,,სკოლებმა სამინისტროს მიერ შეთავაზებული ყველა სიახლე დანერგეს, დაძლიეს გამოწვევები და ღირსეულად დაასრულეს სასწავლო წელი''

მასწავლებლები

სპეცმასწავლებლებისთვის 120-საათიანი ტრენინგები იგეგმება

6 წლის წინ

„სპეცმასწავლებლებისთვის განკუთვნილ 120-საათიან ტრენინგებზე რეგისტრაცია დაახლოებით იანვრის თვეში გამოცხადდება,“ - ამის შესახებ ​Yts.ge-ს მასწავლებლის პროფესიული განვითარების ეროვნულ ცენტრში განუცხადეს.
​

როგორც მასწავლებლის სახლში აღნიშნეს, ტრენინგებზე რეგისტრაციასთან დაკავშირებული ინფორმაცია მათ ​ვებგვერდზე განთავსდება. რაც შეეხება ტრენინგების ჩატარების თარიღს, ამ ეტაპზე ცენტრში კონკრეტულ დროს ვერ ასახელებენ.
​

შეგახსენებთ, რომ სპეციალურ მასწავლებლებს მასწავლებლის სტატუსი რამდენიმე თვის წინ მიენიჭათ. ზოგადი განათლების შესახებ საქართველოს კანონში ცვლილების ფარგლებში:

• ​სპეციალური მასწავლებელი გახდა მასწავლებელი;
  
• სისტემამ აღიარა ალტერნატიული და გაფართოებული სასწავლო გეგმები;
  
• სპეციალურ სკოლებს შეეცვალა სტატუსი და გახდა რესურს სკოლები;
  
• გაჩნდა ინტეგრირებული და სპეციალიზებული კლასების ტერმინთა განმარტებები.
  ​

წაიკითხეთ სრულად