Baby Bag

„იმ შემთხვევაში, თუ სკოლაში ინფექციის იდენტიფიცირება მოხდება, სკოლა ვალდებულია მიმართოს ადგილობრივი ჯანდაცვის ცენტრს,“ - ეკატერინე დგებუაძე

„იმ შემთხვევაში, თუ სკოლაში ინფექციის იდენტიფიცირება მოხდება, სკოლა ვალდებულია მიმართოს ადგილობრივი ჯანდაცვის ცენტრს,“ - ეკატერინე დგებუაძე

​​საქართველოს განათლების, მეცნიერების, კულტურისა და სპორტის მინისტრის პირველმა მოადგილემ ეკატერინე დგებუაძემ იმ რეკომენდაციების შესახებ ისაუბრა, რომელთა დაცვა სკოლებს ზოგადსაგანმანათლებლო დაწესებულებებში სასწავლო პროცესის დაწყების შემდეგ ევალებათ:

„სკოლებს ეძლევათ სრული თავისუფლება იმისთვის, რომ თავიანთი საჭიროებიდან, ინფრასტრუქტურიდან გამომდინარე დააორგანიზონ სასწავლო პროცესი. წესებთან დაკავშირებით მნიშვნელოვანი შესასრულებელი ღონისძიება არის ის, რომ მოსწავლეებს შორის ერთ მეტრიანი დისტანცია უნდა არსებობდეს. მერხები უკვე ისეა განთავსებული, რომ მოსწავლეები ერთი მეტრის რადიუსზე არიან ერთმანეთისგან დაშორებული. ​სასწავლო პროცესის დაწყებამდე უნდა მოხდეს სიცხის გაზომვა. იმ შემთხვევაში, თუ სიცხე დაუფიქსირდება მოსწავლეს, ის გადადის საიზოლაციო ოთახში, სადაც ხდება ტემპერატურის გადამოწმება. თუ მას რამდენჯერმე დაუფიქსირდა ტემპერატურა, ინფორმაციას აწვდიან მშობლებს. საჭიროების შემთხვევაში გადამისამართება ხდება 112-ში.“

ეკატერინე დგებუაძის თქმით, წესებისა და რეკომენდაციების დაცვა სკოლის ადმინისტრაციის პასუხისმგებლობაა:

„საინფორმაციო კამპანიის კუთხითაც გადაიდგა ნაბიჯები. დაიბეჭდა პოსტერები, რომლებიც გაკრულია სკოლებში. თვალსაჩინოა ყველა ის ნაბიჯი და აქტივობა, რომელიც მოსწავლემ მასწავლებელთან ერთად უნდა განახორციელოს. ეს არის უკვე ​სკოლის ადმინისტრაციის პასუხისმგებლობა, როგორ დაიცავს, როგორ მიჰყვება ამ წესებს. ამ ყველაფერს მოჰყვება მონიტორინგი. გარდა ამისა, ერთ-ერთი მნიშვნელოვანი საკითხი, რომელზეც მინდა მშობლებს ინფორმაცია მივაწოდო, ეს არის სერვისი, რომელიც განათლების სამინისტრომ შეიმუშავა. იმ მშობლებს, რომლებსაც ეშინიათ, აქვთ საშუალება განაცხადი გააკეთონ, დაწერონ წერილი ან მეილიდან სკოლის ადმინისტრაციას მესიჯი გაუგზავნონ. ამ მომენტიდან სკოლა დაიწყებს კონკრეტული მოსწავლისთვის დისტანციურ ფორმატში საგაკვეთილო პროცესის ორგანიზებას. თუ მშობელს უნდა, რომ მოსწავლე დარჩეს დისტანციური სწავლების ფორმატში, ის მოსწავლე დარჩება ამ ფორმატში.“

ეკატერინე დგებუაძემ აღნიშნა, რომ სკოლაში კოვიდ-19-ის იდენტიფიცირების შემთხვევაში, სკოლამ ადგილობრივი ჯანდაცვის ცენტრს უნდა მიმართოს:

„იმ შემთხვევაში, ​თუ სკოლაში ინფექციის იდენტიფიცირება მოხდება, სკოლა ვალდებულია მიმართოს ადგილობრივი ჯანდაცვის ცენტრს. სწორედ ცენტრის რეკომენდაციის საფუძველზე მიიღება გადაწყვეტილება, სკოლა გადავიდეს სრულად დისტანციურ სწავლებაზე, თუ კონკრეტული კლასი გადავა დისტანციური სწავლების ფორმატზე. რეკომენდაციაა, რომ თუ სკოლას დასჭირდა, შაბათი დღე გამოიყენოს სასწავლო დღედ. ამ შემთხვევაში ესეც დასაშვებია. მუნიციპალური ტრანსპორტი შეზღუდულია, შესაბამისად ჩვენი რეკომენდაცია იქნება, რომ შაბათის სასწავლო დღედ გამოყენების შემთხვევაში, დისტანციურ ფორმატში ჩაატარონ გაკვეთილები.“

„მნიშვნელოვანია, რომ როდესაც ბავშვები სკოლაში დაბრუნდებიან, მასწავლებელმა მოახდინოს მათი აკადემიური მიღწევების შეფასება საკლასო ოთახის დონეზე. უნდა მოხდეს მოსწავლის შეფასება, რადემნად ძლევს იმ მიზნებს, რომლებიც მასწავლებელს აქვს დასახული. თუ გამოწვევები არსებობს, სკოლა ვალდებულია მოსწავლისთვის შეიმუშავოს ინდივიდუალური გაკვეთილები. ამ შემთხვევაში ​მხარი უნდა დავუჭიროთ მოსწავლეს, დავეხმაროთ, რომ ის არ იყოს მოწყვეტილი სასწავლო პროცესისგან,“ - აღნიშნულ თემაზე ეკატერინე დგებუაძემ საქართველოს პირველი არხის გადაცემაში „ახალი დღე“ ისაუბრა.

წყარო:​ „ახალი დღე“

1-ლი თებერვლიდან სკოლებს მოსწავლეების მისაღებად სრული მზადყოფნა აქვთ - განათლების სამინისტ...
საკოორდინაციო საბჭოს გადაწყვეტილებით, 1-ლი თებერვლიდან ზოგადსაგანმანათლებლო დაწესებულებებში მთელი ქვეყნის ტერიტორიაზე, მათ შორის, აჭარის ავტონომიური რესპუბლიკის ტერიტორიაზე მოქმედ ზოგადსაგანმანათლებლო...

შეიძლება დაინტერესდეთ

„რკინიანი ბიუსჰალტერის ტარება, შესაძლოა, მკერდის კიბოს განვითარების მაპროვოცირებელი გახდეს,“ - ლევან რატიანის რეკომენდაცია ქალბატონებს

„რკინიანი ბიუსჰალტერის ტარება, შესაძლოა, მკერდის კიბოს განვითარების მაპროვოცირებელი გახდეს,“ - ლევან რატიანის რეკომენდაცია ქალბატონებს

პირველი საუნივერსიტეტო კლინიკის დირექტორმა ლევან რატიანმა არასწორად შერჩეული ბიუსჰალტერის გამოყენების შესაძლო ნეგატიურ შედეგებზე ისაუბრა. მისი თქმით, ცუდად შერჩეული ბიუსჰალტერი უამრავი დაავადების მაპროვოცირებელი ხდება:

„არასწორად შერჩეული ბიუსჰალტერი, შესაძლოა, უამრავი დაავადების მაპროვოცირებელი გახდეს. მან შეიძლება გამოიწვიოს ზურგის ტკივილი, კუნთების დაჭიმულობა, კანის გაღიზიანება, თავის ტკივილი.

ქალბატონებმა უნდა ატარონ ბიუსჰალტერი, რომელიც არის რკინის გარეშე. რკინა მექანიკურად აწვება მკერდს, განსაკუთრებით გარეთა ზედა კვადრატში. ეს ერთ-ერთი მაპროვოცირებელი შეიძლება გახდეს მკერდის კიბოს განვითარების.“

გადაცემა „ექიმების“ წამყვანებმა ისეთი ტანსაცმლის მავნე მხარეებზეც ისაუბრეს, რომელსაც ნიკელის დეტალები აქვს:

„ნიკელმა კანთან შეხებისას ადამიანს, შესაძლოა, მისცეს ალერგიული რეაქცია. ნიკელზე ალერგია კანის ალერგიებს შორის ერთ-ერთი ყველაზე გავრცელებულია. შეიძლება ამ დროს იყოს ქავილის შეგრძნება. ვისაც აქვს ალერგია მეტალებზე, მსგავსმა ტანსაცმელმა შეიძლება გამოიწვიოს კანთან შეხების დროს ალერგიული რეაქცია, ამიტომ ყურადღებით უნდა ვიყოთ და არ ჩავიცვათ ასეთი ტიპის ტანსაცმელი.“

წყარო:​ „ექიმები“ 

წაიკითხეთ სრულად