საქართველოში Microsoft Teams-ს მსოფლიოში ყველაზე დიდი პროცენტული ზრდა და ცენტრალურ და აღმოსავლეთ ევროპაში ყველაზე დიდი მოხმარება აქვს, - ინფორმაციას განათლების მართვის საინფორმაციო სისტემა ავრცელებს.
„ერთი თვის სტატისტიკის მიხედვით, Microsoft 365 პორტალის აქტივობის მაჩვენებლის ინფორმაციაზე დაყრდნობით, Microsoft Teams-ში მომხარებელთა ჯამური აქტიური რაოდენობა შეადგენს 368000-ს, ხოლო აპლიკაციაში შიდა აქტივობის მაჩვენებელი (ონლაინ შეხვედრები, გაკვეთილები, ჩეთი, მესიჯები და ა.შ.) მარტის დასაწყისთან შედარებით გაზრდილია 82600%-ით; პროგრამა Teams-ით ერთი თვის წინ დღეში მხოლოდ 750 აქტიური იუზერი სარგებლობდა. ამ დროის მონაცემებით კი დღიურად 248000 ადამიანი სარგებლობს.
Office 365-ში აქტიური იუზერების რაოდენობა შეადგენს - 483000;
ელ-ფოსტის აქტიური იუზერის რაოდენობა შეადგენს - 81200;
OneDrive-ის აქტიური იუზერის რაოდენობა შეადგენს - 93000;
Forms-ის აქტიური იუზერის რაოდენობა შეადგენს - 18500,“ - აღნიშნულია განათლების მართვის საინფორმაციო სისტემის მიერ გავრცელებულ ინფორმაციაში.
