Baby Bag

ტრენინგი სპეციალური მასწავლებლებისთვის

ტრენინგი სპეციალური მასწავლებლებისთვის
პირველი მარტის 10:00 საათიდან 31 მარტის 18:00 საათამდე მიმდინარეობს რეგისტრაცია მასწავლებელთა საგნის გამოცდის, საგნობრივი და პროფესიული კომპეტენციების დასადასტურებლად, აგრეთვე, უფროსი სპეციალური მასწავლებლის გამოცდისათვის.

,,იქიდან გამომდინარე, რომ სსიპ მასწავლებელთა პროფესიული განვითარების ეროვნული ცენტრის პრიორიტეტს წარმოადგენს სისტემაში მომუშავე სპეციალური განათლებლის მასწავლებელთა მხარდაჭერა, მასწავლებლის სახლის ტრერენერები და კონსულტანტები მასწავლებლებს იმ საყურადღებო თემების მიმოხილვას შესთავაზებენ, რომლებსაც უნდა აკმაყოფილებდეს სპეციალური განათლების მასწავლებლის პროფესიული კომპეტენცია,'' - აღნიშნულის მასწავლებლის სახლის მიერ გავრცელებულ ინფორმაციაში. 

NAEC. GE ზე მასწავლებლებს შეუძლიათ იხილონ სპეციალური მასწავლებლის საგამოცდო ტექსტის აღწერა: https://naec.ge/#/ge/post/323

სსიპ მასწავლებელთა პროფესიული განვითარების ეროვნული ცენტრი სპეციალურ მასწავლებლებს შესთავაზებს სხვადასხვა ტიპის რესურს (ტრენინგი, ვებინარი) რომელიც დაეხმარებათ პროფესიულ განვითარებაში და კომპეტენციის დადასტურებაში.

სპეციალურ მასწავლებელთა საგამოცდოდ მოსამზადებელი ტრენინგისთვის გამოცხადდება რეგისტრაცია მასწავლებლის სახლის ვებ გვერძე. (ტრენინგის გავლის უფლება აქვთ იმ პრაქტიკოს სპეციალურ მასწავლებლებს, რომელნიც დარეგისტრირდებიან სპეციალური მასწავლებლის გამოცდაზე).

ვებინარების სერია აგებულია რეალისტურ ხედვაზე და ემსახურება ზოგადსაგანმანათლებლო დაწესებულებაში გავრცელებულ, ხშირად წამოჭრილ პრობლემებზე პასუხის გაცემას.

სპეციალისტები შესთავაზებენ სპეციალური განათლების მასწავლებლებს იმ სასწავლო ლიტერატურის და სამუშაო რესურსების მიმოხილვას, რომლებიც ამჟამად ხელმისაწვდომია საგანმანათლებლო რესურს სივრცეში.

გზამკვლევები მასწავლებლებისთვის ინკლუზიური განათლებაში

სწავლების უნივერსალური დიზაინი, დიფერენცირეული მიდგომები, განვითარების და სწავლის თეორიები

სასკოლო კულტურა და პოზიტიური კლიმატი

პოზიტიური ქცევის მხარდაჭერა სასკოლო , საკლასო და ინდივიდუალურ დონეზე

კლასის მართვა, მიდგომები და სტრატეგიები , სოციალური უნარებისა და კომპეტენციების სწავლება

● მოსწავლის შეფასება და ინდივიდუალური სასწავლო გეგმა

● მშობლის როლი ჩართულობა სასკოლო ცხოვრებაში, თანამშრომლობა სასკოლო სივრცეში, ინკლუზიური განათლების მხარდამჭერი გუნდი სკოლაში.

სპეციალური საგანმანათლებლო საჭიროების მქონე მოსწავლის ტრანზიცია


დამატებითი რესურსები

https://caritas.ge/media

შეიძლება დაინტერესდეთ

„ცვლილების თანახმად, თუ უფროსი მასწავლებელი, რომელიც წამყვანობისთვის აბარებს გამოცდას და მენტორობისთვის დაწესებულ ზღვარს გადალახავს, მას მენტორობისთვის განკუთვნილი გამოცდის ჩაბარება აღარ მოუწევს“

„ცვლილების თანახმად, თუ უფროსი მასწავლებელი, რომელიც წამყვანობისთვის აბარებს გამოცდას და მენტორობისთვის დაწესებულ ზღვარს გადალახავს, მას მენტორობისთვის განკუთვნილი გამოცდის ჩაბარება აღარ მოუწევს“

მასწავლებელთა პროფესიული განვითარების ეროვნული ცენტრის მასწავლებლის პროფესიის რეგულირების პროგრამის ხელმძღვანელმა ხათუნა ბარაბაძემ ​ახალ განათლებასთან მიცემულ ინტერვიუში სქემაში ცვლილებები განმარტა. როგორც მან უფროს მასწავლებლებზე საუბრისას აღნიშნა, მათთვის წამყვან მასწავლებლობამდე სქემაში ახალი გზა არის გაწერილი:

„როგორ ცნობილია, უფროსი მასწავლებლებისთვის განკუთვილი გარე დაკვირვება, რომელიც გასულ სასწავლო წელს, გაზაფხულზე, უნდა ჩატარებულიყო, კოვიდ პანდემიის გამო გადაიდო და რეალურად, ეს მასწავლებლები აღმოჩნდნენ დაზარალებულები, რადგან მათ, 2019-2020 სასწავლო წლის დასაწყისისთვის, შესაბამისი კრედიტქულები მოგროვილი ჰქონდათ და გარე დაკვირვების გავლა ეკუთვნოდათ. ეს ყველაფერი კალენდრითაც გაწერილი იყო, მაგრამ, როგორც უკვე გითხარით, პანდემიის გამო, სკოლებში სასწავლო პროცესი შეფერხდა და მთლიანად დისტანციურ ფორმატზე გადავიდა. ამის შემდეგ მოხდა დისტანციური სწავლების აღიარება და შესაბამისი საკანონმდებლო ცვლილებაც განხორციელდა. აქედან გამომდინარე, ჩვენ გარე დაკვირვების დისტანციური რუბრიკა მოვამზადეთ. ბუნებრივია, ამ ყველაფერს გარკვეული დრო დასჭირდა. ცვლილება განხორციელდა გარე დაკვირვების წესშიც და უფროს მასწავლებლებს, სექტემბრიდან, რუბრიკის გავლის შესაძლებლობა მიეცათ - პირისპირ ან დისტანციურად. ჩვენ ორივე ტიპის გარე დაკვირვების განსახორციელებლად ვიყავით მზად, თუმცა, კოვიდ სიტუაციის გამო, პროცესი ახლა ისევ შეფერხდა. შეიზღუდა გადაადგილება, იმ მასწავლებლებს კი, რომლებსაც პირისპირ სურთ გარე დაკვირვების გავლა, შექმნილი სიტუაციიდან გამომდინარე, ვერ დავაკვირდებით.

3080 დარეგისტრირებული მასწავლებლიდან, უმეტესობამ გარე დაკვირვება უკვე გაიარა - ნაწილმა პირისპირ, ნაწილმა დისტანციურად; 500-მდე მასწავლებელია დარჩენილი, ვინც, ასე ვთქვათ, არ ისურვა დისტანციურ რეჟიმში დაკვირვება. მართალია, რაიონებში ჯერ კიდევ შენარჩუნებულია პირიპირ სწავლება, მაგრამ სრულად შეიზღუდა მუნიციპალური ტრანსპორტი და დამკვირვებლებს რეალურად გაუჭირდებათ სკოლაში მისვლა. ამიტომ, საჭიროებიდან გამომდინარე, განათლების სამინისტრომ სასწრაფო წესით განახორციელა ცვლილება, რომლის თანახმადაც, მასწავლებლებს უფლება მიეცემათ, იმ შემთხვევაში, თუ პირისპირ დაკვირვებას აირჩევენ, დაელოდონ სკოლებში სწავლის განახლებას, ანუ მათ გარე დაკვირვების დრო მეორე სემესტრის განმავლობაში გაუხანგრძლივდათ. თუ დისტანციურად გადაწყვეტენ გარე დაკვირვების განხორციელებას, რასაკვირველია, დისტანციურად დავაკვირდებით. ასე რომ, პირისპირ დაკვირვება დამოკიდებული იქნება რეგულაციებზე, რომელსაც სახელმწიფო გამოაცხადებს. იმ შემთხვევაში, თუ მეორე სემესტრის ბოლომდე სკოლები არ გაიხსნება, მაშინ მათ გარე დაკვირვების დისტანციურად გავლა უნდა შეძლონ, სხვა გამოსავალი არ ექნებათ.

ხაზგასმით მინდა გითხრათ, რომ ეს ეხება მხოლოდ იმ უფროს მასწავლებლებს, ვინც დარეგისტრირებული იყვნენ გარე დაკვირვების რუბრიკაზე. დანარჩენი უფროსი მასწავლებლები ერთმნიშვნელოვნად არ განიხილებიან, მათთვის წამყვან მასწავლებლობამდე სქემაში ახალი გზა არის გაწერილი და აქაც საკმაოდ საინტერესო ცვლილება შევიდა, ვფიქრობ, ეს ცვლილებაც დააინტერესებთ მასწავლებლებს. სქემის ბოლო რედაქციაში, რომელიც 26 ივნისს დამტკიცდა, ასეთი ჩანაწერი იყო: უფროს მასწავლებელს წამყვანობისა და მენტორობისთვის ცალ-ცალკე, ანუ ორჯერ უწევდათ გამოცდის ჩაბარება. ცვლილების თანახმად კი, ახლა, თუ უფროსი მასწავლებელი, რომელიც წამყვანობისთვის აბარებს გამოცდას და მენტორობისთვის დაწესებულ ზღვარს გადალახავს, მას მენტორობისთვის განკუთვნილი გამოცდის ჩაბარება აღარ მოუწევს. ეს იმას ნიშნავს, რომ თავისუფალია გამოცდის კომპონენტისგან და მენტორის სტატუსისთვის განკუთვნილ სხვა დანარჩენ აქტივობებს განახორციელებს.

კიდევ ერთი ცვლილება აკადემიური ხარისხის მოპოვებას ეხება – ადრე არსებული წესით, მასწავლებელს, რომელიც აკადემიურ ხარისხს მოიპოვებდა, პირდაპირ ენიჭებოდა წამყვანის სტატუსი, მაგრამ ეს ჩანაწერი ახალ სქემაში აღარ არის და აღმოჩნდა, რომ იმ ადამიანებს, რომლებმაც, ამ ხნის განმავლობაში, დოქტორის ხარისხის მოსაპოვებლად იმუშავეს და მხოლოდ დაცვა დარჩათ, ამდენი შრომა წყალში უნდა ჩაყროდათ. გავითვალისწინეთ მათი თხოვნა და მივეცით უფლება, დაცვის შემდეგ მოგვმართონ სტატუსის მისანიჭებლად. აქვე გეტყვით, რომ ასეთი ადამიანების რიცხვი ძალიან მცირეა - 2-3 ადამიანია,“ - აღნიშნა ხათუნა ბარაბაძემ.

ინტერვიუ ვრცლად იხილეთ ბმულზე - ​ახალი განათლება

წაიკითხეთ სრულად