Baby Bag

პროგრამა Teams-ში ქართული ელექტრონული საგანმანათლებლო რესურსების პლატფორმა el.ge ინტეგრირდა

პროგრამა Teams-ში ქართული ელექტრონული საგანმანათლებლო რესურსების პლატფორმა el.ge ინტეგრირდა

საქართველოს განათლების მართვის საინფორმაციო სისტემის მაიკროსოფტთან თანამშრომლობის შედეგად, პირველად, ქართული ონლაინ პროდუქტი el.ge მაიკროსოფტის პროგრამა Teams-ში ინტეგრირდა.

პროგრამა Teams-ში el.ge-ის პლატფორმის დამატებით, მთელი საქართველოს მასშტაბით, ყველა მომხმარებელს მიეცა შესაძლებლობა ერთ სივრცეში ჰქონდეს წვდომა მისთვის საჭირო 22 ათასზე მეტ საგანმანათლებლო-ელექტრონულ რესურსთან.

ერთიანი საგანმანათლებლო ელექტრონული პორტალი el.ge 2018 წელს შეიქმნა, სადაც განთავსებულია სხვადასხვა ორგანიზაციის მიერ მომზადებული და შექმნილი ელექტრონული საგანმანათლებლო და შემეცნებითი რესურსები.

ვებ-გვერდზე ატვირთულია ელექტრონული წიგნები, თემატური ვიდეოები, ნოტები, სტატიები, ფოტო და აუდიო მასალები.

გამოყოფილია სივრცე ბლოგის, ვებინარების და სხვადასხვა მიმართულების პროექტებისთვის, რაც ეხმარება სწავლების პროცესში მოსწავლეებსა და მასწავლებლებს ჰქონდეთ საჭირო მასალებთან შეუფერხებელი წვდომა.

შეიძლება დაინტერესდეთ

მასწავლებელთა პროფესიული განვითარების ეროვნული ცენტრი პედაგოგებისთვის კონკურსს აცხადებს

მასწავლებელთა პროფესიული განვითარების ეროვნული ცენტრი პედაგოგებისთვის კონკურსს აცხადებს

მასწავლებელთა პროფესიული განვითარების ეროვნული ცენტრი ბიოლოგიის, ბუნებისმეტყველების, გეოგრაფიის საუკეთესო მასწავლებლის გამოსავლენად კონკურსს აცხადებს. ინფორმაციას განათლების, მეცნიერების, კულტურისა და სპორტის სამინისტრო ​ავრცელებს.

უწყების ცნობით, კონკურსებში მონაწილეობა შეუძლიათ საქართველოს საჯარო და კერძო სკოლების ბიოლოგიის, ბუნებისმეტყველების და გეოგრაფიის უფროს, წამყვან და მენტორ მასწავლებლებს, ასაკისა და პედაგოგიური სტაჟის მიუხედავად.

რეგისტრაცია გაგრძელდება 17 აპრილის ჩათვლით.

რეგისტრაციისათვის, ეწვიეთ ბმულს - ​კონკურსი მასწავლებლებისთვის.

წაიკითხეთ სრულად