Baby Bag

რესურსცენტრებისა და ზოგადსაგანმანათლებლო დაწესებულებების საყურადღებოდ!!! - განათლების სამინისტრომ ბრძანება გამოაქვეყნა

რესურსცენტრებისა და ზოგადსაგანმანათლებლო დაწესებულებების საყურადღებოდ!!!  -  განათლების სამინისტრომ ბრძანება გამოაქვეყნა

​​მე-12 კლასში შემავალი საგნის/საგნების ზოგადსაგანმანათლებლო სასწავლო პროგრამის/პროგრამების ექსტერნატის ფორმით დაძლევის გამოცდის ჩატარების და ექსტერნად რეგისტრაციის ვადის დადგენის შესახებ საქართველოს განათლების, მეცნიერების, კულტურისა და სპორტის მინისტრის ბრძანება გამოაქვეყნა. ბრძანებას განათლების მინისტრი მიხეილ ჩხენკელი აწერს ხელს.

​ბრძანების თანახმად, 

1. მე-12 კლასში შემავალი საგნის/საგნების ზოგადსაგანმანათლებლო სასწავლო პროგრამის/პროგრამების ექსტერნატის ფორმით დაძლევის: 

ა) გამოცდაზე ექსტერნად რეგისტრაციის ვადა დადგინდეს 2020 წლის 23 ივლისიდან 2020 წლის 24 ივლისის ჩათვლით; 

ბ) გამოცდის ჩატარების ვადა დადგინდეს 2020 წლის 30 ივლისიდან 2020 წლის 07 აგვისტოს ჩათვლით. 

2. დაევალოს საქართველოს განათლების, მეცნიერების, კულტურისა და სპორტის სამინისტროს ადმინისტრაციას (დეპარტამენტს) ამ ბრძანების გაცნობა საქართველოს განათლების, მეცნიერების, კულტურისა და სპორტის სამინისტროს ტერიტორიული ორგანოების - საგანმანათლებლო რესურსცენტრებისათვის და ზოგადსაგანმანათლებლო დაწესებულებებისათვის; 

3. დაევალოს საქართველოს განათლების, მეცნიერების, კულტურისა და სპორტის სამინისტროს სტრატეგიული კომუნიკაციის დეპარტამენტს ამ ბრძანების გამოქვეყნება საქართველოს განათლების, მეცნიერების, კულტურისა და სპორტის სამინისტროს ოფიციალურ ვებგვერდზე; 

4. ბრძანება ძალაშია ხელმოწერისთანავე; 

5. ბრძანება შეიძლება გასაჩივრდეს მისი გამოცემიდან ერთი თვის ვადაში თბილისის საქალაქო სასამართლოში (მის.: ქ. თბილისი, აღმაშენებლის ხეივანი მე-12 კმ., N6)

Momsedu.ge-მ თქვენთვის, მასწავლებლებისთვის შექმნა ახალი სივრცე - „მასწავლებლების სანდო წყარო“, სადაც ყოველდღიურად ქვეყნდება საგანმანათლებლო სფეროს სიახლეები. გადმოდით ბმულზე და მოიწონეთ - „მასწავლებლების სანდო​ წყარო“.

შეიძლება დაინტერესდეთ

როგორ შეიძლება საჯარო სკოლაში დასაქმება

როგორ შეიძლება საჯარო სკოლაში დასაქმება

„ზოგადი განათლების შესახებ“ საქართველოს კანონის თანახმად, ზოგადსაგანმანათლებლო დაწესებულებები, როგორც საქართველოს განათლებისა და მეცნიერების სამინისტროს სისტემაში შემავალი საჯარო სამართლის იურიდიული პირები, დამოუკიდებლად იღებენ გადაწყვეტილებას საკადრო საკითხებთან დაკავშირებით. შესაბამისად, საქართველოს განათლებისა და მეცნიერების სამინისტრო მოკლებულია შესაძლებლობას განიხილოს ნებისმიერი პირის დასაქმების საკითხი რომელიმე საჯარო სკოლაში, თუმცა, აღნიშულ თემასთან დაკავშირებით, თანამშრომლობა შესაძლებელია კონკრეტულ ზოგადსაგანმანათლებლო დაწესებულებასთან. 

მათ, ვისაც სკოლაში მუშაობის დაწყება სურს, მასწავლებლის პროფესიული განვითარების ეროვნული ცენტრი ვაკანსიებს სთავაზობს. ვაკანსიები მთელი საქართველოს მასშტაბით გამოცხადდა.

ვაკანსიების სანახავად იხილეთ ბმული - ვაკანსიები.

როგორ უნდა დაუკავშირდეთ სკოლას, რომლის ვაკანსიითაც დაინტერესდით?

ვაკანსიების ჩამონათვალში საგნის დასახელება მითითებულია ლურჯად. თუ დააჭერთ ამ ადგილას ეკრანზე გამოჩნდება ვაკანსიის შესახებ უფრო დეტალური ინფორმაცია. მათ შორის სკოლის საკონტაქტო ინფორმაცია.

წაიკითხეთ სრულად