Baby Bag

განათლების სამინისტრო სკოლებში თავისუფალ დასწრებასთან დაკავშირებით განცხადებას ავრცელებს

განათლების სამინისტრო სკოლებში თავისუფალ დასწრებასთან დაკავშირებით განცხადებას ავრცელებს

განათლების, მეცნიერების, კულტურისა და სპორტის სამინისტროს მიერ ზოგადი განათლების შესახებ კანონში ინიცირებული ცვლილების საფუძველზე საჯარო სკოლებში საატესტატო გამოსაშვები გამოცდები გაუქმდა. აქედან გამომდინარე, 2018-2019 სასწავლო წელს, მე-12 კლასის მოსწავლეებისთვის თავისუფალი დასწრების რეჟიმი აღარ იმოქმედებს და მათთვის სასწავლო წელი 20 მაისს დასრულდება - ინფორმაციას განათლების სამინისტრო ავრცელებს. 

„წელს, დამამთავრებელი კლასის მოსწავლეებისთვის 30% და მეტის გაცდენის გამო ექსტერნატის გამოცდებზე რეგისტრაციის პერიოდად 21-22 მაისი, ხოლო საგამოცდო პერიოდად 23 მაისიდან 31 მაისის ჩათვლით განისაზღვრება. ექსტერნატის გამოცდებისთვის მოსწავლეთა რეგისტრაცია საჯარო სკოლის მიერ ელექტრონულად განხორციელდება.

რაც შეეხება ექსტერნის გამოცდებს, როგორც ცნობილია ეროვნული სასწავლო გეგმის თანახმად, თუ საბაზო-საშუალო საფეხურებზე მოსწავლემ სასწავლო წლის განმავლობაში კონკრეტული საგნისთვის წლის მანძილზე დათმობილი საათების 30% და მეტი გააცდინა, ის მხოლოდ ექსტერნატის გამოცდის ჩაბარების საფუძველზე ფასდება.

შეგახსენებთ, რომ თავისუფალი დასწრების პრაქტიკა 2012-2013 სასწავლო წლიდან მოქმედებდა. გამომდინარე იქიდან, რომ შეფასებისა და გამოცდების ეროვნული ცენტრის მიერ დადგენილი გრაფიკით, სკოლის გამოსაშვები გამოცდები სასწავლო წლის დასრულებისთანავე იწყებოდა, აუცილებელი ხდებოდა გაცდენების ზღვრულ ოდენობაზე მეტის მქონე მოსწავლეების ექსტერნატის წესით შეფასების პროცესი ამ დროისთვის დასრულებული ყოფილიყო. სწორედ ამიტომ, სამინისტროს გადაწყვეტილებით მე-12 კლასელებისთვის, ყოველწლიურად, თავისუფალი დასწრების რეჟიმი სასწავლო წლის დასრულებამდე ერთი თვით ადრე დაიშვებოდა და ამ პერიოდში მათ მიერ გაცდენილი საგაკვეთილო საათები უკვე დაგროვილი გაცდენების რაოდენობას არ ემატებოდა,“ - აღნიშნულია განცხადებაში. 


შეიძლება დაინტერესდეთ

ყველა იმ საჯარო სკოლაში, სადაც მანდატურის სამსახური წარმოდგენილი არ არის, სასკოლო უსაფრთხოებას უფლებამოსილი პირები უზრუნველყოფენ

ყველა იმ საჯარო სკოლაში, სადაც მანდატურის სამსახური წარმოდგენილი არ არის, სასკოლო უსაფრთხოებას უფლებამოსილი პირები უზრუნველყოფენ

უსაფრთხოების ახალი წესის თანახმად, უკლებლივ ყველა იმ საჯარო სკოლაში, სადაც მანდატურის სამსახური ჯერჯერობით წარმოდგენილი არ არის, სასკოლო უსაფრთხოებას უფლებამოსილი პირები უზრუნველყოფენ, - ინფორმაციას მანდატურის სამსახური ავრცელეს.

უწყების ცნობით, მანდატურის სამსახურში სპეციალური ტრენინგ-მოდულით უფლებამოსილი პირების გადამზადება მიმდინარეობს. ამ ეტაპზე, ქვეყნის მასშტაბით, უკვე გადამზადდა 1500-მდე უფლებამოსილი პირი.

მანდატურის სამსახურის მიერ გავრცელებულ ინფორმაციაში აღნიშნულია, რომ 2019 წელს მანდატურის სამსახური საქართველოს რეგიონების 130 ახალ საჯარო სკოლაში შევიდა. სულ, მანდატურები ამ დროისთვის წარმოდგენილნი არიან საქართველოს 588 საჯარო სკოლაში. გაფართოების გეგმის თანახმად, მანდატურის სამსახური 2020 წელს კვლავ 130 ახალ საჯარო სკოლაში შევა.

წაიკითხეთ სრულად