Baby Bag

მიხეილ ჩხენკელი: „გრიფირების პროცესში მშობლები აქტიურად ჩაერთვებიან“

მიხეილ ჩხენკელი: „გრიფირების პროცესში მშობლები აქტიურად ჩაერთვებიან“

სასკოლო სახელმძღვანელოებთან დასმულ შეკითხვასთან დაკავშირებით, საქართველოს განათლების, მეცნიერების, კულტურისა და სპორტის მინისტრობის კანდიდატმა მიხეილ ჩხენკელმა დიდი იმედი გამოთქვა, რომ ამ პროცესში მოსწავლეთა მშობლები აქტიურად ჩაერთვებიან, რისი შესაძლებლობაც სამინისტრომ მათ კანონით მისცა.

„სახელმძღვანელოების გრიფირება ძალიან მნიშვნელოვანი საკითხია. ამ ეტაპზე მიმდინარეობს მე-9 კლასის სახელმძღვანელოების გრიფირების პროცესი, რომელშიც ჩავრთავთ ყველა დაინტერესებულ მხარეს, მათ შორის, მშობლებს. ამისთვის შეიქმნა ელექტრონული პორტალი, სადაც ყველას შეეძლება საკუთარი აზრის გამოხატვა. დიდი იმედი მაქვს, რომ მშობლები აქტიურად ჩაერთვებიან ამ პროცესში. მათ ექნებათ საშუალება, გაეცნონ გრიფირებისათვის წარმოდგენილი სახელმძღვანელოების მაკეტებს და გააკეთოთ თავიანთი კომენტარი.

დამერწმუნეთ, რომ ჩვენ ძალიან დეტალურად წავიკითხავთ საზოგადოების, მშობლების მოსაზრებებს. მართალია, ჩვენ გვყავს საექსპერტო კომისიები, რომლებიც ყველა სიტყვას აწონიან, რაც არის სახელმძღვანელოში, მაგრამ მშობლების ჩართულობა ძალიან მნიშვნელოვანია“, – განაცხადა მიხეილ ჩხენკელმა.

აღსანიშნავია, რომ გრიფირების ადმინისტრირების ელექტრონული სისტემა მიმდინარე წლის გაზაფხულიდან გააქტიურდება.

შეიძლება დაინტერესდეთ

​აკადემიაში მასწავლებლის მომზადების 60-კრედიტიან პროგრამაზე რეგისტრაცია დაიწყო!

​აკადემიაში მასწავლებლის მომზადების 60-კრედიტიან პროგრამაზე რეგისტრაცია დაიწყო!

აკადემიაში მასწავლებლის მომზადების 60-კრედიტიან პროგრამაზე რეგისტრაცია დაიწყო!

🎓 დაწყებითი საფეხურის (I-VI კლასი) მათემატიკის მასწავლებლის მომზადების საგანმანათლებლო პროგრამა;
🎓 დაწყებითი საფეხურის (I-IV კლასი) ქართული ენა და ლიტერატურის, მათემატიკის, ბუნებისმეტყველების მასწავლებლის მომზადების საგანმანათლებლო პროგრამა;
🎓 ქართულის, როგორც მეორე/უცხოური ენის (დაწყებითი-საბაზო-საშუალო საფეხური) მასწავლებლის მომზადების საგანმანათლებლო პროგრამა.

რეგისტრაციისათვის გადადით ბმულზე 👇👇👇

https://docs.google.com/forms/d/e/1FAIpQLSf7GojqL0w2AXL2SeS-sW1ptgBETO8y4hgkwRH-ieP8hz61Xg/viewform?usp=pp_url

წაიკითხეთ სრულად