საქართველოს განათლების, მეცნიერების, კულტურისა და სპორტის სამინისტრომ სკოლებს დოკუმენტი გაუგზავნა, სადაც მომავალი სასწავლო წლისთვის გაკვეთილების ჩატარების სხვადასხვა ფორმატს სთავაზობს, სკოლები კი თავად გადაწყვეტენ, თუ რომელ ვარიანტს აირჩევენ.
როგორც დოკუმენტშია აღნიშნული, თითოეულმა სკოლამ უნდა შეიმუშაოს მის შესაძლებლობებსა და საჭიროებებზე მორგებული საგაკვეთილო ცხრილი.
შესაძლოა, ერთცვლიანი სკოლები გადავიდნენ 2 ცვლაზე და სხვადასხვა საფეხურის მოსწავლეებმა იარონ ცვლების მიხედვით.
დოკუმენტის მიხედვით, სასწავლო წლის პირველი კვირა უნდა დაეთმოს ჰიგიენისა და უსაფრთხოების წესების გაცნობას მოსწავლეებისა და მშობლებისთვის; წესები შეიძლება გააცნონ დამრიგებლებმა, მანდატურებმა და/ან უსაფრთხოებაზე პასუხისმგებელმა პირებმა.
ცვლილება იქნება მოსწავლეთა შეფასებაში, კერძოდ, უპირატესობა უნდა მიენიჭოს კომპლექსური დავალებების კეთებას, რაც იძლევა საშუალებას, გაკვეთილების ნაცვლად ზოგჯერ დაინიშნოს საკონსულტაციო საათები დისტანციურად;
ცვლილება უნდა შევიდეს ესგ-ს იმ ნაწილში, სადაც საუბარია შეფასების სავალდებულო კომპონენტებზე (საკლასო, საშინაო და შემაჯამებელი). სკოლას უნდა მიეცეს შესაძლებლობა, მოსწავლეები შეაფასოს მხოლოდ შემაჯამებელი შეფასებით, საკლასო და საშინაო დავალების კომპონენტები იყოს სკოლის სურვილის მიხედვით (რომელიმე კლასში ან კლასებში, ერთ საგანში ან საგნებში).
,,აღნიშნული დოკუმენტი პირველადი ვარიანტია, რომელსაც კიდევ დაემატება ალტერნატივები დასაბოლოოდ, სკოლებიდან მიღებული უკუკავშირის შემდეგ, შეირჩევა საუკეთესო ვარიანტები სკოლების შესაძლებლობებიდან და საჭიროებებიდან გამომდინარე,'' - აღნიშნავენ რესურსცენტრების წარმომადგენლები.
გააზიარეთ პოსტი
თუ გინდათ, რომ განათლების სფეროში მიმდინარე სიახლეების შესახებ ინფორმირებულები იყოთ, მოიწონეთ გვერდი „მასწავლებლების სანდო წყარო“
ციციშვილის სახელობის კლინიკაში აცხადებენ, რომ მართვით სუნთქვაზე მყოფი სამი ბავშვიდან ორის მდგომარეობა მცირედით გაუმჯობესდა
ციციშვილის სახელობის ბავშთა კლინიკის სამედიცინო დირექტორის მაია ჩხაიძის განცხადებით, მართვით სუნთქვაზე მყოფი კორონავირუსით ინფიცირებული სამი მცირეწლოვანიდან ორის მდგომარეობა უმნიშვნელოდ გაუმჯობესდა.
„სამი პაციენტი იმყოფება მართვით სუნთქვაზე, აქედან ორი მათგანის მდგომარეობაში უმნიშვნელოდ დადებითი დინამიკა შეიმჩნევა, მართვითი სუნთქვის პარამეტრების კლება მიდის, ინფექციის კონტროლი მიდის, ანუ მათი მდგომარეობა სტაბილური და უმნიშვნელოდ გაუმჯობესებულია, თუმცა მართვით სუნთქვაზე რჩებიან. ერთი პაციენტის, რომლის ფილტვიც შემოსვლისას მაღალი ქულით იყო დაზიანებული ორივე მხარეს, მდგარეობა კვლამ უმძიმესი რჩება. მაღალი სიხშირის მართვით სუნთქვაზე და ხისტ პარამეტრებზეა. შეიძლება ითქვას, რომ მისი მდგომარეობა ოდნავ გაუარესდა“, – განაცხადა მაია ჩხაიძემ.
მისივე განმარტებით, ამ დროისთვის რეანიმაციაში 19 არასრულწლოვანი მკურნალობს.
„16 პაცინეტის მდგომარეობა საშუალო სიმძიმისაა და ძირითადად მათ კოვიდ ინფექციის გარდა თანმხლები დაავადებები აქვთ. მათი მდგომარეობა არ არის მძიმე.
რამდენიმე კვირაა, მომართვიანობა მომატებულია, თუმცა გუშინ და გუშინწინ განსაკუთრებულად გაზრდილი რაოდენობა არ არის, შეიძლება, 10-12 პაციენტი, ბავშვი შემოვიდეს“, – განაცხადა მაია ჩხაიძემ.
