Baby Bag

იმუნიზაციის ცენტრებში განათლების სისტემის თანამშრომლებისთვის დამატებით ამცრელი კაბინეტები ამოქმედდა

იმუნიზაციის ცენტრებში განათლების სისტემის თანამშრომლებისთვის დამატებით ამცრელი კაბინეტები ამოქმედდა

სასწავლო წლის დაწყებამდე მასწავლებლები და აკადემიური პერსონალი მასობრივი ვაქცინაციის პროცესში აქტიურად ერთვებიან. დღეიდან საქართველოს მასშტაბით მოქმედ იმუნიზაციის ყველა ცენტრში დამატებით ამოქმედდა ამცრელი კაბინეტი, სადაც საჯარო და კერძო სკოლების მასწავლებლები, პროფესიული მასწავლებლები, პროფესორ-მასწავლებლები, მეცნიერები, ადმინისტრაციული პერსონალი და სამინისტროს დაქვემდებარებაში მყოფი სსიპ-ების თანამშრომლები წინასწარი რეგისტრაციის გარეშე შეძლებენ სასურველი ვაქცინით აცრას. მსურველები არჩევანს გააკეთებენ ფაიზერის, სინოფარმისა და სინოვაკის ვაქცინებს შორის.

მასწავლებელთა იმუნიზაციის პროცესს სახელმწიფო სამედიცინო უნივერსიტეტში დღეს განათლებისა და მეცნიერების მინისტრის პირველი მოადგილე ეკატერინე დგებუაძე და ჯანდაცვის მინისტრის მოადგილე თამარ გაბუნია დაესწრნენ.

ეკატერინე დგებუაძე: „მადლობა მინდა გადავუხადო ჯანდაცვის სამინისტროს, რომლის მხარდაჭერით სპეციალურად მასწავლებლებისთვის და განათლების სისტემაში დასაქმებული ნებისმიერი თანამშრომლისთვის იმუნიზაციის ყველა ცენტრში ამოქმედდა ამცრელი კაბინეტები. მათ შესაძლებლობა აქვთ, მოვიდნენ ამ სივრცეებში და რეგისტრაციის გარეშე გაიკეთონ სასურველი ვაქცინა. ეს არის უაღრესად მნიშვნელოვანი პროცესი, რათა მოვემზადოთ ახალი სასწავლო წლისთვის“.

თამარ გაბუნია: „საგანმანათლებლო სისტემის პერსონალის ვაქცინაცია მიმდინარეობს სპეციალურად გამოყოფილ სივრცეებში. განათლებისა და მეცნიერების სამინისტრო დაუკავშირდება საგანმანათლებლო დაწესებულებებს, იმუშავებს მათთან ერთად, რათა ჩვენ გვქონდეს ინფორმაცია ასაცრელი პირების რაოდენობის შეახებ, მზად დავხვდებით იმგვარად, რომ არ დასჭირდეთ წინასწარი რეგისტრაცია და მათთვის მოსახერხებელ დროს ჩაიტარონ ვაქცინაცია სასურველი ვაქცინით“.

განათლების სფეროს წარმომადგენელთა იმუნიზაციის პროცესი ქვეყნის მასშტაბით აქტიურად მიმდინარეობს. ამ დროისათვის ვაქცინირებულია მასწავლებელთა 20%-ზე მეტი. სახელმწიფომ ასევე დაუშვა 16 წელს გადაცილებულ პირთა ვაქცინაციაც, მხოლოდ მშობლის ნებართვით.

შეგახსენებთ, ვაქცინაცია ნებაყოფლობითია და მხოლოდ სახელმწიფოს მიერ დადგენილ ასაკობრივ ჯგუფებზე ვრცელდება. 


შეიძლება დაინტერესდეთ

Mastercard Kings Georgia-სთან თანამშრომლობას იწყებს

Mastercard Kings Georgia-სთან თანამშრომლობას იწყებს

Mastercard, ციფრული გადახდების ლიდერი საქართველოში, მომხმარებელს გამუდმებით სთავაზობს სხვადასხვა საინტერესო პროექტსა და ინიციატივას. ამჯერად, Kings Georgia-სთან თანამშრომლობით, Mastercard საგანმანათლებლო პროექტების მხარდასაჭერად ახალ პროექტს იწყებს. შეგახსენებთ, რომ თითქმის ერთი წელია ქვეყანაში დისტანციური სწავლება მიმდინარეობს. ამ დრომდე უცნობია, როდის აღდგება სრულფასოვანი სასწავლო პროცესი სკოლებში, თუმცა ასეთ რეალობაში, საგანმანათლებლო პლატფორმის მხარდაჭერა, განსაკუთრებით მნიშვნელოვანია.

თანამშრომლობის ფარგლებში, Kings-ის პროგრამებზე რეგისტრაციის დროს, Mastercard-ის ბარათით გადახდის შემთხვევაში, მომხმარებლები 20%-იან ქეშბექს მიიღებენ. აღნიშნული პროექტი შეეხება Kings მარათონსა და საგნობრივ ოლიმპიადას. გარდა ამისა, 20%-იანი ქეშბექი აქტიური იქნება ოლიმპიადებისთვის მოსამზადებელი წიგნების შეძენის შემთხვევაშიც. ხოლო II-დან VI კლასის ჩათვლით პირველ ადგილზე გასული მოსწავლე, Mastercard-ისგან ერთწლიან სტიპენდიას მიიღებს.

12 დეკემბრიდან 28 დეკემბრის ჩათვლით, დარეგისტრირდი Kings-ის საგანმანათლებლო მარათონზე, გადაიხადე მონაწილეობის საფასური Mastercard-ის ბარათით და დაიბრუნე თანხის 20% შენს ანგარიშზე, მოხვდი წარმატებულ მოსწავლეთა ელექტრონულ დაფაზე და მიიღე ყოველთვიური სტიპენდია Mastercard-ისგან!

Kings Georgia საერთაშორისო მასშტაბით ცნობილი ქართული საგანმანათლებლო ორგანიზაციაა, რომელიც განათლების სფეროში 2012 წლიდან მოღვაწეობს.

Kings-მიზანია, სწავლისადმი მოტივაციის ამაღლებით, გაზარდოს ზოგადი განათლების დონე საქართველოში და მოსწავლეებს სხვადასხვა სასწავლო აქტივობა შესთავაზოს.

აღმოაჩინე ახალი შესაძლებლობები Mastercard-თან ერთად!

Mastercard-ის შესახებ:

მასტერქარდი ((NYSE: MA), www.mastercard.com, არის ტექნოლოგიური კომპანია გადახდების გლობალურ ინდუსტრიაში. ჩვენ ვმართავთ მსოფლიოში გადახდის ყველაზე სწრაფ საპროცესინგო ქსელს, რომელიც ერთმანეთთან აკავშირებს მომხმარებლებს, ფინანსურ ინსტიტუტებს, სავაჭრო ქსელებს, მთავრობასა და ბიზნესს 210-ზე მეტ ქვეყანაში. მასტერქარდის პროდუქტები და სისტემები უფრო აადვილებს, უსაფრთხოსა და ეფექტურს ხდის ყოველდღიურ სავაჭრო საქმიანობას, როგორიცაა შოპინგი, მოგზაურობა, ბიზნესისა და ფინანსების მართვა.

მედია კონტაქტი:

თეკლა ვეკუა

teklaveku@gmail.com

R.

წაიკითხეთ სრულად