Baby Bag

„დღეს უწყებათაშორის საბჭოს სხდომაზე მივიღეთ მნიშვნელოვანი გადაწვეტილებები განათლებასთან დაკავშირებით და მინდა მათ შესახებ მოგახსენოთ''

„დღეს უწყებათაშორის საბჭოს სხდომაზე მივიღეთ მნიშვნელოვანი გადაწვეტილებები განათლებასთან დაკავშირებით და მინდა მათ შესახებ მოგახსენოთ''

 „დღეს უწყებათაშორის საბჭოს სხდომაზე მივიღეთ მნიშვნელოვანი გადაწვეტილებები განათლებასთან დაკავშირებით და მინდა მათ შესახებ მოგახსენოთ''  - აღნიშნულის შესახებ განათლების მინისტრმა მიხეილ ჩხენკელმა განაცხადა. 

,,პირველ რიგში, გავიმეორებ, რაც წინა კვირას განვაცხადეთ, ძალაში რჩება. კერძოდ, იმ სკოლებში, სადაც სასწავლო პროცესი დისტანციურად მიმდინარეობდა 1-ლი ოქტომბრიდან I-VI კლასის მოსწავლეები ბრუნდებიან საკლასო ოთახებში. რასაკვირველია, ეს არ ეხება აჭარას.

ასევე მინდა გავიმეორო ის მნიშვნელოვანი გარემოება, რომელსაც განათლების სამინისტრო სთავაზობს I-VI კლასის მოსწავლეებს. თუ მშობელს ურჩევნია, რომ ბავშვმა გააგრძელოს სწავლა დისტანციურ ფორმატში, ეს პროცესი იქნება სრულად უზრუნველყოფილი.

რაც შეეხება სიახლეებს, მინდა გითხრათ, რომ 12 ოქტომბერს, აჭარის გარდა, მთელი ქვეყნის ტერიტორიაზე ფუნქციონირებას განაახლებენ საბავშვო ბაღები.

19 ოქტომბერს, გარდა აჭარისა, სტუდენტები დაბრუნდებიან აუდიტორებში. შესაბამისად, უნივერსიტეტები და პროფესიული სასწავლებლები არადისტანციურად განაახლებენ თავიან ფუნქციონირებას.

აქვე მინდა კიდევ ერთხელ ვთხოვო საზოგადოებას, ძალიან მნიშვნელოვანია, რომ ყველამ ზედმიწევნით დავიცვათ ჯანდაცვის რეკომენდაციები. ჩვენ მოსწავლეებს, უნივერსიტეტებისა და პროფესიული სასწავლებლების სტუდენტებს უნდა მივცეთ შესაძლებლობა, საკლასო ოთახებსა და აუდიტორიებში გააგრძელონ სწავლა.

მინდა გითხრათ, რომ დეტალურად ვაკვირდებით დინამიკას, გამოცხადებული თარიღები შერჩეულია ადაპტაციის პროცესის ეტაპების გათვალისწინებით.

რაც შეეხება VII-XII კლასის მოსწავლეებს, მათ შესახებ ახლო მომავალში დამატებით გავაკეთებთ განცხადებას,“ - დასძინა განათლების მინისტრმა. 

Momsedu.ge-მ თქვენთვის, მასწავლებლებისთვის შექმნა ახალი სივრცე - „მასწავლებლების სანდო წყარო“, სადაც ყოველდღიურად ქვეყნდება საგანმანათლებლო სფეროს სიახლეები. გადმოდით ბმულზე და მოიწონეთ - „მასწავლებლების სანდო წ​ყარო“.

თუ მშობელს დისტანციური სწავლა ურჩევნია, ამ პროცესს სკოლები უზრუნველყოფენ
„თუ მშობელს დისტანციური სწავლა ურჩევნია, ეს პროცესი სკოლების მიერ იქნება უზრუნველყოფილი,“ - ამის შესახებ განათლების, მეცნიერების, კულტურისა და სპორტის მინისტრმა მიხეილ ჩხენკელმა მთავრობის ად...

შეიძლება დაინტერესდეთ

,,ექიმები 24 საათი მუშაობენ, დასიებული და უძილო თვალებით...მიყვარს ასე გაერთიანებული საქართველო და Ჩვენი გმირები!''

,,ექიმები 24 საათი მუშაობენ, დასიებული და უძილო თვალებით...მიყვარს ასე გაერთიანებული საქართველო და Ჩვენი გმირები!''

საზოგადოებრივი მაუწყებლის ჟურნალისტი ლიკა ალელიშვილი, რომელიც მარნეულში იმყოფება სოციალურ ქსელში პოსტს აქვეყნებს, რომელსაც სიტყვა-სიტყვით გთავაზობთ: 

,,სპეციალურად მოწყობილ ერთ-ერთ გამშვებ პუნქტთან ვდგავარ, ერთ-ერთი მეთაური მოდის სამხედროებთან და Თითოეულს ეკითხება, ხომ კარგად გრძნობენ Თავს, ხომ ყველამ მიიღო საკვები, რამე პრობლემა ხომ არ აქვთ, ბოლოს ახსენებს, რომ საქართველოს ახლა აქ სჭირდება მათი ყოფნა (მე ვერ მხედავს). 

გუშინ დილით, ასევე ერთ-ერთ გამშვებ პუნქტთან მოდის აღმოსავლეთ სარდალი, გენერალი ალექსანდრე კიკნაძე, Თითოეულ სამხედროს ეკითხება რამე პრობლემა ხომ არ აქვთ, Თავს ხომ კარგად გრძნობენ, რომ ამ ვირუსთან ბრძოლას მოვიგებთ!

Შსს-ს Თანამშრომლებს, მეთაურები საათში ერთხელ აკითხავენ, საკვებს აწვდიან, კითხულობენ ხომ კარგად არიან, დღეში რამდენჯერმე აწვდიან პირბადეებს, ხელთათმანს. საპატრულო პოლიციის თანამშრომლები კი Თავის მხრივ ყველა მოქალაქეს დაუზარებლად უხსნიან რა სიმპტომები აქვს კორონას და რატომ უნდა დარჩნენ სახლში. ყოველდღე, 24 საათის განმავლობაში ასე მუშაობენ.

ექიმები 24 საათი მუშაობენ, დასიებული და უძილო თვალებით ყოველდღე კლინიკების გარდა კარდაკარ დადიან და თითოეულ მოქალაქეს სინჯავენ!

მიყვარს ასე გაერთიანებული საქართველო და Ჩვენი გმირები!

Ჩვენი ქვეყანა

Alexander Kiknadze გენერალო, განსაკუთრებული მადლობა ❤.''

არ დაგავიწყდეთ !!!

Momsedu.ge-მ თქვენთვის, ქალებისთვის შექმნა ახალი სივრცე, სადაც ყველაზე მცოდნე დედები იყრიან თავს. ჯგუფის დასახელებაც სწორედ ასეა - „მცოდნე დედების ჯგუფი“, რომლის საშუალებით დედები ერთმანეთს საკუთარ გამოცდილებას გაუზიარებენ. (ჯგუფში გასაწევრიანებლად ნახეთ ბმული - „მცოდნე დედების ჯგუფი“)

წაიკითხეთ სრულად