Baby Bag

იმუნიზაციის ცენტრებში განათლების სისტემის თანამშრომლებისთვის დამატებით ამცრელი კაბინეტები ამოქმედდა

იმუნიზაციის ცენტრებში განათლების სისტემის თანამშრომლებისთვის დამატებით ამცრელი კაბინეტები ამოქმედდა

სასწავლო წლის დაწყებამდე მასწავლებლები და აკადემიური პერსონალი მასობრივი ვაქცინაციის პროცესში აქტიურად ერთვებიან. დღეიდან საქართველოს მასშტაბით მოქმედ იმუნიზაციის ყველა ცენტრში დამატებით ამოქმედდა ამცრელი კაბინეტი, სადაც საჯარო და კერძო სკოლების მასწავლებლები, პროფესიული მასწავლებლები, პროფესორ-მასწავლებლები, მეცნიერები, ადმინისტრაციული პერსონალი და სამინისტროს დაქვემდებარებაში მყოფი სსიპ-ების თანამშრომლები წინასწარი რეგისტრაციის გარეშე შეძლებენ სასურველი ვაქცინით აცრას. მსურველები არჩევანს გააკეთებენ ფაიზერის, სინოფარმისა და სინოვაკის ვაქცინებს შორის.

მასწავლებელთა იმუნიზაციის პროცესს სახელმწიფო სამედიცინო უნივერსიტეტში დღეს განათლებისა და მეცნიერების მინისტრის პირველი მოადგილე ეკატერინე დგებუაძე და ჯანდაცვის მინისტრის მოადგილე თამარ გაბუნია დაესწრნენ.

ეკატერინე დგებუაძე: „მადლობა მინდა გადავუხადო ჯანდაცვის სამინისტროს, რომლის მხარდაჭერით სპეციალურად მასწავლებლებისთვის და განათლების სისტემაში დასაქმებული ნებისმიერი თანამშრომლისთვის იმუნიზაციის ყველა ცენტრში ამოქმედდა ამცრელი კაბინეტები. მათ შესაძლებლობა აქვთ, მოვიდნენ ამ სივრცეებში და რეგისტრაციის გარეშე გაიკეთონ სასურველი ვაქცინა. ეს არის უაღრესად მნიშვნელოვანი პროცესი, რათა მოვემზადოთ ახალი სასწავლო წლისთვის“.

თამარ გაბუნია: „საგანმანათლებლო სისტემის პერსონალის ვაქცინაცია მიმდინარეობს სპეციალურად გამოყოფილ სივრცეებში. განათლებისა და მეცნიერების სამინისტრო დაუკავშირდება საგანმანათლებლო დაწესებულებებს, იმუშავებს მათთან ერთად, რათა ჩვენ გვქონდეს ინფორმაცია ასაცრელი პირების რაოდენობის შეახებ, მზად დავხვდებით იმგვარად, რომ არ დასჭირდეთ წინასწარი რეგისტრაცია და მათთვის მოსახერხებელ დროს ჩაიტარონ ვაქცინაცია სასურველი ვაქცინით“.

განათლების სფეროს წარმომადგენელთა იმუნიზაციის პროცესი ქვეყნის მასშტაბით აქტიურად მიმდინარეობს. ამ დროისათვის ვაქცინირებულია მასწავლებელთა 20%-ზე მეტი. სახელმწიფომ ასევე დაუშვა 16 წელს გადაცილებულ პირთა ვაქცინაციაც, მხოლოდ მშობლის ნებართვით.

შეგახსენებთ, ვაქცინაცია ნებაყოფლობითია და მხოლოდ სახელმწიფოს მიერ დადგენილ ასაკობრივ ჯგუფებზე ვრცელდება. 


შეიძლება დაინტერესდეთ

2021 წელს გამოცდაზე ანალიტიკური წერა 4 კრიტერიუმით ფასდება - ტრენინგი, რომელიც მაქსიმალური ქულის მოპოვებაში დაგეხმარებათ

2021 წელს გამოცდაზე ანალიტიკური წერა 4 კრიტერიუმით ფასდება - ტრენინგი, რომელიც მაქსიმალური ქულის მოპოვებაში დაგეხმარებათ

პედაგოგთა პროფესიული ზრდის ცენტრში ტრენინგები იწყება. ამჯერად ცენტრი პედაგოგებს დაწყებით კომბინირებულ სრულ კურსს სთავაზობს. 

სრული კურსი მოიცავს ყველა საჭირო თეორიულ მასალასა და სავარჯიშოებს. ტრენერი, რომელიც ჩაატარებს ტრენინგებს თავად ასწორებს მასწავლებლის გამოცდებს - ის შეგასწავლით მეთოდებს, თუ როგორ სწორდება თქვენი ნაწერები.

ტრენინგს წაიკითხავს თსუ-ს სერტიფიცირებული ტრენერი სოფო ბიბილაშვილი. 

მეცადინეობები ჩატარდება კვირაში 3-ჯერ, თითო სემინარის ხანგრძლივობა 2 საათია.  ტრენინგი გრძელდება 2 თვე (თეორიული მასალის დამუშავება, განვლილი წლის ტესტების გარჩევა და გასწორების მეთოდის სწავლება) გადასახადი თვეში 90 ლარი. 

რეგისტრაციის ბოლო ვადაა 30 აპრილი, 18:00 საათი. 

ტრენინგები დაიწყება 5 მაისიდან!

რეგისტრაციისთვის ეწვიეთ ბმულს: დარეგისტრირდით აქ.

დეტალური ინფორმაციისთვის დარეკეთ ნომერზე - 592 477 277.

იხილეთ ვიდეო, სადაც ტრენერი გამოცდის შესახებ საინტერესო ინფორმაციას მოგაწვდით ☝️

R. 

წაიკითხეთ სრულად