Baby Bag

ელექტრონულ ჟურნალთან დაკავშირებით განათლების მართვის საინფორმაციო სისტემა ინფორმაციას ავრცელებს

ელექტრონულ ჟურნალთან დაკავშირებით განათლების მართვის საინფორმაციო სისტემა ინფორმაციას ავრცელებს

ელექტრონულ ჟურნალთან დაკავშირებით განათლების მართვის საინფორმაციო სისტემა ინფორმაციას ავრცელებს, რომელსაც ​MomsEdu.ge უცვლელად გთავაზობთ:

,,​სასწავლო წლის ბოლო დღის (15 ივნისი) შემდეგ განათლების მართვის საინფორმაციო სისტემა ამოიღებს ყველა კლასის შეფასებას,( 12 კლასი უკვე გადაგზავნილია) რომელიც პედაგოგის მიერ განხორციელებულა ელექტრონულ ჟურნალში და ეტაპობრივად, უახლოეს დღეებში რესურსცენტრის საშუალებით გადაეგზავნება სკოლებს.

ელექტრონული ჟურნალი არ გაიხსნება. იქიდან გამომდინარე, რომ სასწავლო წელი დასრულდა, ჟურნალში მუშაობა/რედაქტირება აღარ შეგეძლებათ. შეფასების გამოთვლა შეგიძლიათ ქვემოთ მოცემული მითითების მიხედვით:

სკოლა, რომელიც 2020-2021 სასწავლო წლის განმავლობაში აწარმოებდა მხოლოდ საკლასო ჟურნალს, მოსწავლეთა როგორც პირველი და მეორე სემესტრის, ასევე - წლიური შეფასებების გამოთვლა უნდა განახორციელოს საკლასო ჟურნალის მიხედვით.

სკოლა, რომელიც 2020-2021 სასწავლო წლის განმავლობაში აწარმოებდა მხოლოდ ელექტრონულ ჟურნალს, მოსწავლეთა როგორც პირველი და მეორე სემესტრის, ასევე - წლიური შეფასებების გამოთვლა უნდა განახორციელოს მართვის სისტემის მიერ მიწოდებული ექსელის ფაილისა და ელექტრონულ ჟურნალში მასწავლებლის მიერ აღურიცხავი შეფასებების მიხედვით.

იმ შემთხვევაში, თუ ელექტრონულ ჟურნალში ასახული შეფასებები ზუსტია, სკოლამ უნდა გამოთვალოს მოსწავლეთა სემესტრული და წლიური შეფასებები და უზრუნველყოს მისი შესაბამისი აქტით დამტკიცება, ხოლო უზუსტობის დადგენის შემთხვევაში, თავისი შეხედულებით უზრუნველყოს ინფორმაციის შესწორება/რედაქტირება, სემესტრული და წლიური შეფასებების გამოთვლა და უზრუნველყოს მისი შესაბამისი აქტით დამტკიცება,'' - აღნიშნულია ინფორმაციაში. 

Momsedu.ge-მ თქვენთვის, მასწავლებლებისთვის შექმნა ახალი სივრცე - „მასწავლებლების სანდო წყარო“, სადაც ყოველდღიურად ქვეყნდება საგანმანათლებლო სფეროს სიახლეები. გადმოდით ბმულზე და მოიწონეთ - „მასწავ​ლებლების სანდო წყარო“.

შეიძლება დაინტერესდეთ

ინფორმაცია იმ პრაქტიკოსი მასწავლებლებისთვის, რომლებიც უფროსის სტატუსის მინიჭებას ამ დრომდე ელოდებიან

ინფორმაცია იმ პრაქტიკოსი მასწავლებლებისთვის, რომლებიც უფროსის სტატუსის მინიჭებას ამ დრომდე ელოდებიან

იმ ​პრაქტიკოს მასწავლებლებს, უფროსის სტატუსის მინიჭებას ამ დრომდე ელოდებიან (წარდგენილნი არიან), ახალი სტატუსი კვირის ბოლომდე აესახებათ, - ამის შესახებ Moms.ge-ს მასწავლებელთა პროფესიული განვითარების ეროვნულ ცენტრში განუცხადეს.

სტატუსის მინიჭების მეორე ეტაპი 25 იანვრიდან დაიწყო და კვირის ბოლომდე გაგრძელდება,“ - აღნიშნეს მასწავლებლის სახლში.

შეგახსენებთ, რომ სტატუსის მინიჭების პირველი ეტაპი დაახლოებით 2 კვირის წინ დაიყო. რაც შეეხება იმ პრაქტიკოს მასწავლებლებს, ვისაც უფროსის სტატუსის მოსაპოვებლად საკმარისი კრედიტქულა არ აქვთ, მასწავლებლის სახლი უფასო 5 კრედიტქულიან ტრენინგებს სთავაზობს. დეტალები იხილეთ მასწავლებელთა პროფესიული განვითარების ეროვნული ცენტრის ხელმძღვანელთან, ბერიკა შუკაკიძესთან ​ინტერვიუში.

თუ გინდათ, რომ განათლების სფეროში მიმდინარე სიახლეების შესახებ ინფორმირებულები იყოთ, მოიწონეთ გვერდი „მასწავლებლების ს​ანდო წყარო“.
წაიკითხეთ სრულად