საქართველოს განათლების, მეცნიერების, კულტურისა და სპორტის სამინისტრომ სკოლებს დოკუმენტი გაუგზავნა, სადაც მომავალი სასწავლო წლისთვის გაკვეთილების ჩატარების სხვადასხვა ფორმატს სთავაზობს, სკოლები კი თავად გადაწყვეტენ, თუ რომელ ვარიანტს აირჩევენ.
როგორც დოკუმენტშია აღნიშნული, თითოეულმა სკოლამ უნდა შეიმუშაოს მის შესაძლებლობებსა და საჭიროებებზე მორგებული საგაკვეთილო ცხრილი.
შესაძლოა, ერთცვლიანი სკოლები გადავიდნენ 2 ცვლაზე და სხვადასხვა საფეხურის მოსწავლეებმა იარონ ცვლების მიხედვით.
დოკუმენტის მიხედვით, სასწავლო წლის პირველი კვირა უნდა დაეთმოს ჰიგიენისა და უსაფრთხოების წესების გაცნობას მოსწავლეებისა და მშობლებისთვის; წესები შეიძლება გააცნონ დამრიგებლებმა, მანდატურებმა და/ან უსაფრთხოებაზე პასუხისმგებელმა პირებმა.
ცვლილება იქნება მოსწავლეთა შეფასებაში, კერძოდ, უპირატესობა უნდა მიენიჭოს კომპლექსური დავალებების კეთებას, რაც იძლევა საშუალებას, გაკვეთილების ნაცვლად ზოგჯერ დაინიშნოს საკონსულტაციო საათები დისტანციურად;
ცვლილება უნდა შევიდეს ესგ-ს იმ ნაწილში, სადაც საუბარია შეფასების სავალდებულო კომპონენტებზე (საკლასო, საშინაო და შემაჯამებელი). სკოლას უნდა მიეცეს შესაძლებლობა, მოსწავლეები შეაფასოს მხოლოდ შემაჯამებელი შეფასებით, საკლასო და საშინაო დავალების კომპონენტები იყოს სკოლის სურვილის მიხედვით (რომელიმე კლასში ან კლასებში, ერთ საგანში ან საგნებში).
,,აღნიშნული დოკუმენტი პირველადი ვარიანტია, რომელსაც კიდევ დაემატება ალტერნატივები დასაბოლოოდ, სკოლებიდან მიღებული უკუკავშირის შემდეგ, შეირჩევა საუკეთესო ვარიანტები სკოლების შესაძლებლობებიდან და საჭიროებებიდან გამომდინარე,'' - აღნიშნავენ რესურსცენტრების წარმომადგენლები.
გააზიარეთ პოსტი
თუ გინდათ, რომ განათლების სფეროში მიმდინარე სიახლეების შესახებ ინფორმირებულები იყოთ, მოიწონეთ გვერდი „მასწავლებლების სანდო წყარო“
როგორ ხდება კორონავირუსის მსუბუქი ფორმების მკურნალობა ბავშვებში სახლის პირობებში
როგორ ხდება კორონავირუსის მსუბუქი ფორმების მკურნალობა ბავშვებში სახლის პირობებში - თემაზე ექიმი გიორგი ღოღობერიძე საუბრობს.
როგორც გიორგი ღოღობერიძე აღნიშნავს, ბავშვებში კორონავირუსის სამი ყველაზე დამახასიათებელი ნიშანია:
1. სიცხე
2.ხველა
3. დაღლილობის განცდა
გარდა ამ სამი ნიშნისა, კორონავირუსისთვის ბავშვებში დამახასიათებელია თავის, ყელის და კუნთების ტკივილი. დელტა ვარიანტისთვის დამახასიათებლად იქცა ასევე სურდო.
,,უნდა გვახსოვდეს, რომ კოვიდი მხოლოდ ფილტვების ინფექცია არ არის და ამიტომ ბავშვებში ამ დროს შეიძლება აღინიშნებოდეს
1. გულისრევა
2. ღებინება
3. ფაღარათი.''
გიორგი ღოღობერიძე მშობლებს ასწავლის, თუ როგორ უნდა უმკურნალონ ბავშვებს სახლის პირობებში.
