Baby Bag

„დღევანდელი ეპიდემიოლოგიური ვითარება გვაძლევს იმის თქმის საშუალებას, რომ სწავლა 15 სექტემბერს, საკლასო ოთახებში დაიწყება“

„დღევანდელი ეპიდემიოლოგიური ვითარება გვაძლევს იმის თქმის საშუალებას, რომ სწავლა 15 სექტემბერს, საკლასო ოთახებში დაიწყება“

საქართველოს განათლების, მეცნიერების, კულტურისა და სპორტის მინისტრის მოადგილის ეკა დგებუაძის განცხადებით, სამინისტრო მუდმივ კოორდინაციაშია ჯანდაცვის სამინისტროსა და დაავადებათა კონტროლისა და საზოგადოებრივი ჯანმრთელობის ცენტრთან და დღევანდელი ვითარება იძლევა იმის თქმის შესაძლებლობას, რომ სწავლა 15 სექტემბერს, საკლასო ოთახებში დაიწყოს.

"დღევანდელი ეპიდემიოლოგიური ვითარება გვაძლევს იმის თქმის საშუალებას, რომ სწავლა 15 სექტემბერს, საკლასო ოთახებში დაიწყება. საქართველოს განათლების, მეცნიერების, კულტურისა და სპორტის სამინისტრო მოსწავლეებს დაახვედრებს მაქსიმალურად უსაფრთხო სასკოლო გარემოს.

სწავლის დაწყების ფორმატთან დაკავშირებით მუდმივ კოორდინაციაში ვიყავით და ვართ ჯანდაცვის სამინისტროსა და დაავადებათა კონტროლისა და საზოგადოებრივი ჯანმრთელობის ცენტრთან და აუცილებლად გავითვალისწინებთ მათ რეკომენდაციებს, რადგან საბოლოოდ ყველაფერი მაინც დამოკიდებულია იმ დროისათვის არსებულ ეპიდ-ვითარებაზე.

ჩვენი მთავარი მიზანია, დაცული იყოს თითოეული მოსწავლის ჯანმრთელობის უსაფრთხოება და სრულყოფილი სასწავლო გარემო." - განაცხადა ეკა დგებუაძემ.

შეიძლება დაინტერესდეთ

21 წლის გოგოს ლეღვით ნახარშის გამოყენების შედეგად, სხეულის 25% აქვს დამწვარი

21 წლის გოგოს ლეღვით ნახარშის გამოყენების შედეგად, სხეულის 25% აქვს დამწვარი

თბილისის დამწვრობის ცენტრში 21 წლის გოგო ლეღვის ნახარშის დამწვრობით მოათავსეს. მას სხეულის 20-25 პროცენტი აქვს დამწვარი. ცენტრის ხელმძღვანელის, გუგა ქაშიბაძის თქმით, ამ ეტაპზე გოგონას მდგომარეობა სტაბილურია.

„გოგონამ ლეღვის ნახარში ორი დღის წინ წაისვა, შემდეგ სახლში მკურნალობდა და გაურთულდა. დამწვრობის ცენტრში დღეს დილით შემოიყვანეს... მას ქვემო კიდურებზე აქვს დამწვრობა. მესამე ხარისხის დამწვრობაა... ორი კვირის განმავლობაში დასჭირდება მკურნალობა, რადგან ლეღვის ნახარშის ასეთ დამწვრობას, სერიოზული ინტოქსიკაცია ახლავს თან,“ - განაცხადა გუგა ქაშიბაძემ.

ამასთან, როგორც გუგა ქაშიბაძემ აღნიშნა, დამწვრობის ცენტრში მზისგან მიღებული დამწვრობის გამო, შვიდი პაციენტი მკურნალობს, მათ შორისაა 5 წლის ბავშვი. პაციენტების ნაწილს, დამწვრობის გარდა, გადახურება აღენიშნება.

იხილეთ ასევე: ​როგორ დავიცვათ ბავშვები მზის სხივებისგან - 6 მარტივი რჩევა

წაიკითხეთ სრულად