განათლების, მეცნიერების, კულტურისა და სპორტის მინისტრის მოადგილის, ირინე აბულაძის ბრძანებით, 2018-2019 სასწავლო წლის სკოლის გამოსაშვები გამოცდების პროგრამები დამტკიცდა.
შესაბამისი ბრძანება სამინისტროს საიტზე დღეს გამოქვეყნდა.
საქართველოს განათლების, მეცნიერების, კულტურისა და სპორტის მინისტრი მიხეილ ბატიაშვილი აბიტურიენტებს მიმართავს:
„ძვირფასო აბიტურიენტებო,
დღეს თქვენს ცხოვრებაში ერთ-ერთი ყველაზე მნიშვნელოვანი და საპასუხისმგებლო პერიოდი დაიწყო.
მჯერა, რომ რა პროფესიაც არ უნდა აირჩიოთ მომავალში, თითოეული თქვენგანი ღირსეულ ადგილს დაიმკვიდრებს საზოგადოებაში, რადგან კარგად გესმით: ცოდნა და შემოქმედება, ყოველდღიური შრომა და განვითარებისკენ მუდმივი სწრაფვა არის წინაპირობა თქვენი პირადი კეთილდღეობისა თუ ქვეყნის განვითარებისთვის.
გულითადად გისურვებთ წარმატებებს. იმედი მაქვს, ახალი სასწავლო წლიდან უნივერსიტეტებში გააგრძელებთ იმ ცოდნის გაღრმავებას, რომელსაც სკოლებში დაეუფლეთ,“ - აღნიშნავს განათლების მინისტრი.
წაიკითხეთ სრულად
