საქართველოს 15 სკოლაში სწავლების ინოვაციური საგანმანათლებლო მეთოდოლოგიები და რესურსები ინერგება, - ინფორმაციას unicef Georgia ავრცელებს.
„ელექტრონული სწავლების ციფრული პროგრამა - „ვსწავლობთ თამაშით“ დაწყებითი კლასის მოსწავლეებისთვის არის განკუთვნული და ისეთ კომპეტენციებს ავითარებს, როგორებიცაა - წერა-კითხვა, ტექნოლოგიური უნარები, შემოქმედობითობა, თანამშრომლობა და კომუნიკაცია,“ - აღნიშნულია unicef Georgia-ს მიერ გავრცელებულ ინფორმაციაში.
იხილეთ მათ მიერ მომზადებული ვიდეო:
,,ყოველთვის ვიტყვით, რომ როცა სახელმწიფოს ამის შესაძლებლობა ექნება, მასწავლებლის სოციალური გაძლიერებისთვის ვიზრუნებთ'' - ამის შესახებ პრემიერ-მინისტრმა გიორგი გახარიამ განაცხადა.
მისი თქმით, სახელმწიფო დგას კეთილსინდისიერ საჯარო მოხელეებზე:
,,ადამიანი ყოველთვის იქნება ჩვენი ყურადღების ცენტრში. ჩვენ ყველაფერს გავაკეთებთ და ყოველთვის დავუდგებით სხვადასხვა მოწყვლად ჯგუფებს გვერდით, ისე როგორც ეს ჩვენს ეკონომიკას შეუძლია. სახელმწიფო დგას კეთილსინდისიერ საჯარო მოხელეებზე. არ შეგვრცხვება და ყოველთვის ვიტყვით, რომ როცა სახელმწიფოს ამის შესაძლებლობა ექნება, ექიმისა და მასწავლებლის, პოლიციელისა და ჯარისკაცის სოციალური გაძლიერებისთვის ვიზრუნებთ. ეს ის ადამიანები არიან, რომელზეც დგას ჩვენი ქვეყნის სიმშვიდე, მშვიდობა, თითოეული ჩვენი მოქალაქის ჯანრმთელობა" - დასძინა გიორგი გახარიამ.
