4%-ზე ნაკლები, საგანმანათლებლო დაწესებულებებს უფლება ექნებათ სასწავლო პროცესი განაახლონ არადისტანციურ რეჟიმში, ხოლო ინფიცირების 4%-ზე მეტი მაჩვენებლის შემთხვევაში, მხოლოდ დისტანციური სწავლებისა და საჭიროების შემთხვევაში, კომუნიკაციის სხვადასხვა ფორმის გამოყენებით.
  • ინდოეთის რესპუბლიკიდან მომავალი ნებისმიერი სტუდენტი, ასევე სტუდენტები, რომლებსაც აქვთ უკანასკნელი 14 დღის განმავლობაში ინდოეთის რესპუბლიკაში მოგზაურობის ისტორია, საზღვარზე წარადგენენ ნებისმიერი ტიპის კოვიდვაქცინის სრული კურსის (ორი დოზა, ხოლო johnson&Johnson ვაქცინაციის შემთხვევაში − ერთი დოზა) დამადასტურებელ დოკუმენტს, საქართველოში ვიზიტამდე ბოლო 72 საათში ჩატარებული PCR ტესტის ნეგატიურ პასუხს და ექვემდებარებიან 14-დღიან სავალდებულო კარანტინს, ხოლო სავალდებულო კარანტინის გავლის შემდგომ PCR ტესტირების ჩატარებას.

არ დაგავიწყდეთ !!!

Momsedu.ge-მ თქვენთვის, ქალებისთვის შექმნა ახალი სივრცე, სადაც ყველაზე მცოდნე დედები იყრიან თავს. ჯგუფის დასახელებაც სწორედ ასეა - „მცოდნე დედების ჯგუფი“, რომლის საშუალებით დედები ერთმანეთს საკუთარ გამოცდილებას გაუზიარებენ. (ჯგუფში გასაწევრიანებლად ნახეთ ბმული - „მცოდნე დედების ჯ​გუფი“)

შეიძლება დაინტერესდეთ

ვაქცინირებული პირებისთვის როდის არის დასაშვები შენობაში ყოფნა ნიღბის გარეშე, კარანტინის და ტესტირებისგან თავის აცილება...

ვაქცინირებული პირებისთვის როდის არის დასაშვები შენობაში ყოფნა ნიღბის გარეშე, კარანტინის და ტესტირებისგან თავის აცილება...

ინფექციონისტი მაია ბუწაშვილი იმ შეზღუდვების შესახებ წერს, რომლებიც კორონავირუსზე ვაქცინირებული პირებისთვის კვლავ ძალაში რჩება.

„აშშ-ის დაავადებათა კონტროლის ცენტრმა 8 მარტს განაახლა რეკომენდაციები კორონავირუსზე ვაქცინირებული პირებისთვის შეზღუდვების წესების შესახებ.

რეკომენდაციების მიხედვით სრულად ვაქცინირებული ადამიანებისათვის კვლავ ძალაშია:
  • საზოგადოებრივ ადგილებში ნიღბის ტარება და ფიზიკური დისტანცირება
  • საშუალო და დიდი ზომის თავშეყრაში მონაწილეობის აკრძალვა
  • შესაბამისი სიმპტომების შემთხვევაში კოვიდზე ტესტირება
  • ცალკეული კომპანიის მიერ დაწესებული შეზღუდვების შესრულება
  • მოგზაურობისას დაწესებული შეზღუდვები
  • ნიღბის ტარება და ფიზიკური დისტანცირება იმ არავაქცინირებულ პირთან ერთად ყოფნის დროს, ვისაც აქვს კოვიდის გართულებების მაღალი რისკი ან ყავს მაღალი რისკის ოჯახის წევრი
  • ნიღბის ტარება და ფიზიკური დისტანცირება სხვადასხვა ოჯახების არავაქცინირებულ წარმომადგენლებთან ერთად ყოფნის დროს.
სრულად ვაქცინირებული პირებისთვის დაშვებულია შემდეგი:
  • სხვა ვაქცინირებულ პირებთან ერთად შენობაში ყოფნა ნიღბის გარეშე
  • ნიღბის გარეშე ერთი ოჯახის წარმომადგენელ იმ არავაქცინირებულ პირებთან ერთად შენობაში ყოფნა, რომელთაც აქვთ კოვიდ გართულების დაბალი რისკი
  • კოვიდთან კონტაქტის შემდეგ სიმპტომების არარსებობის შემთხვევაში კარანტინის და ტესტირებისგან თავის აცილება,“ - წერს მაია ბუწაშვილი.

წაიკითხეთ სრულად