Baby Bag

როდიდან შეძლებენ აპლიკანტები საგამოცდო ბარათების ამობეჭდვას - Naec

როდიდან შეძლებენ აპლიკანტები საგამოცდო ბარათების ამობეჭდვას - Naec

საგამოცდო ბარათების ამობეჭდვა შესაძლებელი იქნება 20 ივნისის შემდეგ, - ინფორმაციას შეფასებისა და გამოცდების ეროვნული ცენტრი ავრცელებს. 

„ბარათის ამოსაბეჭდად, ნებისმიერ ხელმისაწვდომ კომპიუტერზე, პირად გვერდზე (სადაც ირჩევთ გამოცდებს, საგანმანათლებლო პროგრამებს, ნახულობთ შედეგებს) უნდა გამოიყენოთ ღილაკი - „დაბეჭდეთ ბარათი“.

ბარათზე მითითებული იქნება შემდეგი ინფორმაცია: საგამოცდო ცენტრის მისამართი, თითოეული გამოცდის თარიღი, გამოცდაზე რეგისტრაციის დაწყების დრო.

​მნიშვნელოვანია, რომ საგამოცდო ბარათზე მოცემული ყველა ინფორმაცია დაბეჭდილი იყოს მკაფიოდ, ხარვეზების (წყვეტა, ლაქები და ა.შ) გარეშე.

საგამოცდო ბარათი პირადობის დამადასტურებელ დოკუმენტთან ერთად იქნება თქვენი საშვი მთელი საგამოცდო პროცესის განმავლობაში,“ - აღნიშნულია შეფასებისა და გამოცდების ეროვნული ცენტრის მიერ გავრცელებულ ინფორმაციაში.

შეიძლება დაინტერესდეთ

გასულ წლებში სკოლის გამოცდებში ჩაჭრილ მოსწავლეებს, 2019 წლის ერთიან ეროვნულ გამოცდებზე რეგისტრაცია შეეძლებათ

გასულ წლებში სკოლის გამოცდებში ჩაჭრილ მოსწავლეებს, 2019 წლის ერთიან ეროვნულ გამოცდებზე რეგისტრაცია შეეძლებათ

„​წლების განმავლობაში, იმ ადამიანებს, ვინც, სკოლის საატესტატო გამოცდების თუნდაც ერთ საგანში მაინც ჩაიჭრა, მიუხედავად იმისა, რომ სასწავლო გეგმა დაძლიეს, ეროვნულ გამოცდებზე გასვლის საშუალება არ ჰქონდათ. წელს მათ ამის საშუალება ექნებათ,“ - ამის შესახებ შეფასებისა და გამოცდების ეროვნული ცენტრის დირექტორმა სოფო გორგოძემ განაცხადა.

მისივე თქმით, სწორედ ამ გარემოების გათვალისწინებით, წელს ერთიან ეროვნულ გამოცდებზე წინა წლებთან შედარებით, უფრო მეტი აბიტურიენტის დარეგისტრირებას ელოდებიან:

„ჩვენ ველოდებით, რომ წელს უფრო მეტი აბიტურიენტი გვეყოლება, ვიდრე წინა წელს. შარშან დაახლოებით 38 ათასი აბიტურიენტი გვყავდა. თუმცა წელს, იქიდან გამომდინარე, რომ გაუქმდა ე.წ. კატის გამოცდები, უფრო მეტ აბიტურიენტს ექნება გამოცდაზე გასვლის საშუალება, შესაბამისად, ველოდებით, რომ ნაკადი გაიზრდება. კონკრეტულ რაოდენობას ამ ეტაპზე ვერ გეტყვით. ყოველ შემთხვევაში, შანსი წელს უფრო მეტ ადამიანს აქვს. წლების განმავლობაში იმ ადამიანებს, ვინც, თუნდაც, ერთ საგანში ჩაიჭრა cat-ის გამოცდებში, მიუხედავად იმისა, რომ სასწავლო გეგმა დაძლიეს, ეროვნულ გამოცდებზე გასვლის საშუალება არ ჰქონდათ. წელს მათ ამის საშუალება ექნებათ. თუ მოსწავლეს დაძლეული აქვს ეროვნული სასწავლო გეგმა და დადებითი შეფასება აქვს საგანში, ის უფლებამოსილია აიღოს ატესტატი. რეგისტრაციის მომენტში ატესტატის ქონა, რა თქმა უნდა, არ არის აუცილებელი, მაგრამ შემდეგ ჩარიცხვებისთვის აუცილებლად დასჭირდებათ. ასევე, მოვუწოდებ აბიტურიენტებს, რომ ბოლო დღემდე არ მიიყვანონ რეგისტრაციის პროცესი, რაიმე პრობლემა რომ არ წამოიჭრას“, - განაცხადა სოფო გორგოძემ.

იხილეთ ასევე:


წაიკითხეთ სრულად